TITA 3:2 - AMÜSÜH HÜM CL Bible (BSI)

² she dün amütsü masukpü, mungtsü tüsho müyamrü thsüpü tüsho alala ki thiyuro azhihayih huhpü arü ki lümkhitshang.

TITA 3:2 Iomraidhean Croise

2 SAMUEL 22:36

Nünü I kilim nü akhümkhit tsung jih tüsho nü arung hode I ato kamshih.

MUNGSHIKHÜN 140:11

Thsüpkhilukhirü alomi ching dülashih; amütsürünü athsümünim mihtsürü lahyuka bahpü jimshang.

MÜCHITMUDU 19:19

Mihtsürü khide bukmükekhi ju thsümüchi ngübah; tümüde nünü api dükhesho, nünü ju ruk lang athsülobah.

MÜCHITMUDU 25:24

Dapdaprara niuberü lung thüyam ching lakhi kheaknü a damzü mühit ching lakhi atsübe.

MÜCHITMUDU 6:19

arükchih thiyumütsan asukkhi, tüsho keoniorü bolung alanaji akhiukshihkhi mihtsürü.

ISAIA 40:11

Apinü api mihnubo ki mihnu neakrünü nangde yimkipbah; apinü namfimihnunubo api bin kheak bemukhungbah, tüsho arübo api khüh kheak hanbah, tüsho namfimihnu abebo mükhihde abebah.

MATHI 11:29

I sangkap lubah nüsa kheak yihkihang tüsho I kheaknü anikhitang, tümüde I tsüyihrü tüsho mulong athünak, tüsho nüsa me sühakhim ngübah.

YUNIRÜBO RHIMO 23:5

Tüsho Paulnü tha, “Keoniorübo, api achangbe amükeamrü ah de inü mükheah-a müla; tümüde ha thrüta lah, ‘Nünü nüsa mihtsürü yakzanshuhrü dünkheak amütsü dasuk.’ ”

1 KORINT 6:10

ahühkhi, yihnelune, müshangmuru, thsangkhithsangyuk, yungsho jangkhijangranü Thrünpuh kiulongthsü yamrüplurüp mulu.

1 KORINT 9:19

Tümütüsho mihtsürü alala kheaknü I zuzu lalashe, alü bedarüpü thsüde I küdah thsüde alala azhorü kam.

2 KORINT 10:1

I Paulnü, Khrista amuzho tüsho azhihayih hode nüsa ki mushuchoh–nüsa ki a I azhihayihdo, tüshe nüsa kheaknü atrütsho müküplah!

2 KORINT 12:20

Tümüde küyimki I arübanü inü alümkhi nangde nüsa mülapü tüsho nüsanü alümkhi I mülapü inü trede lah; junangde rukachih, mükthsü, bukakhiuk, yihnelune, mülapmüji, dünthamungtha, mungshilokhi, tüsho ayingying lapü kuklah.

GALATIA 5:22

Tüsho Me sangaso ju amuzho, asühpü, mungtsü, arümkheam, tsüyihkhi, tsüde thiyuro lakhi,

GALATIA 6:1

Keoniorübo, mihtsürü khürü neak ramkhitsho, nüsa me-larünü me azhihayih chingnü api beloang. Nüsa she rükaki ching müyüzahpü thsüde kurhangang.

GALATIA 6:10

Jumonü isa kim lakhi ching, isanü mihtsürü alala ki, adungto thsüde akinrü yamkhünbo ki atsü rhimoanü.

EFISIA 4:2

azhihayihde tüsho tsüyihde, arümkheamde, amuzho ching khülangnü khülang arümkheamachihde,

EFISIA 4:31

Akhüh, mulong zhipzhip, bukakhiuk, alanaji tüsho dünthamungtha athsümünim alala bede bahang,

FILIPI 4:5

Nüsa arümkheamachihkhi alalanü mükheahshang. Atungpuh thüninde lah.

1 TESALONIKA 2:7

Tüshe isa ju berünü tsührü kümkhi nangde nüsa lung azhihayihde alakheah.

1 TIMOTHI 3:11

Aliberübo she junangde yakli atsü, müjipjiprararü, tüsho adanyukkhi, alala ching thiyuro labeah.

1 TIMOTHI 3:3

amüshangrü, yungsho asungsungrü yung tüshe azhihayihde, murukachihde, tüsho sho mümuzhorü thsübeah.

JAKOB 3:17

Tüshe akulimnü arükhi lümlung ju akhuhde atsangkhitkhi, jushu mungtsü, azhihayih, zhakmüzhi, mihmüthsüm tüsho sangaso atsünü mide, jakkheahkhi tüsho yiuhkhapkhi müla.

JAKOB 4:11

Keoniorübo, khülangnü khülang azhihde amütsü düthaachih. Shepünü keoniorü azhihde amütsü asukcho yungsho keoniorü yukhapchonü yakzan azhihde amütsü asukchoh tüsho yakzan yukhapchoh. Tüshe nünü yakzan yukhapsho, nü a yakzan yande arhimorü yung tüshe thiyukhaprü ah.

1 PETER 2:1

Jumonü lungchihkhi alala, rükmütsü alala, yiuhkhapkhi, mükthsükhi, tüsho dünthamungtha bahang.

1 PETER 3:10

Amüsühyunü thachoh, “Shepünü rhangdung muzhola tüsho atsü nimungbo ngüpü künlanü amütsü asukpü tüsho akeangyu thapü tuklobeah.

1 PETER 3:8

Akheam ching, nüsa alalanü, me arihako, lümrhihachihkhi, keoniorü amuzho, mulong athünak tüsho azhihayih lümkhi laang.

1 PETER 4:4

Tüsho kheakü nüsanü arü lung müdanyukkhi tüsho yancho lakhi ching müberungmonü amükinrübonü nüsa azhihde amütsü thachoh;

2 PETER 2:10

adungto thsüde amüneankhi shihkünkhi ching tsahrü tüsho Thrünpuh thiyukhümsühmüh bahyukrü lah. Arübo mulong tolah tüsho müzhaklah; arünü müretahkhibo azhihde amütsü asukpü mütre,

JUDNÜ ATHRÜTKHI KIHÜM HUHTANYU 1:10

Tütüshe harü mihtsürübonü arünü manikhitkhi azhihde asukchoh; tüsho shiwüh lüm nangde arünü amükheahkhinü arü thsümünimchoh.

JUDNÜ ATHRÜTKHI KIHÜM HUHTANYU 1:8

Tütüshe hadürü yakli ching harü mihtsürübonü arü milimnü shihphü münean, thiyukhüm-sühmüh bahyuk, tüsho müretahkhibo azhih.