THRÜNTAN 6:6 - AMÜSÜH HÜM CL Bible (BSI)

⁶ Tüsho apinü alomi kheak mihtsürü thrünkhi dünkheak Atungpuhnü mulong ashide lüm, tüsho api mulong rozhakde alakheah.

THRÜNTAN 6:6 Iomraidhean Croise

THRÜNTAN 6:7

Jumonü Atungpuhnü tha, “Inü athrünkhi mihtsürü tüsho shiwüh, alo ching tsahbe lorilokobo tüsho thüning wuhnubo alomi chingnü adükheakshihbah, tümüde inü arü thrünkhi lakshi thsüdo.”

2 SAMUEL 24:16

Tüshe küyimki yunirünü athsümünimpü Jirusalem lim akhah chungkhea, Atungpuhnü amütsü dünkheak lümlo, tüsho mihtsürü bolung athsümünimpü hanbah arürü yunirü ki ju tha, “Ha suhdo, kheakü nü khah tukloang.” Judüki Atungpuh yunirü ju Jebusrü Arauna hinitpung ching lakheah.

1 KIUTHSÜYUKHEAN 21:15

Tüsho Jirusalem thsümünimshihpü Thrünpuhnü yunirü khülang yüshih; tüshe küyimki apinü athsümünimpü thsükhea, Atungpuhnü thsümütsü dünkheak lümalo; apinü athsümünimrü yunirü ki tha, “Suhdo! Nü khah tukloang.” Judüki Atungpuh yunirü ju Jebusrü Arauna hinitpung ki zhipde alakheah.

MUNGSHIKHÜN 106:45

tüsho arü dünkheaknü apinü api tangzüng lümkhit, tüsho mükhebinkhi api amüthsümbo yande lümalo.

MUNGSHIKHÜN 110:4

Atungpuhnü thiyuchihchimdo tüsho mülümalo, “Nü a Melkizedek yande lünnü amükeamrü khülang ah.”

MUNGSHIKHÜN 119:158

Inü mülapmüjirü mukhiukde kheahchoh, tümütüsho arünü nü yu muzo.

MUNGSHIKHÜN 78:40

Küdükhüh ki arünü sunglo ching api azhihkhea, tüsho loshelo ching api mulong tukthsüshihkhea!

MUNGSHIKHÜN 81:13

O, I mihtsürünü I ki anikhülaa, junangde Israelnü I limrobo ching tsahkhülaa!

MUNGSHIKHÜN 95:10

Tümüde kam yirü I ju lün lung mulong rozhakde alakheah, tüsho tha, ‘ Ha arü mulong ching rholode atsokhi mihtsürü, tüsho arünü I limrobo mümükheah.’

ABEKHIT 32:14

Jumonü Atungpuhnü api mihtsürü thsümünimpü chingnü lümalo.

ISAIA 48:18

O nünü I yukhümbo anido dükhülaa! junangde nü müngühmühi ju ayung nangde alabah, tüsho nü thiyuro-lungki ju keto abükkhi nangde alabah.

ISAIA 63:10

Tüshe arünü azhih tüsho api memüsüh mulong rozhakshih; jumonü api ju arü riri kam; anihbuhnü arü azhihde keochih.

JEREMIA 18:7

Kim khülang ching trükshih yungsho kiulongthsü khülang dünkheak zükshaka bahpü tüsho kingkheampü tüsho thsümünimpü inü athapü lah,

JEREMIA 26:19

Juda kiulongthsüpuh Hezekia tüsho Juda alalanü atsütsü api sheshihkhea de? Apinü Atungpuh mütrekhea de tüsho Atungpuh amuzho thsungkheak mumushu de, tüsho apinü arü azhihde athakhi thsümütsü dünkheak Atungpuh lümkhi mümüthrikhea de? Tüshe isa a isa kheak thsümütsü ato handarüpü thsüchoh!”

EZEKIEL 33:11

Arü ki thaang, I lale, Atungpuh Thrünpuhnü thachoh, mihbukmuyuk shekhi ching I asühpü müla, tüshe mihbukmuyuknü arü limrobo chingnü rholobah rhangdung lakhi ching lah; nüsa amütsü limrobo chingnü rholoang, rholoang; tümüde nü ashepü, O Israel yamkhün?

