THRÜNTAN 6:9 - AMÜSÜH HÜM CL Bible (BSI)

⁹ Ha Noa lün ah. Noa ju api lünbo ching thiyuro-lungki, khiukdahkhi mihtsürü lakheah, tüsho apinü Thrünpuh lung tsah.

THRÜNTAN 6:9 Iomraidhean Croise

THRÜNTAN 10:1

Ha Noa tsührübo lünkheyukhean: Shem, Ham, tüsho Japheth. Tüsho keking dunglim arü kilim tsührübo zübejih.

THRÜNTAN 17:1

Küyimki Abram kam 99 azorü lakheanü, Atungpuh api ki akhiuk tüsho tha, “I Wuto Thrünpuh ah; I miki tsahang tüsho lungkide laang.

THRÜNTAN 2:4

Ha Atungpuh Thrünpuhnü alomi tüsho thüningbo thrün nimung thrünkhi thüning tüsho alomi yukhean,

THRÜNTAN 48:15

Apinü Josep müngühjih, tüsho tha: “Thrünpuh shepü müngüh I buh pürü Abraham tüsho Isak tsahkhea, Thrünpuh shepünü I rhangdung amuyung khihni ha khiungde abekhea,

THRÜNTAN 5:1

Ha Adam lünkhe hüm ah. Thrünpuhnü mihtsürü thrün nimung, apinü anihbuh ju Thrünpuh kiphahkhi chingnü thrün.

THRÜNTAN 5:22

Methusela lashu, Enoknü kam 300 Thrünpuh lung tsah, tüsho tsührübo le tsührübebo lakheah.

THRÜNTAN 5:24

Enoknü Thrünpuh lung tsah; jushu api müladebah, tümütüsho Thrünpuhnü api bea lu.

THRÜNTAN 6:10

Tüsho Noa tsührü 3 lakheah: Shem, Ham, tüsho Japheth.

THRÜNTAN 7:1

Atungpuhnü Noa ki tha, “Nü tüsho nü yamkhün alala sangkung ching yüzahang, tümütüsho ha lün ching I miki nü lang thiyurolungki ah de inü ngüdo.

2 SAMUEL 22:24

I api miki amülim mülade alakheah, tüsho amülimbo chingnü inü danyuk.

1 KIULONG THSÜRÜ 3:6

Tüsho Solomonnü tha, “Nünü nü yamlarü I buh David ki amuzhodakkhi tode huhdo, tümütüsho apinü nü miki khiukdahde thiyuro ching mulong alungki chingnü nü kilim tsah; tüsho nünü api thsungkheak ha ato tüsho muzhodakkhi zojih, tüsho api kilim khihni api kiulongthsü-binkiu kheak binpü tsührü khülang jih.

2 KIUTHSÜYUKHEAN 15:17

Tüshe achang dangpungbo Israel chingnü müyihkhit. Judüalalashe Asanü api nimungbo alala ching Atungpuh ki thiyuro lakheah.

2 KIUTHSÜYUKHEAN 25:2

Apinü Atungpuh miki alungki rhimo, tütüshe thiyuro mulongnü yung.

JOB HU H T ANYU 1:1

Mihtsürü khülang Uz lomi ching amung Job de alakheah. Api ju mungchih mülarü tüsho alungki, Thrünpuh wüntrerü tüsho amütsü chingnü tsokhide alakheah.

JOB HU H T ANYU 1:8

Atungpuhnü Arimri ki tha, “Nünü I yamlarü Job mükheahkhitnah? Alomi kheak api nangde she müla, mungchih müla, Thrünpuh wüntrekhi tüsho alungki mihtsürü tüsho amütsü chingnü bahkhichoh.”

JOB HU H T ANYU 12:4

I müyamrübo ki I a münedung khülang ah; inü Thrünpuh ki jibah apinü alojihjih she– thiyuro tüsho areak mükihde lalashe, I a münedung khülang ah.

MUNGSHIKHÜN 37:37

Areak mükihkhi mihtsürü mütsanang, tüsho alungkirü kheahyukang; tümüde ju mihtsürü arübe kuhi mungtsü lah.

