TITA 1:11 - AMÜSÜH HÜM CL Bible (BSI)

¹¹ arübo zhikde akamshihbeah, tümütüsho arünü thsangyupü alim mülakhi, thiyuro mülakhi alü thsüpü thsangyude yamkhünbo shahde thsümünimchoh.

TITA 1:11 Iomraidhean Croise

MUNGSHIKHÜN 107:42

Thiyuro-lungkirünü ju ngübah asühachihchoh, tüshe mihbukmuyuk alala arü münbo yihdochoh.

MUNGSHIKHÜN 63:11

Tüshe kiulongthsüpuh a Thrünpuh lung asühachihbah; mihbüm aban api hode thiyuchihchimrü müretahbah; tüshe akeangyu asukrü mün tuklobah.

JEREMIA 8:10

Jumonü inü arü niuberübo püpürü kilim jihbah tüsho arü lubo akukrü kilim jihbah, tümütüsho aninikhühnü atobe khiungde mihbüm abannü thiyuro mülakhi alü thsüpü bukmükhütlah; wukihrünü amükeamrü khiungde thiyuro mihbüm abannü mülimde rhimochoh.

EZEKIEL 13:19

Barli müyikhüh tüsho yikhap dütrekhüh dün nüsanü I mihtsürü bolung I müneanjihdo. I mihtsürü ki akeangyu thaa anishihde, nüsanü müshepü larü laksahdo tüsho mülapü larü lashihdo.

EZEKIEL 16:63

Judüki inü küyimki nünü arhimokhi alala dünthsükhibanü, nünü alümkhitbah tüsho achihbah tüsho nü junokhi dünkheaknü küyimkishe nünü nü mün mükhimshuh, Wuto Atungpuhnü thachoh.

MIKA 3:11

Yakzanshuhrübonü buknim dün mahkhapchoh, amükeamrübonü adün mo thsangyuchoh, wukihrübonü sho mo müchitchoh; tütüshe arünü Atungpuh kheak angükihchoh tüsho thachoh, “Tsükjide Atungpuh isa lung lah! Isa kheak athsümünim marü.”

MIKA 3:5

Atungpuhnü I mihtsürü bephülaprü wukihrübo dünkheak ha thachoh, sherünü tümükhüh atsühpü lachoki “Mungtsü” zhicho, tüshe sherünü arü mün ching tümü muyukjihnü arü azhihde thirithsü thakhitjihchoh.

MATHI 23:13

“Tüshe nüsa yakzan thsangyurübo tüsho Pharisirü, yiuhkhaprübo are! Tümüde nüsanü mihtsürübo azhihde yinmi kiulongthsü rihdo; tümütüsho nüsanü müyüzah yungsho ayüzahpü larü she müyüzahshih.

LUKNÜ ATHRÜTKHI THIYUSHEAK-ATSÜ HUHTANYU 20:40

Tüshe ju dunglim a arünü akeokhipü mümürang.

JOHAN 10:12

Shepü namfimihnu neakrü yungde amulokhi la, shepü namfimihnu putungrü yungnü, rimre arükhi ngübah namfimihnubo bahjihbah alihde tsochoh; rimrenü namfimihnubo tholochoh tüsho yanmüzütchoh.

ROMRÜ KILIM PAULNÜ ATHRÜTKHI KIHÜM HUHTANYU 3:19

Kheakü tümüpürü yakzannü thachonü yakzan bukkhüp larü ki thachoh de isanü mükheahlah, junangde mihbüm aban mün tuklobah, tüsho alomiküp athrünkhi Thrünpuh mahkhapkhi khüp lah.

2 KORINT 11:10

Khrista thiyuro I kheak lale, I kükheangkhi Akaia lomi ching zhikde müla.

1 TIMOTHI 5:13

Kheaküshe arünü yomuhyothsünpü, yamrümpü, jipjiprarapü tüsho arünü amüthabe thade arahrungpü anikhita luchoh.

1 TIMOTHI 5:4

Khimoberü ju tsührübo yungsho tsührü tsührübo lasho, akhuhde yambuk thsungkheak akin rhimo arünü anikhitshang, tüsho arü bebuhrü kilim tümüanü jihloshang, tümüde ha Thrünpuh asühbe lah.

1 TIMOTHI 6:5

tüsho thiyuro mülade tüsho akinkhi ju alarü kampü limro ah de alümkhi mihtsürü dükeak atsangachih akhiukshihchoh;

2 TIMOTHI 2:18

Arünü thiyuro limro bahdo tüsho isa arhang kamlopü dünjiabahdo de athakhinü khürü akin thsümünimjihchoh.

2 TIMOTHI 3:6

Arü khürünü mihtsürü yambo ching yüzahchoh tüsho arü neak ching mülimde, reangmüzahkhi tüsho shihkünkhi mungji alalanü bephülapkhi liberübo,

TITA 1:7

Tümüde borü limberü ju Thrünpuh rhimo atoathüprü a le, areak mükihde alabeah; api ju bukmüke yungsho asungsung yungsho amüshangrü yungsho athsümünim yungsho alü thsüpü bukmükhüt mülabeah,

TITA 1:9

athsangyukhi yu apinü düngde ramrihbeah, junangde apinü thiyuro kingaün-yakzan ching thsangdankhi jihkhukbah tüsho ju azhihrü ki amülim mütsanjihbah.

TITA 3:10

Achamnak akhiukshih mihtsürü ki mahne ki düh de thaang, tüshe jushu a api kheak tümü düthsü.