TITA 3:14 - AMÜSÜH HÜM CL Bible (BSI)

¹⁴ Atsütsü yihnüpü thsungkheak rungpü thsüde isa mihtsürübonü atsü rhimopü anikhitbeah; arünü alü mülakhi rhangdung mülabeah.

TITA 3:14 Iomraidhean Croise

ISAIA 61:3

Zion ching tüzhorü kilim jihchungpü, arü kilim awah müthri sangbünlak jihpü, tüzhopü müthri asühako müdangke, müdüküngkhi me müthri mungshi khim. Arübo ki thiyuro-lungki thülamdungbo de ajibah, Atungpuhnü akhimkhi, api müretah huhpü labah.

MATHI 21:19

Limmungyean khubasodung zhipde ngübah apinü yü, tüsho ju kheak tümü müngü tüshe ayübo lang alakheah. Tüsho apinü ju ki tha, “Küyimkishe nü kheaknü aso dasolo!” Tüsho judüchokinü khubasodung ju yiuhabah.

MATHI 7:19

Sangaso amütsü asokhi sangdung aban kiushakbah mo ching jipyukchoh.

JOHAN 15:16

Nüsanü I mokhitkhi yung, tüshe inü nüsa mokhit tüsho yübah tsüpde alabe nüsa sangaso asopü thsüde nüsa moyuk, junangde nüsanü tümüpürü I mung chingnü I Buh ki kheangbanü apinü nüsa kilim jihbah.

JOHAN 15:8

Nüsanü aso hihde asokhinü I Buh müretahbah; junangde nüsa I jingyanrübo thsübah.

YUNIRÜBO RHIMO 18:3

tümütüsho ane nangde api she khimyam-thsürü lamonü ane lung rhimode mung.

YUNIRÜBO RHIMO 20:35

Inü arhimokhi alala ching, hanangde mürangde arhimokhinü reangmüzahrü isanü arungbeah de, ‘Aleangkhikhi kheaknü ajihkhi alü müngühmühi,’ de Jisunü athakhi lümkhitde nüsa ki huhdo.”

ROMRÜ KILIM PAULNÜ ATHRÜTKHI KIHÜM HUHTANYU 12:13

Amüsührü yihnüpü lakhi arung jihang, hanrü akamang.

ROMRÜ KILIM PAULNÜ ATHRÜTKHI KIHÜM HUHTANYU 15:28

Jumonü küyimki inü ha banba, tüsho inü thremukhungkhi arü kilim jihbanü, limro ching nüsa shorude Spain lim yübah;

EFISIA 4:28

Ahührünü kheaküa dahüh, tüshe apinü rhimoang, api khahnü thiyuro rhimo rhimoang, junangde apinü küpkhukrü kilim jihpü kukbah.

FILIPI 1:11

Thrünpuh müretahpü tüsho mungshipü, Jisu Khrista hode arükhi thiyuro-lungki sangasonü mide akambah.

FILIPI 4:16

Tesalonika ching she nüsanü alochode I kilim arung mühah.

FILIPI 4:17

Ju inü thsambah yimkhi yung; tüshe nüsa alü thsükhi ching bukhi sangaso inü yimchoh.

KOLOSI 1:10

Atungpuh ki athülün rhangdung lapü, api tsüde asühshihpü, rhimo atsü aban ching aso asoshihpü tüsho Thrünpuh mükheahkhi ching rünkihpü lah.

1 TESALONIKA 2:9

Keoniorübo, isa rhimokhi tüsho khisahkhi nüsanü lümkhitchoh; isanü nüsa ki Thrünpuh thiyusheakatsü thsangyuthsangrade lachoki, nüsa ki hahmülang müjihpü thsüde isanü azhing ayin rhimodo.

2 TESALONIKA 3:8

adün müjihde isanü she yikhap she mütsüh, tüshe nüsa ki hahmülang müjihpü thsüde keaksah khisahde isanü azhing ayin rhimo.

TITA 2:8

tüsho mübahyukkhukpü thsüde tsüdakde athakhi huhang, junangde sherünü nü ki azhihchonü isa dünkheak amütsü thapü mülamonü achih ngübah.

TITA 3:8

Ha thakhi dükdü ah. Inü a harü kheak nünü ningkihshihpü mulonglah, junangde sherünü Thrünpuh kheak kinkheanü atsü rhimopü kümkangbah. Harü ha atsüdak tüsho mihtsürübo kilim alü thsübe lah.

2 PETER 1:8

Tümüde nü harübo suhdahde lasho, arünü nü tümü makükhi tüsho isa Atungpuh Jisu mükheahmudu aso masokhi mülashih.