THRÜNTAN 9:6 - AMÜSÜH HÜM CL Bible (BSI)

⁶ Shepünü mihtsürü thiyih bukbanü, mihtsürünü api thiyih bukshihbah; tümüde Thrünpuh kiphahkhi ching mihtsürü ju thrün.

THRÜNTAN 9:6 Iomraidhean Croise

THRÜNTAN 4:14

Atsütsü khihni nünü alomi chingnü I yana bahdo; I nü kheaknü jikde alabah; I a alomi ching lapung mülade tsotsahrümtsahrü khülang thsübah, tüsho shepünü I ngübanü I laksahbah.”

THRÜNTAN 42:22

Tüsho Reubennü arü ki tha, “Azübuh azhihde neak düyihbeak de inü nüsa ki mütha de? Tüshe nüsanü mani! Jumonü kheahang, api thiyihnü isa kheangchoh.”

THRÜNTAN 5:1

Ha Adam lünkhe hüm ah. Thrünpuhnü mihtsürü thrün nimung, apinü anihbuh ju Thrünpuh kiphahkhi chingnü thrün.

2 SAMUEL 4:11

Dale tüsho thiyuro mihtsürü khülang nihbuh yam ching ayapkiu kheak mihbukmuyuk mihtsürünü laksahsho, küdükhüh she alaba! Tüsho kheakü api thiyih nüke khah chingnü mükheangba de, tüsho nüke alomi chingnü müdükheakshihba de?”

1 KIULONG THSÜRÜ 2:9

Tüshe api ki amülim mülade düthsü, tümüde nü lümlung larü mihtsürü khülang ah; nünü api kheak tümü rhimobeanü amükheahbah, tüsho nünü abuyukkhi api ku thiyih bebah Ashe-lomi ching hanyukbeah.”

2 KIULONG THSÜRÜ 11:1

Kheakü küyimki Ahazia abe, Athalianü anihbe tsührü shea ngükhea, alibenü kiulongthsü yamkhün alala thsümünimpü thsakham.

2 KIULONG THSÜRÜ 11:16

Jumonü arünü anihbe rambah kiulongthsüpuh yam lim bede yü, tüsho khora ripit kinü alibe laksah.

2 KIULONG THSÜRÜ 11:20

Jumonü lomi mihtsürü alala asühachih; tüsho kiulongthsüpuh yam ching nukshangnü Athalia laksahshu kiuto zhikabah.

2 KIUTHSÜYUKHEAN 33:24

Anihbuh yamlarübonü api azhihde mulomülap tüsho ayam chingnü api laksah.

MUNGSHIKHÜN 51:4

Nü azhihdü lang inü neak yihbeakdo, tüsho nü miki tümü amütsüanü rhimodo. Junangde nünü asukchoki nü alim ngübah; tüsho nünü mahkhapchoki amudopü müla.

ABEKHIT 20:13

“Nünü dülaksah.

MÜCHITMUDU 28:17

Mihtsürü shepü thiyih bukkhi amülim lanü ashekhün ching shande ayübah; shenü she api dürungshih.

T H S AN GYU T H S AN GR ARÜ 3:3

alaksahpü kim khülang, tüsho athsüngupü kim khülang; athokheampü kim khülang, tüsho athsüpü kim khülang;

LEVI 17:4

ju ashorupung khimyam ripit ki Atungpuh kilim thsambah thsüde handarünü müjihsho thiyih ju buh mihtsürü kheak labah; apinü thiyih bukdo; tüsho mihtsürü ju Thrünpuh mihtsürü bolungnü khekhita bahbah.

LEVI 24:17

Khürünü mihtsürü laksahsho api asheshihbah.

WÜHKHE 35:16

Tüshe mihtsürü khülangnü yinchitsonü khürü laksahsho, api mihtsürü laksahrü ah; api ju dükde asheshihbah.

WÜHKHE 35:25

Jumonü botonü mihtsürü laksahbuh ju ashebuh buhtsührü khah chingnü bekhitbah api tsoyukde ayüpung kiuto ching alode ayüshihbah, tüsho amüsüh müdangkenü amüsühkhitbuh achangbe amükeambuh müshe khiungde api ju ching labah.

WÜHKHE 35:33

Jumonü nüsanü nüsa lapung lomi dümünean; tümüde thiyihnü alo müneanchoh, tüsho ju lo ching bukkhi thiyih ju mümüsühkhitkhuk, tüshe mihtsürü laksahbah thiyihnü lang müsühkhitkhukbah.

MATHI 26:52

Jisunü api ki tha, “Nü nukshang ayukpung ching yukloang, tümütüsho nukshang ahorirü alala nukshangnü ashebah.

ROMRÜ KILIM PAULNÜ ATHRÜTKHI KIHÜM HUHTANYU 13:4

tümüde api ju nü tsüpü thsungkheak Thrünpuh yamlarü ah. Tüshe nünü amülim rhimosho, trede laang, tümüde apinü nukshang ju akeangkeang ching mühanchoh; api ju amülim rhimorü kheak bukakhiuk rhimopü Thrünpuh yamlarü ah.

1 KORINT 11:7

Tümüde athrürünü api ku müdukiubeah; tümütüsho Thrünpuh kiphahkhi tüsho müretahkhi lah; tüshe aliberü a athrürü müretahkhi lah.

YUZÜNGTHALO 19:11

“Tüshe khürünü yamhingrü mükheahnede api jimde zhipbah kinga dükhekhi hode api shesho, tüsho api harü kiuto khülang ching tsoyuksho,

YUZÜNGTHALO 5:17

“Nünü dülaksah.

JAKOB 3:9

Hanü isanü Atungpuh jichoh tüsho Abuh shijihchoh, tüsho hanü isanü Thrünpuh kiphahkhi ching thrünkhi mihtsürü athruajichoh.

AMIKHEAKAKHIUKKHI 13:10

Khürü ramde atsopü lasho, api aramkhi ching yübah; khürü nukshangnü alaksahpü lasho, nukshangnü api laksahbah. Ha amüsührü arümkheam tüsho thiyuro lapü thsungkheak jichoh.

MAHKHAPRÜ 9:56

Hanangde Abimeleknü mihbukmuyuk rhimokhi, api keoniorü 70 laksahde abuh azhihde arhimokhi Thrünpuhnü jihlo.

1 SAMUEL 15:33

Tüshe Samuelnü tha, “Nü nukshangnü aliberübo aniungyüh kamshihdo, jumonü aliberü bolung nü be a aniungyüh labah.” Tüsho Samuelnü Agag ju Gilgal ching Atungpuh miki adütre kamde khapthünak.