THRÜNTAN 8:1 - AMÜSÜH HÜM CL Bible (BSI)

¹ Judüki Thrünpuhnü Noa tüsho api lung sangkung ching rhangdung lakhi shiwüh alala lümkhit. Tüsho Thrünpuhnü alomi kumung apung yünshih tüsho kebo keamlo.

THRÜNTAN 8:1 Iomraidhean Croise

THRÜNTAN 19:29

Junangde küyimki Thrünpuhnü adükhün kiutobo alala thsümünimkheanü, apinü Abraham, tüsho kiutobo yüngthrümkhi chingnü abekhitkhi Lot lümkhit.

THRÜNTAN 30:22

Jushu Thrünpuhnü Rachel lümkhit, tüsho Thrünpuhnü anihbe ki anijihde nuyam khimshuhjih.

THRÜNTAN 9:10

tüsho nü lung lakhi loriloko aban kheak: wuhnubo, akam-shiwüh tüsho nü lung sangkung chingnü wukhiukkhi alomi shiwüh alala.

NEHEMIA 13:14

O I Thrünpuh I lümkhitang, nü arüngyam tüsho kingaün mukhung thsungkheak inü arhimokhi alala dübahjih.

NEHEMIA 13:22

Levirübo ki nihbuh zangrü müsühkhitpü tüsho Amuni müsühde azopü thsüde chipiripitbo aheangang de inü thiyukhüm jih. I lümkhitang, O I Thrünpuh, nü amüthsüm ato hode I kümang.

NEHEMIA 13:29

O Thrünpuh, harü mihtsürübonü amükeamrübo rhimo yam müneankhi tüsho amükeamrübo le Levirü kheak nünü tangzüngkhi müneanjihkhi lümkhitjang.

NEHEMIA 13:31

Kim dükdü ching taka kingaünshihpü thsüde atakbe sang, tüsho mihtsürübo thsungkheak hi akhuh yimlukhi le sangaso akhuh asokhi, kingaünbo jihchungshihpü tsanglungjih. O Thrünpuh, ha rhimo atsü thsungkheak I lümkhitjang.

JOB HU H T ANYU 12:15

Apinü ke tholosho, jurübo kungabahchoh; apinü dükhesho, jurünü alo kingdoabahchoh.

JOB HU H T ANYU 14:13

O nünü I Ashe-lomi ching jikshihkhülaa, nü bukakhiukkhi muhoyi khiungde nünü I jikshihkhülaa, junangde I lümkhitpü nünü kim akhukhitkhülaa!

MUNGSHIKHÜN 105:42

Tümüde apinü api amüsüh alokhikhi tüsho ayamlarü Abraham lümkhit.

MUNGSHIKHÜN 106:4

O Atungpuh , nünü nü mihtsürü rungchoki I lümkhitang; nü akhümkhit bede I rhua kheahang,

MUNGSHIKHÜN 115:12

Atungpuhnü isa lümanude lado; apinü isa müngühjihbah; apinü Israel yamkhün müngühjihbah; apinü Aron yamkhün müngühjihbah.

MUNGSHIKHÜN 132:1

Atungpuh , David tüsho api thsümütsübo alala lümkhitjang;

MUNGSHIKHÜN 136:23

Isa aliuh-a lachoki isa lümkhitbuh, tümüde api amüthsüm lünnü rünkhiungde lah;

MUNGSHIKHÜN 137:7

O Atungpuh , Edomrünü Jirusalem lungkhi nimung tümü rhimokheanü lümkhitang, arünü zhi, “ Khimtan khiungde, thokheamang, thokheamang!”

MUNGSHIKHÜN 29:10

Atungpuh kiulongthsü-binkiu keking kumung kheak lah; apinü lünnü kiulongthsürü thsüde yakzan shuhchoh.

MUNGSHIKHÜN 36:6

Nü thiyuro-lungki ju awung ato nangde lah; nü thiyuro ju keto asük nangde lah. Mihtsürü tüsho shiwühbo nünü akünkhi ching lah.

ABEKHIT 14:21

Judüki Mosanü keto kumung akhah chungkih; tüsho Atungpuhnü aniakhiuklim amüküp pungnü tsüngre amuyung yünlode tsoshih, tüsho keto ju alo akung kamshih, tüsho kebo ju azüabah.

ABEKHIT 15:10

Nü sheaknü müta arübo ketonü zhidoabah; yinchi mülang nangde arübo ke ato ching keamyuk. @SPACE=

ABEKHIT 2:24

Jumonü Thrünpuhnü arü ashekhi so, tüsho Abraham, Isak tüsho Jakob ki apinü tangzüngkhi lümkhit.

MÜCHITMUDU 25:23

Dukulim pungnü tsüng bede arüchoh, tüsho dünthamungthanü bukakhiuk hande arüchoh.

ISAIA 44:27

shepünü ke asük ki tha, “ Kungang– Inü nü yungbo kungshihbah”;

JEREMIA 50:38

Kebo azhihde akung lah, junangde jurübo angahbah! Tümüde ha mejakbo lomi khülang tüsho arünü sangthsübo dunglim bünde yüchoh.

AMOS 8:7

Atungpuhnü Jakob mung tamde thiyuchihchimchoh: Tsükjide inü küyimkishe arü rhimobo mümihabah.

JONA 4:11

Dale küdükhüh inü ju kiuto ato Nineve kheak amuzho mülapü. Ju ching amülim mülakhi mihtsürübo 120,000, tüsho shiwühbo she ahihdo lah!”

NAHUM 1:4

Apinü keto thürühchoh tüsho ngahshihchoh, tüsho apinü ayungbo alala ngahshihchoh; Bashan tüsho Karmel mukuhabahchoh tüsho Lebanon pungkhi yiuhabahchoh.

HABAKKUK 3:2

Atungpuh , inü nü mungthukhi sodo; nü rhimokhibo dünkheak inü trede zhip, O Atungpuh . Isa nimungbo ching jurü thsüphuloshang, isa kimbo ching jurü mükheahshang; mulong zhipzhip ching mihmüthsüm lümkhitjang.

ZEKARIA 10:11

Arünü lümthsünü keto tsahhobah, tüsho keto abükkhibo kingkheambah tüsho Nile asükbo alala ngahbah. Asiria kükheangkhi abobe kambah tüsho Ijip tso chamde atsobah.

WÜHKHE 10:9

Tüsho küyimki nüsa lo chingnü thiriri kheak keochihpü yübanü nüsanü hulipungpung niuknimde mütang, ju ruk Atungpuh nüsa Thrünpuh miki nüsa lümkhitbah tüsho nüsa riri khah chingnü nüsa khümkhitbah.

WÜHKHE 22:32

Tüsho Atungpuh yunirünü api ki tha, “ Tümüde nünü nü yo donki kheak mahsam ki rhapkhea? kheahang, nü azhihde azhippü I akhiukdo, tümütüsho I miki nü limro khudolah.

AMIKHEAKAKHIUKKHI 16:19

Ato kiuto ju mahsam thsüde chamnak, trükshih kiutobo lungabah, tüsho Thrünpuhnü api bukakhiukkhi pung mütrüna yungshihpü ato Babilon lümkhit.

AMIKHEAKAKHIUKKHI 18:5

tümüde anihbe neakbo thüning khiungde mujunglah, tüsho Thrünpuhnü anihbe mülimkhibo lümkhitdo.

1 SAMUEL 1:19

Arünü mükikde asürü tüsho Atungpuh miki kingaün; tüsho arünü Rama ching arü yam lim alode yü. Elkananü aniube Hanna kheak nung tüsho Atungpuhnü atamkhüntamnü alojih.