MUNGSHIKHÜN 37:39

Tüshe thiyuro-lungkirü akhümkhit ju Atungpuh kilimnü lah; api ju küpkhuk kim ching arü sühmüh lah.

MÜCHITMUDU 4:18

Tüshe alungki tsahpung ju ani akhiukde animuro alü yinde atahkhi nangde lah.

T H S AN GYU T H S AN GR ARÜ 7:20

Tsükjide shahde neak müyihbeakde atsü rhimopü alomi kheak khide thiyuro larü müla.

EZEKIEL 14:14

harü mihtsürü mahsam– Noa, Daniel tüsho Job ju ching laa lalashe, arü thiyuro-lungki hode nihbuh lang khümkhitkhukbah, Wuto Atungpuhnü thachoh.

EZEKIEL 14:20

tsükjide I lale, Wuto Atungpuhnü thachoh, ju ching Noa, Daniel tüsho Job arü she lalashe, arünü arü tsührü yungsho tsührübebo mükhümkhitkhuk. Arü thiyuro-lungki hode arü nihbuh lang khümkhitbah.

HABAKKUK 2:4

Akükheangrü kheak kheahang! Arü me arü kheak mulungki, tüshe thiyuro-lungkirü arü akin hode alabah.

LUKNÜ ATHRÜTKHI THIYUSHEAK-ATSÜ HUHTANYU 1:6

Ane chido Thrünpuh miki alungki, Atungpuh yukhüm tüsho thiyuzüngbo yande jakreak mükihde alakheah.

LUKNÜ ATHRÜTKHI THIYUSHEAK-ATSÜ HUHTANYU 2:25

Judüki Jirusalem ching mihtsürü khülang amung Simeon lakheah, tüsho ha mihtsürü thiyuro-lungki tüsho shuhmülanga jihrü Israel khümkhitkhi kheahde, tüsho api kheak Amüsüh Me lakheah.

LUKNÜ ATHRÜTKHI THIYUSHEAK-ATSÜ HUHTANYU 23:50

Tüsho kheahang, kiuthsübinkiu ching kheyukrü, mihtsürü atsü tüsho thiyuro larü amung Josep lakheah.

YUNIRÜBO RHIMO 10:22

Tüsho arünü tha, “Kornelia, wühkenobuh, alungki tüsho Thrünpuh trekhi mihtsürü, Jihudarü trükshih alalanü tsülah dükhi, amüsüh yunirünü khuhlanga huhbah nü api yam ching arüshihpü tüsho nünü athakhi anipü nü kilim thiyi.”

ROMRÜ KILIM PAULNÜ ATHRÜTKHI KIHÜM HUHTANYU 1:17

Tümüde ju ching Thrünpuh thiyuro-lungki ju akin chingnü akin hode akhiuka lah; ha thrüta lah, “Shepü thiyurolungkianü akin hode arhang alabah.”

GALATIA 3:11

Kheakü mihtsürü sheshe yakzan hode Thrünpuh miki alim mükam de mütsanlah; tümüde “Shepü akin hode thiyuro-lungki lanü arhang labah”;

YUZÜNGTHALO 18:13

Nüsanü A TUN GPU H nüsa Thrünpuh miki thiyuro laang.”

IBRI 11:7

Akin hode Noanü adünjipü lakhi müngüyia lalashe Thrünpuhnü athakhi yande api yamkhün khümkhitpü sangkung khülang thsü; ha hode apinü alomiküp bahyuk tüsho akin hode arükhi thiyuro-lungki yamrüplurüp lurü kam.

1 PETER 2:5

tüsho amüsüh amükeamrü thsüpü Jisu Khrista hode Thrünpuh kilim aleangkhikhukbe me shuhmülanga kingaünkhi jihpü nüsabo arhang lungbo nangde me yam ching thüyam thsang.

2 PETER 2:5

Thrünpuhnü jipü lomi maningshih, tüshe amükinrü mihtsürü lomi kheak keking hande arü; apinü akhümkhitkhi ju thiyuro-lungki thsangyuthsangrabuh Noa, tüsho püpürü mihtsürü 7 lang alakheah;