HOSEA 11:8

Küde thsah inü nü dükhepü, Ephraim? Küde thsah inü nü bahyukpü O Israel? Küde thsah inü nü Adma nangde kamshihpü? Küde thsah inü nü Zeboiim kheak nangde arhimopü? I mulong alunglim müthrido; nü thsungkheaknü I muzho todaklah.

JOEL 2:13

Nüsa khimmih yungde nüsa mulong yihthünakang. Atungpuh , nüsa Thrünpuh kilim rholoang, tümüde api ju mihmuzho tüsho mihmüthsüm, arünnü bukakhiukchoh, tüsho düküngde amuzhopü suhdahde lah tüsho thsümüchi chingnü lümalochoh.

JONA 3:10

Küyimki arünü arhimokhi, arü amütsü limrobo chingnü rholokhi Thrünpuhnü angükhea, apinü arü kheak thsümütsü hande arüpü thakhi Thrünpuhnü api lüm müthri; tüsho apinü ju mürhimo.

MALAKI 3:6

Tümüde I Atungpuh mümüthrichoh; jumonü, O Jakob tsührübo, nüsa müdükheak.

WÜHKHE 23:19

Thrünpuh ju akeangyu thapü thsüde mihtsürü ruk yung, yungsho lümkhi müthripü thsüde mihtsürü tsührü ruk yung. Apinü thabah mürhimocho de? Apinü alokhibah akuk müngücho de?

ROMRÜ KILIM PAULNÜ ATHRÜTKHI KIHÜM HUHTANYU 11:29

Tümüde Thrünpuh thsambahbo tüsho ajikhibo mululokhukbe ah.

EFISIA 4:30

Arhokhitpü nimung thsungkheak nüsa yümkih-a lakhi Thrünpuh Amüsüh Me mulong dütukthsüshih.

YUZÜNGTHALO 32:29

Arü lümlung lakhülaa, arünü ha anikhitbah, arünü adünjipü lakhi mükheahbah!

YUZÜNGTHALO 32:36

Küyimki apinü arü wu tsodo tüsho rhüka larü yungsho zuzu larü maning de mükheahbanü, atsütsü Atungpuhnü api mihtsürü bekhitbah, tüsho api yamlarübo kheak müthsümbah.

YUZÜNGTHALO 5:29

O, arünü I wüntrekhi hadürü arü mulong ching lade kamruhroro I yukhüm zokhülaa, junangde arü tsührübo kheak lünnü tsüde alabah!

IBRI 3:10

Jumonü inü ju lün kheak I bukakhiuk, tüsho tha, ‘Arünü arü mulong ching kamruhroro tsophülapchoh; arünü I limrobo mümükheah.

IBRI 3:17

Tüsho kam yirü apinü she ki bukakhiukkhea? Neak yihbeakkhi, pangbo sunglo ching keamrü ki yung de?

JAKOB 1:17

Atsü tüsho khiukdahkhi thsambah aban akulimnü lah, mebo akhinkhi nangde mümüthrikhi yinmi ayinbo Abuh kilimnü akichoh.

1 SAMUEL 15:11

“Inü Saul kiulongthsürü kamshihkhi I mulong ashichoh, tümüde apinü I ru yankhi chingnü rholodo, tüsho I yukhümbo mürhimo.” Samuelnü bukakhiuk; tüsho tsüngreroro Atungpuh ki zhi.

1 SAMUEL 15:29

Shepü Israel Müretahkhi lanü apinü akeangyu müthachoh yungsho api lümkhi mümüthri; tümüde api lümkhi müthripü thsüde api mihtsürü khülang yung.”

1 SAMUEL 15:35

Samuelnü api shekhün ching yüzahde Saul müngüdebah, tüshe apinü Saul dünkheak tüzho. Tüsho Atungpuhnü Saul ju Israel kurungkheak kiulongthsürü thsüshihkhi dünkheak api mulong ashide lüm.