TÜZHOKHI 1:1 - AMÜSÜH HÜM CL Bible (BSI)

¹ Khülang ki mihtsürünü mia lakhi kiuto küdükhüh zhikrangkhündo yapla! Künangde anihbe khimoberü nangde kama la, trükshih bolung anihbe ato lakheah! Anihbe lomi bolung ching kiulongthsürü lakhi azhorü kamdo.

TÜZHOKHI 1:1 Iomraidhean Croise

1 KIULONG THSÜRÜ 4:21

Solomon ju Euphra chingnü Filistia lomi kiulongthsürübo alala kurungkheak, Ijip aredungyean she khiungde wu-sühmüh lakheah; arünü ruk handarü tüsho Solomon rhangdung lakhi amuyung tankih.

2 KIULONG THSÜRÜ 23:33

Apinü Jirusalem ching kiulong müthsüshihpü thsüde, Pharao Nekonü Hamath lomi, Ribla ching api rama zo, tüsho lomi kheaknü shotoyinchi khahngak 3400 tüsho suna khahngak 34nü ruk lupü tha.

2 KIULONG THSÜRÜ 23:35

Jehoiakimnü shotoyinchi tüsho suna Pharao kilim jih, tüshe Pharaonü sho kheangkhi jihpü thsüde lomi kheaknü ruk thre. Pharao Neko kilim jihpü arü lakhi thülünnü lomi mihtsürübo kheaknü apinü shotoyinchi tüsho suna threa lu.

2 KIUTHSÜYUKHEAN 9:26

Apinü kiulongthsürü alala kurungkheak Euphra chingnü Filistia lomi, tüsho Ijip aredungyean khiungde kiulongthsü.

EZRA 4:20

Jirusalem ching sühmüh larü kiulongthsürübonü aniyüzahlim Euphrarü kurungkheak ruk threa tsühde wüntre jihshihde laa lah.

NEHEMIA 5:4

Tüsho khürünü tha, “Isa lubo tüsho kurungasolu dünkheak kiulongthsüpuh ki ruk shakpü sho nipdo.

NEHEMIA 9:37

Tüsho isa neak hode alo chingnü akhiukkhibo nünü isa kurungkheak zojihkhi kiulongthsürübo kilim jihchoh; arünü isa pang tüsho isa shiwüh kheak arü künkhi rhimochoh, tüsho isa mulong kimikhi ching lah.

MUNGSHIKHÜN 122:4

Ha Israel kilim jihkhi yakzan thsükhi yande Atungpuh mung shipü Atungpuh trükbo wutupung ah.

ISAIA 14:12

“ Nü küruk yinmi chingnü ayokhikhea, O Animung Chining, Yapsu tsührü! Nü küruk alo kheak kiushaka keamshihkhea, nü shepünü trükshihbo keamkhishihkhea!

ISAIA 22:2

nüsa azhikhinü mide larü, arhunganimkhi kiuto, asühachihkhi kiuto? Nüsa shekhi ju nukshangnü alaksahkhi yung, yungsho arübo keochih ching shekhi yung.

ISAIA 3:26

Tüsho Zion chipiripitbonü tüzhode mitripbah; zhikrangkhündo, anihbe alo kheak binbah.

ISAIA 49:21

Judüki nü mulong ching nünü athabah, “Shenü I kilim harü zübejihkhea? I mitripde tüsho bünkeangberü, ramtso ching tsoshih-a lakheah– jumonü shenü harü mütrükhea? I a I langzü tsütsü lang alakheah dale harü küchingnü arükhea?”

ISAIA 50:5

Atungpuh Thrünpuhnü I nükhün khimshuhjih, tüsho inü mazhih, inü mutsolo.

ISAIA 52:2

Asungthulung chingnü nü dütrünang, asürang, O aramkhi Jirusalem; arhükkhibo nü hung chingnü trünang, O aramkhi Zion tsührübe!

ISAIA 52:7

Awungbo kheak mungtsü zhiyukrü jing küdükhüh she akhamla, shepünü thiyusheak atsü handarücho, shepünü akhümkhit zhiyukcho, shepünü Zion ki thacho, “ Nü Thrünpuhnü kiulongthsüchoh.”

ISAIA 54:4

Dütre, tümüde nü achih müngü; mulong dünini, tümüde nü achih ngüde müküpkhuk; nü athunu achihahean nünü amihbah, tüsho nü khimokhi achihahean nünü mülümkhitlo.

JEREMIA 31:7

Tümüde Atungpuhnü ha thachoh: Jakob thsungkheaknü asühde achangnü khün thsüang, tüsho trükshih yo atobe thsungkheak zhiang; zhiyukang, mungshi jihang, tüsho thaang, “ O Atungpuh , nü mihtsürü aningkhi Israel khümkhitang.”

