TITA 2:10 - AMÜSÜH HÜM CL Bible (BSI)

¹⁰ yungsho arü kheaknü mahühbeah, tüshe arü kheak dükde mulonglam lakhi huhbeah, junangde lüpdükhi limro ching arünü isa khümkhitrü Thrünpuh dünkheak thsangyukhi alunebe kamshihbah.

TITA 2:10 Iomraidhean Croise

MUNGSHIKHÜN 101:6

I mükjibo ju lomi ching thiyuro larü kheak labah, junangde arü I lung labah; shepü athülünkhi limro tsahchonü apinü I tankihbah.

ISAIA 12:2

Tsükjide Thrünpuh a I yo akhümkhit; inü akinbah, tüsho mütre, tümüde Atungpuh ju I sühmüh tüsho khün; api I akhümkhit kamdo.

MATHI 24:45

“Judüasho nihbuh putungrünü arü kilim kim dükdü ching tsühyungbe jihshihpü api yamlarübo kurungkheak zojihkhi akin-lakhi tüsho lümlung lakhi yamlarü ju she a?

MATHI 5:16

Mihtsürübo miki nüsa ayin tahshang, junangde arünü nüsa rhimo atsü ngübah tüsho yinmi ching nüsa Abuh müretahbah.

LUKNÜ ATHRÜTKHI THIYUSHEAK-ATSÜ HUHTANYU 1:47

I menü I khümkhitbuh Thrünpuh lung asühchoh,

LUKNÜ ATHRÜTKHI THIYUSHEAK-ATSÜ HUHTANYU 1:80

Azübuh ju zode arü tüsho me ching düküngde kam; api Israel boto miki muhuhyi khiungde sunglo ching lakheah.

LUKNÜ ATHRÜTKHI THIYUSHEAK-ATSÜ HUHTANYU 16:10

“Shepünü anükbe ching thiyuro lanü ahihkhüh ching she thiyuro labah; tüsho shepünü anükbe ching thiyuro mülanü ahihkhüh ching she thiyuro lapü yung.

JOHAN 12:6

Ha apinü zhochihrü lümrhihmonü athakhi yung, tüshe api ju ahührü tüsho sho qiuqiu lamonü ah; tüsho ju ching yukkhi apinü lude la.

1 KORINT 4:2

Kheaküshe atoathüprübo ju thiyuro lapü yihnüpü lah.

EFISIA 4:1

Jumonü I Atungpuh thsungkheaknü aramrünü nüsa küpü ching jia lanü ju thülünde rhangdung lapü nüsa ki tuthsukchoh,

FILIPI 1:27

Nüsa rhangdung yakli ju lang Khrista thiyusheak-atsü thülünde laang, junangde I arübah nüsa shoruru she yungsho mülalashe, thiyusheak-atsü akin thsungkheak lümkhi khülang thsübah thripkhüh thripkhüh mürangde me khülang ching nüsa düküngde azhipkhi inü asobah.

FILIPI 4:8

Akheam ching, keoniorübo, tümüpürü thiyuro la, tümüpürü wüntrepü la, tümüpürü alim la, tümüpürü atsangkhit la, tümüpürü akhamkhi la, tümüpürü amuzho la, tümüanü atsüdak lasho, tümüanü mungshipü thülünde lasho, judürü dünkheak lümakheahang.

1 TIMOTHI 1:1

Isa khümkhitbuh Thrünpuh tüsho isa mulonglam Jisu Khrista yukhüm hode Jisu Khrista amüsühthsangyurü Paul kilimnü,

1 TIMOTHI 5:17

Azothsürü sherünü tsüde yakzan shuhcho, adungto thsüde thsangyuthsangra tüsho thsangyupü ching khisahrü alü wüntrepü thülünkhi thsüshang;

1 TIMOTHI 6:1

Sherü yamlarü thsülanü arü putungrü ki wüntre alala jihpü thülünlah de alümbeah, junangde Thrünpuh mung tüsho thsangyukhi mungchih müla.

1 TIMOTHI 6:3

Khürünü arükchih kingaünyakzan thsangyukhi tüsho Atungpuh Jisu Khrista thiyuro yubo tüsho akin thsangyukhi kheak mayesho,

TITA 1:3

tüsho isa khümkhitrü Thrünpuh thiyukhümnü I ki thiyia lakhi api yu thsangyuthsangrakhi hode kim dükdü ching dünjikhinü;

TITA 3:4

tüshe küyimki isa khümkhitrü Thrünpuh tsükhi tüsho amuzho amikheak akhiukkhea,

1 PETER 2:12

Khiungkerü bolung tsüde rhimoang, junangde arünü nüsa azhihde amülim rhimorü ah de thasho, api arü nimung arünü nüsa rhimobo atsü ngübah tüsho Thrünpuh müretahbah.

1 PETER 3:16

tüsho nü lümkhi müsühde zoang, junangde nü amülim jihchoki, sherünü nü yakli atsü luhmünebanü Khrista ching achih ngübah.

2 JOHAN 1:9

Shepünü akhuhlimnü yücho tüsho Khrista kingaün-yakzan ching mülachonü Thrünpuh müla; shepünü kingaünyakzan ching lachonü Abuh tüsho atsührü chido lah.

1 SAMUEL 22:14

Judüki Ahimeleknü kiulongthsüpuh ki alo, “Nü yamlarü bolung shepü David nangde thiyuro la? Api kiulongthsüpuh tsühmeakrü ah tüsho nü aheangpü ching athrilah, tüsho nü yam ching alalanü wüntre jihchoh.

1 SAMUEL 26:23

Atungpuhnü nihbuh thiyuro-lungki tüsho khiukde alakhi aban thsambah jihchoh; tümüde khihni Atungpuhnü nü I khah ching jih, tüshe Atungpuhnü mujude-mokhitkhi kheak azhihde inü I khah muchung.