TITA 3:8 - AMÜSÜH HÜM CL Bible (BSI)

⁸ Ha thakhi dükdü ah. Inü a harü kheak nünü ningkihshihpü mulonglah, junangde sherünü Thrünpuh kheak kinkheanü atsü rhimopü kümkangbah. Harü ha atsüdak tüsho mihtsürübo kilim alü thsübe lah.

TITA 3:8 Iomraidhean Croise

JOB HU H T ANYU 22:2

Mihtsürü khülang Thrünpuh ki yihnüpü lakhukba de? Lümlung larü she api ki alü thsükhukba de?

MUNGSHIKHÜN 78:22

tümütüsho arünü Thrünpuh kheak mükin, tüsho api akhümkhit ching akin müla.

MÜCHITMUDU 21:28

Arükchih thiyumütsan adükheakbah, tüshe düshihde lümakheahrü yu rünkhiungbah.

MATHI 20:4

tüsho arü ki tha, ‘Nüsa she kurungasolu ching yüang, tüsho tümü dünbanü inü nüsa kilim jihbah.’ Tüsho arünü yü.

JOHAN 12:44

Judüki Jisunü zhide tha, “Shepünü I kheak kinchonü, I yungde I thiyibuh kheak kinchoh.

JOHAN 5:24

Atsütsü inü nüsa ki thachoh, shepünü I yu anicho tüsho I thiyibuh kheak kinchonü akheam müla rhangdung lah, tüsho mahkhap ching marü, tüshe ashe chingnü hode rhangdung lim yüdo.

YUNIRÜBO RHIMO 12:15

Arünü alibe ki tha, “Nü bünchoh.” Tüshe jude ah de alibenü ningkihde tha. Arünü tha, “Ju api yo yunirü ah!”

ROMRÜ KILIM PAULNÜ ATHRÜTKHI KIHÜM HUHTANYU 4:5

Tüsho shepü mürhimo tüshe amükinrü alim kamshihbuh kinrü kilim api akin ju thiyurolungki khejihchoh.

2 KORINT 4:13

Amüsühyunü thachoh, “Inü akinkhi hode inü asukchoh.” Ju akin me rukhühnü isanü she kinchoh tüsho asukchoh.

EFISIA 4:28

Ahührünü kheaküa dahüh, tüshe apinü rhimoang, api khahnü thiyuro rhimo rhimoang, junangde apinü küpkhukrü kilim jihpü kukbah.

1 TIMOTHI 1:15

Aneakrü khümkhitpü Jisu Khrista ha lomi ching arükheah de athakhi atsütsü tüsho dükde aleangkhibe athülün lah, tüsho arü kheaknü I amütsübe ah;

1 TIMOTHI 2:8

Inü dangpung aban ching bukmakhiukde yungsho murukachihde tamkhüntamnü ching amüsüh khahbo shuhkihshihnelah;

1 TIMOTHI 5:10

tüsho anihbenü khungarü mütrümusukhi, hanrü mürühkhi, amüsührü jing müsühjihkhi, küpkhuk ching larü rungkhi tüsho atsü rhimobo alala ching shuhmülanga jihkhi tsüde amükheahkhi labeah.

2 TIMOTHI 1:12

jumonü harü dünkheaknü I thsünüchoh tüshe inü machih tümüde shepü kheak inü akinkheanü inü mükheahlah, tüsho api ki thiyikhi nimung khiungde apinü aheangpü kukbah de inü mütsanlah.

TITA 1:9

athsangyukhi yu apinü düngde ramrihbeah, junangde apinü thiyuro kingaün-yakzan ching thsangdankhi jihkhukbah tüsho ju azhihrü ki amülim mütsanjihbah.

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.

TITA 2:7

Lüpdükhi ching atsü rhimode arü ki amütsan huhang. Nü thsangyukhi ching thiyuro mulong jihkhi

TITA 3:1

Yakzanshuhrü tüsho thiyukhümsühmüh khüp lapü, mihyuanipü, thiyuro rhimo tümü thsüthsü she arhimopü thsakhama lapü,

TITA 3:14

Atsütsü yihnüpü thsungkheak rungpü thsüde isa mihtsürübonü atsü rhimopü anikhitbeah; arünü alü mülakhi rhangdung mülabeah.

PHILEMON 1:11

Akhuhlim a nü ki yihnüpü mülade lado, tüshe kheakü nü tüsho I ki yihnüpü kamdo.

IBRI 10:24

isanü muzhoachihpü tüsho rhimo atsü rhimopü khülangnü khülang thurumusuachihpü lümanü,

1 PETER 1:21

Apinü ashekhi chingnü arhang kamloshihbah müretah jihkhi api hode Thrünpuh kheak nüsa mulongram lah, junangde nüsa akin tüsho mulonglam Thrünpuh kheak lah.