THRÜNTAN 9:3 - AMÜSÜH HÜM CL Bible (BSI)

³ Aphapde rhangdung lakhi lüpdükhi nüsa thsungkheak tsühyungbe labah. Sangrung phüyakbo alala inü nüsa kilim jihdo.

THRÜNTAN 9:3 Iomraidhean Croise

THRÜNTAN 9:2

Tüsho alomi shiwüh, thüning wuhnu, alo kheak abübe tüsho keto ngüh alala kheak nüsa trekhi labah. Arübo nüsa khah ching jihdo.

LEVI 22:8

Apinü shiwüh akeangnü ashekhi yungsho mütüm shiwühnü anguhsahkhi shih tümü she mütsüh; junü api müneanjihbah: I Atungpuh ah.

ROMRÜ KILIM PAULNÜ ATHRÜTKHI KIHÜM HUHTANYU 14:14

Tümü she amüsüh müla de Atungpuh Jisu hode inü mükheahlah; tüshe mümüsüh de alümrü thsungkheaknü ju mümüsüh.

ROMRÜ KILIM PAULNÜ ATHRÜTKHI KIHÜM HUHTANYU 14:17

Tümüde Thrünpuh kiulongthsü ju jim tüsho ayungbe yung tüshe Amüsüh Me ching thiyuro-lungki, mungtsü tüsho asühachihkhi lah;

ROMRÜ KILIM PAULNÜ ATHRÜTKHI KIHÜM HUHTANYU 14:20

Tsühyungbe dünkheaknü Thrünpuh rhimo düthsümünim. Lüpdükhi amüsüh ah tüshe apinü atsühkhinü püpürü angakshihkhi ju amülim ah;

ROMRÜ KILIM PAULNÜ ATHRÜTKHI KIHÜM HUHTANYU 14:3

Shepünü tsühchonü amütsühbuh mükhemükim düthsü, tüsho shepünü mütsühnü atsühbuh kheak mahkhap düla; tümüde Thrünpuhnü api leangkhido.

1 KORINT 10:23

“Alala amülübe lah,” tüshe alala alü thsübe yung. “Alala amülübe lah,” tüshe alala a athsülim yung.

1 KORINT 10:31

Jumonü nüsanü tsühtsüh she tüsho yungyung she, yungsho tümüpürü rhimobanü, alala Thrünpuh müretahpü rhimoang.

YUZÜNGTHALO 12:15

“Judüalalashe, Atungpuh nüsa Thrünpuhnü nüsa kilim jihkhi müngühmühi yande, nüsa kiutobo chingnü dakdakpü tüsho shihmüchi laksah-a nüsa künthülün tsühpü kuklah; amümüsüh tüsho amüsüh thsüthsü atsühpü kuklah.

KOLOSI 2:16

Jumonü atsühpü tüsho ayungpü yungsho thünio le khinu aso yungsho amuni dünkheak keokhikhibo ching shenü she nüsa kheak thiyudükhapshih.