THRÜNTAN 6:3 - AMÜSÜH HÜM CL Bible (BSI)

³ Tüsho Atungpuhnü tha, “Inü mihtsürü lünnü alapü mümülüjih, tümüde api shih ah; api kam 120 labah.”

THRÜNTAN 6:3 Iomraidhean Croise

THRÜNTAN 6:2

Thrünpuh tsührübonü mihtsürü tsührü liberübo jaktsüde ngü; tüsho arünü amürühkhi yamkhün thsü.

NEHEMIA 9:30

Kam ashang nünü arü ki arümkheam, tüsho nü memüsühnü wukihrübo hode thashih; tüshe arü nükhünnü mani, jumonü nünü arübo püpürü lomi khah ching jihabah.

MUNGSHIKHÜN 78:39

Tümüde arübo ju shih, tsoabahbe sheak khülang tüsho alode marü de apinü lümkhit.

MUNGSHIKHÜN 90:10

Isa rhangdung kambo ju kam 70; isa sühmüh lasho kam 80, tüshe jurübonü isa küpkhuk tüsho mulong rozhak hande arüchoh; ha nahde hoabahchoh, isa tsoabahchoh.

ISAIA 5:4

Inü I yo kurungasolu ching mürhimokhi tümükhüh la shi? Inü kurungaso asopü mükkin thsüchoki, küde thsah kurungaso asan asokhea?

ISAIA 57:16

Tümüde inü mutukzhakde mümüdam, yungsho kamruhroro bukmakhiuk; junangde inü athrünkhi mebo I miki lungbah.

ISAIA 63:10

Tüshe arünü azhih tüsho api memüsüh mulong rozhakshih; jumonü api ju arü riri kam; anihbuhnü arü azhihde keochih.

JEREMIA 11:11

Jumonü, Atungpuhnü ha thachoh, lungdode inü arü kheak arünü mutsokhikhukpü thsüde thsümütsü handarübah; arünü I ki zhizhi she inü arü ki mani.

JEREMIA 11:7

Tümüde inü nüsa jipürü Ijip chingnü bede akhiukchoki düshihde arü ki thado, khihni khiungde arü ki kim aban, I yu aniang de thade lah.

WÜHKHE 11:17

Tüsho I akibahle ju ching inü nü kheak asukachihbah, tüsho nü kheak lakhi me khürü inü lubah arü kheak yukjihbah; tüsho arünü mihtsürü hahmülang nü lung hanrungbah, junangde nü zangrünü lang mühan.

JOHAN 3:6

Shihnü zübekhi ju shih, tüsho menü zübekhi ju me.

YUNIRÜBO RHIMO 7:51

“Nüsa achungthülang mihtsürübo, mulong tüsho nükhün ching tsütamübahrü, nüsanü kamruhroro Amüsüh Me reanglochoh. Nüsa jipürübonü arhimokhi nangde nüsanü rhimochoh.

1 TESALONIKA 5:19

Me dümütshih,