THRÜNTAN 7:23 - AMÜSÜH HÜM CL Bible (BSI)

²³ Junangde apinü alomi kheak rhangdung lakhi alala: mihtsürü tüsho shiwühbo, abüde atsahbe tüsho thüning wuhnu dükheakshih. Noa tüsho api lung sangkung ching larü lang aninga lakheah.

THRÜNTAN 7:23 Iomraidhean Croise

THRÜNTAN 6:17

Inü thüning bukkhüp rhangdung sheak lakhi loriloko alala dükheakshihpü alomi kheak keking arüshihbah; alomi kheak lüpdükhi ashebah.

THRÜNTAN 8:18

Jumonü Noa, api tsührübo tüsho aniube le atsührü niuberübo api lung wukhiuk.

JOB HU H T ANYU 5:19

Apinü thsümütsü thuruk chingnü nü bekhitbah; thsümütsü thüne ching tümünü nü muqiu.

MUNGSHIKHÜN 91:1

Shepü Khide Achang ajik dangpung ching lachonü Wuto alamme khüp labah.

MUNGSHIKHÜN 91:7

Chithürü nü rheang ki, tüsho chithürü thürü nü khah tsülim keampü kuklah; tüshe ju nü thüninde marü.

MÜCHITMUDU 11:4

Bukakhiuk nimung ching lakhit tümü alü müla, tüshe thiyurolungkinü ashe chingnü bekhitchoh.

MATHI 25:46

Judüki harü akheam müla thsümüchi ching yüshihbah, tüshe thiyuro-lungkirü a akheam müla rhangdung ching yübah.”

IBRI 11:7

Akin hode Noanü adünjipü lakhi müngüyia lalashe Thrünpuhnü athakhi yande api yamkhün khümkhitpü sangkung khülang thsü; ha hode apinü alomiküp bahyuk tüsho akin hode arükhi thiyuro-lungki yamrüplurüp lurü kam.

1 PETER 3:20

harünü Noanü sangkung thsüde alachoki adüso nimungbo ching Thrünpuhnü arümkheamde aleangchoki mihyumanikheah. Ju ching anükbe, mihtsürü 8 lang ke chingnü khümkhit,

2 PETER 2:5

Thrünpuhnü jipü lomi maningshih, tüshe amükinrü mihtsürü lomi kheak keking hande arü; apinü akhümkhitkhi ju thiyuro-lungki thsangyuthsangrabuh Noa, tüsho püpürü mihtsürü 7 lang alakheah;

2 PETER 2:9

tüsho junangde arü rükaki chingnü akinrü bekhitpü tüsho mahkhap nimung thsungkheaknü mihbukmuyuk athsümüchi khüp zopü Atungpuhnü mükheahlah,

2 PETER 3:6

Ke harünü judüki alomi she kingdoabah tüsho dükheakshih.