TITA 1:16 - AMÜSÜH HÜM CL Bible (BSI)

¹⁶ Arünü Thrünpuh mükheahlah de thaa luchoh, tüshe arü rhimobonü api reanglochoh; arübo athraneanbe mihyumanikhi, rhimo atsü tümü thsungkheak she müthülün.

TITA 1:16 Iomraidhean Croise

JOB HU H T ANYU 15:16

Amülim-rhimo ke nangde ayungrü athranean tüsho athsümünimrü küdükhüh keamkhila!

MÜCHITMUDU 30:12

Mihtsürü khürü arü nihbuh tsangkhitlah de alümrü lah tüshe arü müneankhi müsüh-a mübah.

ISAIA 29:13

Atungpuhnü tha: Tümütüsho harü mihtsürünü arü münnü phünide arüchoh tüsho arü münküpnü I wüntrechoh, tüshe arü mulong a I kheaknü limshulah, tüsho arü kingaünkhi ju mihtsürü yukhüm lümkangyunü anikhitkhi lah;

ISAIA 48:1

Ha aniang, O Jakob yamkhün, sherü Israel mungnü jia la, tüsho shepü Juda tsühsoniuso chingnü arükhea; shepünü Atungpuh tamde thiyuchihchimkhea, tüsho Israel Thrünpuh jikhea, tüshe thiyuro yungsho alungki ching yung.

ISAIA 58:2

Tütüshe nimung abande arünü I yimchoh tüsho I limrobo mükheahpü asühchoh, arü ju thiyuro-lungki lakhi trükshih tüsho arü Thrünpuh yuzüng mübahyukkhi nangde; arünü I ki thiyuro-lungki mahkhapbo keokhichoh, arünü Thrünpuh kilim thüninpü asühchoh.

ISAIA 59:13

thsümünimde, tüsho Atungpuh reanglode, tüsho isa Thrünpuh yankhi chingnü tsoabahde, junode tüsho azhihkhirhimo akeangyubo hankhi tüsho jurü mulong chingnü akhiukkhi lah.

JEREMIA 12:2

Nünü arü khimkheah, tüsho arü aying chinyuk; arü asürü tüsho sangaso aso; nü a arü münbo thüninde lah tütüshe arü mulong kheaknü limshulah.

JEREMIA 5:2

Arünü, “Atungpuh lale,” de thatha she, arünü amülim thiyuchihchimchoh.

JEREMIA 6:30

Arübo “Abahyukkhi shotoyinchi” de jichoh, tümüde Atungpuhnü arü bahyukdo.

EZEKIEL 33:31

Mihtsürübo arüchoki arünü nü kilim arüchoh, tüsho arünü I mihtsürü nangde nü miki binchoh, tüsho arünü nü yubo anichoh, tüshe arünü jurübo mürhimo. Tümüde thiyu-ake arü münküpbo kheak lah, tüshe arü mulong a arü alü thsüpü kheak lah.

WÜHKHE 24:16

Thrünpuh yu sobuhnü müchitkhi, shepünü Khide Achangbuh mükheahmudu mükheah la, shepünü Wuto tüsho api mük tode khimshuhbah akibuh lüm ngücho:

ROMRÜ KILIM PAULNÜ ATHRÜTKHI KIHÜM HUHTANYU 1:28

Kheaküshe, arünü Thrünpuh mükheahmudu zopü athülün de mülümkhi hode amülim rhimopü lümkhi lim jihabah.

EFISIA 5:6

Shenü she thiyu akeangkeangnü nüsa dümülapyukshih, tümüde hadürü hode mihyumanirübo kheak Thrünpuh mulong zhipzhip arüchoh.

1 TIMOTHI 1:9

junangde ha anikhitpü ju, yakzan ha alungkirü thsungkheak müthsü tüshe yakzan thsümünimrü le mihyumanirü, amükinrü le aneakrü, mümüsühkhi le amüneankhi, berübuhrü laksahrü, mihkhukrü,

1 TIMOTHI 5:8

Khürünü nihbuh buhtsührü khung mükümsho, apinü akin thsunglochoh tüsho amükinrü kheaknü amütsübe ah.

2 TIMOTHI 3:17

junangde Thrünpuh mihtsürü ju rhimo atsü alala thsungkheak banthsangde, yeankhita labah.

TITA 3:1

Yakzanshuhrü tüsho thiyukhümsühmüh khüp lapü, mihyuanipü, thiyuro rhimo tümü thsüthsü she arhimopü thsakhama lapü,

TITA 3:3

Tümüde isa she khülangki makhade mihyumanide, tsophülapde, shihkünkhi tüsho asühara aphuaphu azhorü thsüde, isa nimungbo alungchihpü, mükthsüpü, mihtsürü khülangnü khülang thraneanachihde hoshih;

1 JOHAN 2:4

Shepünü “Inü api mükheahlah” de thabah api yuzüngbo maninü akeangyu tharü ah, tüsho thiyuro api kheak müla;

JUDNÜ ATHRÜTKHI KIHÜM HUHTANYU 1:4

Tümüde adüso ha abahyukkhi ching mütsana lakhi, amükinrü, Thrünpuh amüthsüm makhamaleak kamshihrü tüsho Atungpuh Thrünpuh tüsho Atungpuh Jisu Khrista reanglorü mihtsürü khürü mümükheahshihde azah-a lah.

AMIKHEAKAKHIUKKHI 21:27

Tüsho mümüsühkhi tümü she, yungsho athranean yungsho arükchih rhimorü ju ching müyüzah, tüshe Namfimihnunu rhangdung hüm ching thrüta larü lang ayüzahbah.

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”

1 SAMUEL 15:22

Tüsho Samuelnü tha, “Atungpuh yu anikhi kheaknü taka kingaünkhi tüsho laksah-a kingaünkhi ching Atungpuhnü alü asühcho de? Tsükjide, laksah-a kingaünkhi kheaknü a mihyuanikhi atsübe, tüsho namfimihnu pung müdang kheaknü mihyuanikhi atsübe.

1 SAMUEL 15:24

Saulnü Samuel ki tha, “Inü neak yihbeakdo; tümüde inü Atungpuh yukhüm tüsho nü yubo lakmihdo, tümütüsho inü mihtsürübo kheak trede arü yu anido.