JEREMIA 40:9

Shaphan tsührü Ahikam tsührü Gedalianü arübo le bonungrü ki thiyuchihchimde tha, “ Kaldearü tankihpü dütre. Ha lomi ching laang tüsho Babilon kiulongthsüpuh tankihang tüsho nüsa tsüde alabah.

JEREMIA 42:2

wukihbuh Jeremia ki tha, “ Isanü mushukhi tsüde anijang, tüsho isa thsungkheak Atungpuh nü Thrünpuh ki tamkhüntamnüjang– harü aningkhi alala thsungkheak. Tümüde nü müknü ngülah, ahihdo chingnü isa anükhüh lang aningdo.

JEREMIA 44:2

Wuto Atungpuh , Israel Thrünpuhnü ha thachoh: Inü Jirusalem tüsho Juda kiutobo alala kheak handarükhi thsümütsü alala nüsanü ngüdo. Jurübo kheak kheahang; ha nimung jurübo mihtsürü mülade zhikrangkhündo lah,

JEREMIA 44:6

Jumonü Juda kiutobo tüsho Jirusalem kiudunglimrobo ching I bukakhiukkhi dungkih tüsho trushih; tüsho jurübo athsümünim tüsho zhikrangkhündo kamabah, jurübo khihni khiungde lah.

JEREMIA 50:23

Lomi athrünkhi yümlung küdükhüh lang adütre kamde thsümünima la! Trükshih bolung Babilon küdükhüh she yingyingbe khunga la!

JEREMIA 9:11

Inü Jirusalem athsümünimkhi mujung, shirung lapungbo kamshihbah; tüsho inü Juda kiutobo she mülade zhikrangkhündo akamshihbah.

TÜZHOKHI 1:19

Inü I muzhorübo ki ji tüshe arünü I mülapyuk; I yo amükeamrü tüsho azothsürübo arü sühmüh dükünglopü tsühyungpü yimchoki kiuto ching dükheakdo.

TÜZHOKHI 2:1

Künangde Atungpuhnü abukakhiukkhi amonü Zion tsührübe liudola! Apinü Israel tsakamkhi yinmi chingnü alomi ching jipkhido; apinü api bukakhiukkhi nimung ajing thrümpung mülümkhit.

TÜZHOKHI 2:10

Zion tsührübe azothsürübo alo kheak zhikde binlah; arünü arü ku kheak awah yihkih tüsho shungliukhim phuyu; Jirusalem athunu liberübonü arü ku alo lim mükhüm.

TÜZHOKHI 4:1

Künangde suna thsü müwado kama la, künangde suna müthsün thsü müthria la! Amüsüh lungbo kiudunglimro aban ching hiumüzüta yaplah.

TÜZHOKHI 5:16

Isa ku kheaknü kuthran ayokhido; isa are, tümüde isanü neak yihbeakdo!

EZEKIEL 26:16

Judüki keto yakzanshuhrübo alalanü arü kiulongthsü-binkiu chingnü akibah; arü shulünkhimbo tüsho arü yakkhokhi khimmihbo yihkhitbah. Arünü nihbuh zangrü ajankhinü khim thsübah alo kheak binbah; arünü kim aban ajanbah tüsho nü ki müyinsahbah.

EZEKIEL 26:2

Mihtsürü tsührü, tümütüsho Tairnü Jirusalem dünkheak mutukzhakde tha, “Aha, mihtsürübo chipiripitlimro thsümünima lah; ha I ki khimshuhmülih-a lah; kheakü thsümünima lakhi inü athsülobah.”

EZEKIEL 5:5

Ha Wuto Atungpuhnü thachoh: Ha Jirusalem ah; lomi alalanü anihbe mükamdobah inü anihbe trükshihbo phulung zojih.

LEVI 26:31

Inü nüsa kiutobo akeangkeang kamshihbah tüsho amüsüh dangpungbo zhikabahshihbah, tüsho nüsanü arhümthüneabe kingaünkhi mümünimjih.

LEVI 26:33

Inü nüsa trükshih bolung müzütshihbah tüsho nüsa azhihde nukshang thokhitbah; nüsa lo zhikabahbah tüsho kiutobo akeangkeang kambah.

ZEPHANIA 2:15

Ha lülüshishi tüsho tsüde lah dükhi kiuto, anihbenü tha, “ I lah tüsho sheshe müla!” Anihbe küdükhüh athsümünimkhi kamde, mütüm shiwüh yam lah! Anihbe tsahhorü abannü ish thsüchoh tüsho khahduthrung hitchoh.

AMIKHEAKAKHIUKKHI 18:7

Anihbenü müretah-a lukhi tüsho müthangmüsün ahorikhi nangde, alibe kilim ju ruk adüna thsümüchi tüsho tüzhopü jihang. Tümütüsho anihbe mulong ching alibenü thachoh, ‘I kiulongthsüberü thsüde binlah; I a khimoberü yung, I küyimkishe mütüzho,’