TITA 3:1 - AMÜSÜH HÜM CL Bible (BSI)

¹ Yakzanshuhrü tüsho thiyukhümsühmüh khüp lapü, mihyuanipü, thiyuro rhimo tümü thsüthsü she arhimopü thsakhama lapü,

TITA 3:1 Iomraidhean Croise

MÜCHITMUDU 24:21

I tsah-a, Atungpuh tüsho kiulongthsüpuh wüntreang azhihrü lung datruachih,

T H S AN GYU T H S AN GR ARÜ 10:4

Yakzanshuhrünü nü azhihde bukakhiuksho nü rhimo chingnü düdükhe, tümüde zhikde arümkheamkhinü alakmihkhi ato keamloshihpü kuklah.

ISAIA 43:26

I ki lümkhitshang, isanü mahkhappung yüanü; nüsa lümkhi jihang, junangde nüsa alim mütsanbah.

JEREMIA 27:17

Arü ki dani; Babilon kiulongthsüpuh tankihang tüsho laang. Tümüde ha kiuto zhikrangkhündo kamshihpü?

MATHI 22:21

Arünü alo, “Kaesar ah.” Tüsho apinü arü ki tha, “Jumonü küju Kaesar yoanü Kaesar kilim jihang, tüsho küju Thrünpuh yoanü Thrünpuh kilim jihang.”

1 KORINT 15:58

Jumonü, amuzho I keoniorübo, düküngang, daphap, kamruhroro Atungpuh rhimo ching nüsanü biriang, tümütüsho Atungpuh lung nüsa rhimokhi akeangkeang yung de nüsanü mükheahlah.

EFISIA 2:10

Tümüde isa ju Thrünpuhnü amüngühnü jurü ching isa tsahshihpü thsakhamjihkhi rhimo atsübo thsungkheak Jisu Khrista ching thrünkhi api rhimo ah.

YUZÜNGTHALO 17:12

Khürünü mahkhaprü yungsho Atungpuh nüsa Thrünpuh tankihrü amükeamrü ki mihyumanide azhihsho api asheshihbah; hanangde nüsanü amütsürü Israel chingnü yihkhita bahang.

FILIPI 1:11

Thrünpuh müretahpü tüsho mungshipü, Jisu Khrista hode arükhi thiyuro-lungki sangasonü mide akambah.

KOLOSI 1:10

Atungpuh ki athülün rhangdung lapü, api tsüde asühshihpü, rhimo atsü aban ching aso asoshihpü tüsho Thrünpuh mükheahkhi ching rünkihpü lah.

1 TIMOTHI 2:2

isanü akinrü thsüde, tüsho wüntre lakhi alala ching akhimahe tüsho mungtsü rhangdung lapü thsüde kiulongthsürübo tüsho thiyukhümsühmüh larü thsungkheak mushujihbeah.

1 TIMOTHI 4:6

Nünü harü thsangdankhibo keoniorübo ki thasho, nü ju thiyuro akin tüsho nünü anide alakhi thsangyukhi atsü ching bezokhi, Jisu Khrista tankihrü atsü thsübah.

1 TIMOTHI 5:10

tüsho anihbenü khungarü mütrümusukhi, hanrü mürühkhi, amüsührü jing müsühjihkhi, küpkhuk ching larü rungkhi tüsho atsü rhimobo alala ching shuhmülanga jihkhi tsüde amükheahkhi labeah.

2 TIMOTHI 1:6

Jumonü I khahbo nimkihkhi hode nü kheak lakhi Thrünpuh thsambah takkihloang de inü nü ki thalochoh;

2 TIMOTHI 2:14

Arü ki ha lümkhitshang, tüsho atsü thsüpü yungde, anirübo lang athsümünimbe yubo atsangachih bahkhipü Atungpuh mikinü thaang.

2 TIMOTHI 2:21

Khürünü mübanmukhiungbe ching junü tsangkhitsho, api adungto ahoribe kukruk kambah, amüsühkhitbah tüsho thüyam putungrü ki rhimo atsübo thsungkheak thsakhamkhi yihnüpü labah.

TITA 1:16

Arünü Thrünpuh mükheahlah de thaa luchoh, tüshe arü rhimobonü api reanglochoh; arübo athraneanbe mihyumanikhi, rhimo atsü tümü thsungkheak she müthülün.

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.

TITA 3:14

Atsütsü yihnüpü thsungkheak rungpü thsüde isa mihtsürübonü atsü rhimopü anikhitbeah; arünü alü mülakhi rhangdung mülabeah.

TITA 3:8

Ha thakhi dükdü ah. Inü a harü kheak nünü ningkihshihpü mulonglah, junangde sherünü Thrünpuh kheak kinkheanü atsü rhimopü kümkangbah. Harü ha atsüdak tüsho mihtsürübo kilim alü thsübe lah.

IBRI 13:21

api lümkhi rhimopü atsü lüpdükhi ching nüsa ayuk lashang, tüsho apinü amulongkhi Jisu Khrista hode isa kheak rhimoshang; lünnü lün api müretahshang. Amen.

2 PETER 1:12

Jumonü nüsanü mükheahbah kheakü thiyuro ching düküngde laa lalashe inü kamruhroro harü nüsa ki lümkhitshihpü lümde lachoh.

JUDNÜ ATHRÜTKHI KIHÜM HUHTANYU 1:5

Nüsanü khülangki, shepünü Ijip lomi chingnü mihtsürü khümkhitbah, ju dunglim amükinrübo dükheakshihkheanü tsüde mükheah-a lalashe, inü nüsa ki lümkhitloshihpü mulonglah.