TITA 2:5 - AMÜSÜH HÜM CL Bible (BSI)

⁵ zangrü danyukpü, atsangkhitpü, niubuhrü bukkhüp lade mütsanmükühpü, junangde Thrünpuh yu mükhemükim müthsüde alabah.

TITA 2:5 Iomraidhean Croise

THRÜNTAN 18:9

Judüki arünü api ki tha, “Nü niube Sara küching la?” Apinü alo, “Khimyam ching lah.”

THRÜNTAN 3:16

Apinü alibe ki tha, “Inü nü khungarü hankhi thsünü alü kamshihbah; nü thsünüsahde khungarü zübebah; jude thsüthsü she nü niubuh mürühpü nü kheak labah, tüshe apinü nü kurungkheak yakzan shuhbah.”

2 SAMUEL 12:14

Judüalalashe, nünü ha rhimokhi hode khülang kinü Atungpuh bahyukdo, nü tsührü athrürü shebah.”

MUNGSHIKHÜN 74:10

O Thrünpuh, külokhüh nü azhihrünü nü münejihba? Thiririnü lünnü nü mung mükhemükimba de?

MÜCHITMUDU 7:11

Alibe ju mizamrü tüsho achihayak mülade, wungdophulung lang tsahde alakheah.

YUNIRÜBO RHIMO 9:36

Joppa ching aliberü akinrü amung Tabitha (Greek yunü Dorka, amütsan shihmüchi) lakheah. Alibe ju rhimo atsü tüsho rungzürungdo rhimonü mide alakheah.

YUNIRÜBO RHIMO 9:39

Jumonü Peternü tsahmusubah ane lung yü. Tüsho küyimki api arükhea, arünü api achangbe khiungshak ching bede yükih. Khimoberü alala api rheang ki tripde zhip, tüsho alibe arü lung lachoki Dorkanü pangkhümpü le khimmihbo keakkhi huh.

ROMRÜ KILIM PAULNÜ ATHRÜTKHI KIHÜM HUHTANYU 14:16

Jumonü nü tsükhi ju amütsü ah de düthashih.

ROMRÜ KILIM PAULNÜ ATHRÜTKHI KIHÜM HUHTANYU 2:24

Tümüde ha thrüta lah, “Nü dünkheaknü khiungkerü bolung Thrünpuh mung mükhemükima lah.”

1 KORINT 11:3

Tüshe mihtsürü aban kurungkheak aku ju Khrista, aliberü kurungkheak aku ju aniubuh, tüsho Khrista kurungkheak Thrünpuh ah de nüsanü anikhitshihnelah.

1 KORINT 14:34

borübo ching aliberübonü zhikde alabeah. Tümüde arünü athapü mümülü, tüshe yakzannü athakhi nangde arübo abukkhüp larü thsübeah.

EFISIA 5:33

tüshe nüsa mihbüm abannü nihbuh nangde niuberü muzhobeah, tüsho niuberünü nihbe niubuhrü muzhobeah.

KOLOSI 3:18

Niuberübo, Atungpuh kheak ayekhi nangde nüsa niubuhrü bukkhüp laang.

1 TIMOTHI 5:10

tüsho anihbenü khungarü mütrümusukhi, hanrü mürühkhi, amüsührü jing müsühjihkhi, küpkhuk ching larü rungkhi tüsho atsü rhimobo alala ching shuhmülanga jihkhi tsüde amükheahkhi labeah.

1 TIMOTHI 6:1

Sherü yamlarü thsülanü arü putungrü ki wüntre alala jihpü thülünlah de alümbeah, junangde Thrünpuh mung tüsho thsangyukhi mungchih müla.

TITA 2:4

tüsho anüphulungrübonü nihbe niubuhrü tüsho tsührübo muzhopü,