THRÜNTAN 7:1 - AMÜSÜH HÜM CL Bible (BSI)

¹ Atungpuhnü Noa ki tha, “Nü tüsho nü yamkhün alala sangkung ching yüzahang, tümütüsho ha lün ching I miki nü lang thiyurolungki ah de inü ngüdo.

THRÜNTAN 7:1 Iomraidhean Croise

THRÜNTAN 6:18

Tüshe inü nü kheak tangzüng zobah; tüsho nü tsührübo, nü niube, tüsho nü tsührübo niuberübo nü lung sangkung ching yüzahbah.

THRÜNTAN 6:9

Ha Noa lün ah. Noa ju api lünbo ching thiyuro-lungki, khiukdahkhi mihtsürü lakheah, tüsho apinü Thrünpuh lung tsah.

THRÜNTAN 7:13

Ju nimungnü Noa le atsührübo Shem, Ham, Japheth, tüsho Noa niube le atsührü mahsam niuberübo sangkung ching yüzah.

THRÜNTAN 7:7

Tüsho Noa le atsührübo tüsho aniube le atsührü niuberübo keking chingnü atsokhitpü sangkung ching yüzah.

2 SAMUEL 22:24

I api miki amülim mülade alakheah, tüsho amülimbo chingnü inü danyuk.

MÜCHITMUDU 10:9

Thiyuro mihtsürü a kuram tsüde tsahchoh, tüshe shepü akhürang limrobo ching lanü aramkhitbah.

MÜCHITMUDU 14:26

Atungpuh trekhi ching mulongram adüküng lah, tüsho api tsührübo tsoyukpung dangpung labah.

MÜCHITMUDU 18:10

Atungpuh mung ju aheangsadam adüküng lah; thiyuro-lungkirünü ju lim shande yüchoh tüsho khümkhitchoh.

EZEKIEL 14:14

harü mihtsürü mahsam– Noa, Daniel tüsho Job ju ching laa lalashe, arü thiyuro-lungki hode nihbuh lang khümkhitkhukbah, Wuto Atungpuhnü thachoh.

ZEPHANIA 2:3

Atungpuh yimang, nüsa lomi ching azhihayihrü alala, sherünü api yukhümbo rhimocho; thiyuro-lungki yimang, azhihayih yimang; khükijua Atungpuh bukakhiuk nimung nü tsokhitbah.

LUKNÜ ATHRÜTKHI THIYUSHEAK-ATSÜ HUHTANYU 1:6

Ane chido Thrünpuh miki alungki, Atungpuh yukhüm tüsho thiyuzüngbo yande jakreak mükihde alakheah.

LUKNÜ ATHRÜTKHI THIYUSHEAK-ATSÜ HUHTANYU 17:26

Noa nimungbo ching nangde, Mihtsürü Tsührü nimungbo ching labah:

YUNIRÜBO RHIMO 2:39

Tümüde alokhikhi ju nüsa le nüsa tsührübo tüsho limshu ching larü, Atungpuh isa Thrünpuhnü ajirü aban kilim lah.”

IBRI 11:7

Akin hode Noanü adünjipü lakhi müngüyia lalashe Thrünpuhnü athakhi yande api yamkhün khümkhitpü sangkung khülang thsü; ha hode apinü alomiküp bahyuk tüsho akin hode arükhi thiyuro-lungki yamrüplurüp lurü kam.

1 PETER 3:20

harünü Noanü sangkung thsüde alachoki adüso nimungbo ching Thrünpuhnü arümkheamde aleangchoki mihyumanikheah. Ju ching anükbe, mihtsürü 8 lang ke chingnü khümkhit,