TITA 2:2 - AMÜSÜH HÜM CL Bible (BSI)

² Azobuhrü mihtsürü ki arümkheampü, mulong jihpü, kurhangpü, tüsho akin ching, amuzho ching, tüsho rünkhiungpü ching düküngpü thsangyuang.

TITA 2:2 Iomraidhean Croise

JOB HU H T ANYU 12:12

Lümlung ju ashinbuhrü kheak lah, tüsho anikhitkhi ju jingtsüpkutsüp kheak lah.

MUNGSHIKHÜN 92:14

Arübo ashinshu she sangaso asobah; arübo rhüngrhüngde tüsho phüyakde alabah,

MÜCHITMUDU 16:31

Ku buyiukkhi ju müretah kuthran ah; ha thiyuro-lungkirü rhangdungnü ngüchoh.

ISAIA 65:20

Kheaküa ju ching khungarü nimung anükhüh müla, yungsho ashinbuhrü rhangdung khiukde alabah; tümüde shepü kam 100 ching shebanü athunu khebah, tüsho shepü kam 100 mukhiungbanü muthrumünean khebah.

LEVI 19:32

Nünü ku buyukrü miki wusuang tüsho ashinbuhrü ki akin jihang, tüsho nü Thrünpuh treang: I Atungpuh ah.

MARK 5:15

Küyimki arü Jisu kilim arükhea, amünean mebo yüzahkhi mihtsürü thsü khim phuyubah lümkhi atsü kama binde ngü; tüsho arübonü tre.

LUKNÜ ATHRÜTKHI THIYUSHEAK-ATSÜ HUHTANYU 8:35

Judüki arünü adünjikhi kheahpü yü tüsho Jisu kilim arü, tüsho amünean mebo chamachihkhi mihtsürü ju api lümkhi müsüa khim phuyubah Jisu jing ki binde ngü. Tüsho arübo trede alakheah.

YUNIRÜBO RHIMO 24:25

Tüsho apinü thiyuro le zangrü danyukkhi tüsho arübe mahkhap atsangachihchoki Felix trede kam tüsho tha, “Kheakü thsungkheak tsoang; küyimki I kim labanü inü nü jibah.”

ROMRÜ KILIM PAULNÜ ATHRÜTKHI KIHÜM HUHTANYU 12:3

Tümütüsho I kilim jih-a lakhi amüthsüm hode inü nüsa aban ki thachoh: Nü thülünkhi kheaknü nü küdahnü khide changde dülüm, tüshe Thrünpuhnü nü kilim jihkhi akin ayannü athülün atsüngalimnü lümang.

1 KORINT 15:34

Nü lümkhi alungki ching arang, tüsho neak düyihbeaklo. Tümüde khürü a Thrünpuh mükheahkhi müla. Inü ha nüsa achihbe thachoh.

1 KORINT 9:25

Jukthülahrü abannü zangrü danyukkhi chingnü ahorichoh. Arü ju adükheakbe kuthran ngüpü rhimochoh, tüshe isa a müdükheakbe lah.

2 KORINT 5:13

Tümütüsho isa ju isa tsangde lasho, ju Thrünpuh thsungkheak lah; isa ju isa lümkhi alungki ching lasho, ju nüsa thsungkheak lah.

GALATIA 5:23

azhihayih, nihbuh danyukkhi; hadürü azhihdüa yakzan müla.

FILIPI 4:8

Akheam ching, keoniorübo, tümüpürü thiyuro la, tümüpürü wüntrepü la, tümüpürü alim la, tümüpürü atsangkhit la, tümüpürü akhamkhi la, tümüpürü amuzho la, tümüanü atsüdak lasho, tümüanü mungshipü thülünde lasho, judürü dünkheak lümakheahang.

1 TESALONIKA 5:6

Jumonü püpürü nangde isanü müyapnü tüshe isanü kurhanganü tüsho rhüngrhüngde danyukanü.

1 TESALONIKA 5:8

Tüshe isa ju animung yo a le, isanü rhüngrhünganü, tüsho akin tüsho amuzho treangkhümbe yihanü, tüshe akhümkhit mulonglam thsungkheak yinchikuthran thrananü.

1 TIMOTHI 1:10

müzammüram mihtsürü, yüliyürarü, bekhide-atsorü, akeangyu tharü, arükchih thiyumütsan thsürü tüsho kingaün-yakzan alungki azhihrü thsungkheak ah.

1 TIMOTHI 1:14

Jisu Khrista ching akin tüsho amuzho kheak khiode Atungpuh amüthsüm I kheak suhdahde dungkihjih.

1 TIMOTHI 1:2

Akin ching thiyuro I tsührü Timothi kilim: Abuh Thrünpuh tüsho isa khümkhitbuh Jisu Khristanü mihmuzho, mihmüthsüm tüsho mungtsü jihshang.

1 TIMOTHI 1:5

Ha thiyukhüm jihkhi mükkheahkih ju mulong amüsüh, lümkhi atsü tüsho düküngde akinkhi chingnü arükhi amuzho lah.

1 TIMOTHI 3:11

Aliberübo she junangde yakli atsü, müjipjiprararü, tüsho adanyukkhi, alala ching thiyuro labeah.

1 TIMOTHI 3:2

Kheakü borü limberü ju amülim mülarü, niuberü khülang lang alarü, adanyukkhi, lümrhangrü, yakli atsü, hanrü-mürührü, thsangyukhukrü thsübeah,

1 TIMOTHI 3:4

Apinü yambuk tsüde kümkhukbeah, limro alala ching tsührübo azhihayih tüsho wüntrekhi ching zobeah;

1 TIMOTHI 3:8

Junangde tankihrübo ju yakli atsü tüsho kurhangrü thsübeah; mulo mahne, yukhu yungrü, yungsho sho muzhorü müthsübeah;

1 TIMOTHI 5:1

Azobuhrü mihtsürü düthürüh, tüshe buhrü nangde nünü api ki tuthsukang; akheamrü mihtsürübo ki niurübo nangde,

TITA 1:13

Ha thiyumütsan thiyuro ah. Jumonü arü khakkhak thürühang, junangde arü akin ching thiyuro labah,

TITA 1:8

tüshe hanrü-mürührü, atsü muzhorü, nihbuh banthsangkhi, alungki, amüsüh, tüsho nihbuh danyukrü labeah;

TITA 2:7

Lüpdükhi ching atsü rhimode arü ki amütsan huhang. Nü thsangyukhi ching thiyuro mulong jihkhi

PHILEMON 1:9

amuzho chingnü inü nü ki mushuchoh. I Paul, Jisu Khrista limburü tüsho kheakü aramrü–

1 PETER 1:13

Jumonü rhimopü thsungkheak nüsa lümkhi thsakhamang, nihbuh danyukang, Jisu Khrista amikheak akhiukchoki nüsa kilim amüthsüm arüpü lakhi kheak nüsa mulonglam alala zoang.

1 PETER 4:7

Alala akheam thüninde lah; jumonü nüsanü tamkhüntamnüpü kukpü thsüde lümkhi amüsüh tüsho zangrü danyukde laang.

1 PETER 5:8

Zangrü danyukang tüsho kurhangang. Nüsa riri arimri, arungkhi kekhüzü nangde shepü muyubaki de yimde tsahchoh.

2 PETER 1:6

tüsho mükheahmudu ching zangrü-danyukkhi, zangrü-danyukkhi ching arümkheamkhi, arümkheamkhi ching akinkhi,