TITA 1:6 - AMÜSÜH HÜM CL Bible (BSI)

⁶ Mihtsürü khülang ju areak mükihkhi, niuberü khülang lang alakhi, api tsührübo ju akinrü tüsho bukmüke le mihyumanikhi mülabeah.

TITA 1:6 Iomraidhean Croise

THRÜNTAN 18:19

Tümüde inü api mokhit, ju hode arünü alim tüsho thiyuro rhimopü Atungpuh limro zopü api tsührübo tüsho api dunglim ayamkhün ki apinü thiyukhüm jihbah, junangde apinü anihbuh ki alokhikhi lüpdükhi Abraham thsungkheak rhimobah.”

MÜCHITMUDU 28:7

Shepünü yakzan zochonü rükri lakhi tsührü ah, tüshe bukchihrü lung müyamrü thsürünü abuh mungchih kipchoh.

EZEKIEL 44:22

Arünü khimoberü yungsho abahkhi liberü mulu tüshe Israel yamkhün chingnü atsangkhit yungsho amükeamrü niuberü lang alubah.

LEVI 21:14

Khimoberü, abahkhi liberü apinü müyihlu, tüshe apinü nihbuh mihtsürü bolung atsangkhitkhi lubeah,

LEVI 21:7

Arünü müzammüramberü yungsho athsümünimkhi liberü, yungsho niubuhrünü abahkhi liberü mulu; tümüde amükeambuh ju api Thrünpuh ki amüsüh lah.

MALAKI 2:15

Thrünpuh khülangnü anihbe thrünkhi yung de? Shih tüsho me chido api yo ah. Tüsho Thrünpuhnü tümü lunela? Apinü Thrünpuh mükheahkhi tsührü yimchoh. Jumonü nüsa me ching kümkangang, tüsho nü athunuchoki yamkhünbe kheak nünü alokhikhi düthsümünim.

LUKNÜ ATHRÜTKHI THIYUSHEAK-ATSÜ HUHTANYU 1:5

Judea ching Herod kiulongthsürü lachoki, Abija amükeamrü chamnak lung lakhi amükeamrü khülang amung Zakaria lakheah; aniube ju Aron tsühsoniuso, amung Elizabeth lakheah.

EFISIA 5:18

Tüsho yukhunü dümüshang, tümüde ju athsümünimbe lah; tüshe Menü mishang.

1 TESALONIKA 5:14

Keoniorübo, yomuhyothsünrü athsunganahpü, mulong ninirü yanmusupü, reangmüzahrü rungpü, arü alala kheak arümkheampü isanü nüsa ki tuthsukchoh.

1 TIMOTHI 1:9

junangde ha anikhitpü ju, yakzan ha alungkirü thsungkheak müthsü tüshe yakzan thsümünimrü le mihyumanirü, amükinrü le aneakrü, mümüsühkhi le amüneankhi, berübuhrü laksahrü, mihkhukrü,

1 TIMOTHI 3:12

Tankihrübo ju niuberü khülang lang alarü thsübeah tüsho arünü arü tsührübo tüsho yambukbo tsüde kümkhukbeah;

TITA 1:10

Tümüde ahihkhüh mihyumanikhi mihtsürü, akeangkeang asukrü tüsho mülapmüjirü, adungto thsüde tsütabahrü bolungnü lah;

1 SAMUEL 2:11

Judüki Elkananü Rama ching thüyam lim yü, tüshe azübuh a amükeambuh Eli miki Atungpuh tankih.

1 SAMUEL 2:22

Kheakü Eli khide ashinbuhrü lakheah. Atsührübonü Israel kheak rhimokhi tüsho arübonü ashorupung khimyam ripit ki tankihrü liberübo kheak nungkhi alala so.