THRÜNTAN 6:8 - AMÜSÜH HÜM CL Bible (BSI)

⁸ Tüshe Noa a Atungpuh miki amüthsüm ngü.

THRÜNTAN 6:8 Iomraidhean Croise

THRÜNTAN 19:19

Kheakü nüsa yamlarü nüsa miki amuzho ngüdo, tüsho I rhangdung khümkhitkhi huhde nüsanü amüthsüm alü kamshihdo; inü awungbo ching tsokhide müyükhuk; ha thsümütsünü I yanphuhbah tüsho I ashebah.

MUNGSHIKHÜN 145:20

Atungpuhnü api muzhorü alala küma lashihchoh, tüshe apinü mihbukmuyuk alala thsümünimbah.

MUNGSHIKHÜN 84:11

Tümüde Atungpuh Thrünpuh ju ani tüsho tsung ah; Atungpuhnü amüthsüm tüsho müretah jihbah; lungkide atsahrü kheaknü apinü atsü tümü she mutholo.

MÜCHITMUDU 12:2

Mihtsürü atsü a Atungpuh kilimnü amuzho ngüchoh, tüshe amütsü asahrübo apinü bahyukchoh.

MÜCHITMUDU 3:4

junangde nünü Thrünpuh tüsho mihtsürü miki amuzho tüsho mung atsü ngübah.

MÜCHITMUDU 8:35

Tümüde sherünü I ngüchonü rhangdung ngüchoh, tüsho Atungpuh kilimnü asühkhi leangkhichoh;

JEREMIA 31:2

Atungpuhnü ha thachoh: Mihtsürü sherü nukshang chingnü tsokhidünü sunglo ching mihmüthsüm ngüdo; küyimki Israelnü sühakhim yimkhea,

EZEKIEL 14:14

harü mihtsürü mahsam– Noa, Daniel tüsho Job ju ching laa lalashe, arü thiyuro-lungki hode nihbuh lang khümkhitkhukbah, Wuto Atungpuhnü thachoh.

MATHI 24:37

Noa nimungbo ching nangde, Mihtsürü Tsührü arükhi labah.

LUKNÜ ATHRÜTKHI THIYUSHEAK-ATSÜ HUHTANYU 1:30

Yunirünü alibe ki tha, “ Mari dütre, tümüde Thrünpuh kilimnü nü mihmuzho ngüdo.

LUKNÜ ATHRÜTKHI THIYUSHEAK-ATSÜ HUHTANYU 17:26

Noa nimungbo ching nangde, Mihtsürü Tsührü nimungbo ching labah:

YUNIRÜBO RHIMO 7:46

Apinü Thrünpuh amuzho ngü tüsho Jakob Thrünpuh lapung yimkhitpü keo.

ROMRÜ KILIM PAULNÜ ATHRÜTKHI KIHÜM HUHTANYU 11:6

Tüshe ju amüthsüm hode a sho, kheaküa rhimo hode müla; jude yungsho amüthsüm ju atsütsü amüthsüm yungde alabah.

ROMRÜ KILIM PAULNÜ ATHRÜTKHI KIHÜM HUHTANYU 4:4

Kheakü rhimobuh kilim api mihkhah mo ju thsambah nangde yung tüshe api ngüpü lakhi khejihchoh.

1 KORINT 15:10

Tüshe Thrünpuh amüthsüm hode tümü lanü I ah, tüsho I kilim api amüthsüm akeangkeang mülakheah. Tüshe arü kheaknü inü amürangbe rhimo, ju inü yung, tüshe I lung lakhi Thrünpuh amüthsümnü ah.

GALATIA 1:15

Tüshe küyimki api amüthsüm hode I be buk chingnü I mokhitde ajibuh Thrünpuh asühkhinü,

2 TIMOTHI 1:18

Ju nimung Atungpuh kilimnü mihmüthsüm apinü angüpü Atungpuhnü mülüshang! Efisia ching apinü I rungde arhimokhi alala nünü mükheahlah.

TITA 2:11

Tümüde mihtsürü alala khümkhitpü thsungkheak Thrünpuh amüthsüm akhiukdo,

TITA 3:7

junangde api amüthsüm hode isa alim kamshihpü tüsho lün rhangdung mulonglam ching yamrüplurüp lurü kampü lakheah.

IBRI 4:16

Jumonü isanü yihnüpü kim ching mihmüthsüm leangkhipü tüsho mihmuzho ngüpü thsüde amüthsüm kiulongthsü-binkiu thüninde isanü mulongram lade yüanü.

1 PETER 3:20

harünü Noanü sangkung thsüde alachoki adüso nimungbo ching Thrünpuhnü arümkheamde aleangchoki mihyumanikheah. Ju ching anükbe, mihtsürü 8 lang ke chingnü khümkhit,

2 PETER 2:5

Thrünpuhnü jipü lomi maningshih, tüshe amükinrü mihtsürü lomi kheak keking hande arü; apinü akhümkhitkhi ju thiyuro-lungki thsangyuthsangrabuh Noa, tüsho püpürü mihtsürü 7 lang alakheah;