THRÜNTAN 6:17 - AMÜSÜH HÜM CL Bible (BSI)

¹⁷ Inü thüning bukkhüp rhangdung sheak lakhi loriloko alala dükheakshihpü alomi kheak keking arüshihbah; alomi kheak lüpdükhi ashebah.

THRÜNTAN 6:17 Iomraidhean Croise

THRÜNTAN 2:7

Tüsho Atungpuh Thrünpuhnü alo asungthulungnü mihtsürü kamshih, tüsho api nupung ching rhangdung sheak mütyukjih, tüsho mihtsürü ju rhangdung lakhi khülang kam.

THRÜNTAN 6:13

Thrünpuhnü Noa ki tha, “Mihtsürü alala kheampü I miki arüdo, tümüde alomi ju arü hode athsümünimnü mia lah; tüsho kheahang, inü arübo alomi chingnü adükheakshihbah.

THRÜNTAN 6:16

Nünü sangkung thsungkheak ayinripit khülang thsang, tüsho ju akulim khahnap 1 dükeaknü thsang; tüsho ju rheang lim sangkung khimdopü yukang. Nünü abobe, aphulungbe tüsho akube khinkihde thsang.

THRÜNTAN 6:7

Jumonü Atungpuhnü tha, “Inü athrünkhi mihtsürü tüsho shiwüh, alo ching tsahbe lorilokobo tüsho thüning wuhnubo alomi chingnü adükheakshihbah, tümüde inü arü thrünkhi lakshi thsüdo.”

THRÜNTAN 7:15

Rhangdung sheak lakhi loriloko drepung alala Noa kilim arü tüsho sangkung ching yüzah.

THRÜNTAN 7:17

Kheakü keking ju alomi kheak nimung yirü tüsho tsüngre yirü lakheah. Kebo alü kam tüsho sangkung ju alomi kumung changde phungkih.

THRÜNTAN 7:4

Nimung thüne dunglim inü thrüna rhangdung lashihkhi alala alomi chingnü dükheakshihpü alomi kheak nimung yirü tüsho tsüngre yirü tsüng arüshihbah.”

THRÜNTAN 9:9

“Kheakü inü nü tüsho nü dunglim nü tsühsoniusobo kheak I tangzüng thsüchoh,

JOB HU H T ANYU 22:16

Arübo arü kim mukhiungde tsoabahdo; arü khimtanbo kekingnü müsühabahdo.

MUNGSHIKHÜN 107:34

aso asokhi lo ju akukruk lo kamshih, ju ching larü mihbukmuyukkhi hode alakheah.

MUNGSHIKHÜN 29:10

Atungpuh kiulongthsü-binkiu keking kumung kheak lah; apinü lünnü kiulongthsürü thsüde yakzan shuhchoh.

ABEKHIT 14:17

Tüsho inü Ijiprü mulong müküpshihbah, junangde arünü arü dunglim yüzahbah, tüsho Pharao le api bonungrü, api khora-lolungbebo, tüsho api khoraberü hode I müretahbah.

ISAIA 51:12

I, shepünü shukheamchonü api ah; dale tümüde ashepü lakhi mihtsürü trecho, mihtsürü khülang shepü rim nangde yiuhabahcho?

ISAIA 54:9

Ha I ki Noa nimungbo nangde lah: Inü thiyuchihchimkhi nangde Noa kebo küyimkishe alomi kheak müyü, junangde nü kheak bukmakhiuk tüsho nü müthürüh de inü thiyuchihchim.

EZEKIEL 34:11

Tümüde Atungpuh Thrünpuhnü ha thachoh: Inü I yo namfimihnubo yimbah, tüsho arübo ajukhitbah.

EZEKIEL 34:20

Jumonü, Atungpuh Thrünpuhnü arü ki ha thachoh: Inü amüdangkhi tüsho akukruk namfimihnu dükeak mahkhapbah.

EZEKIEL 5:8

Jumonü Wuto Atungpuhnü ha thachoh: Jirusalem, inü I küdah thsüde nü azhihchoh, tüsho trükshihbo mikinü inü nü mahkhapbah.

EZEKIEL 6:3

tüsho thaang: O Israel müzüngbo, Wuto Atungpuhnü müzüngbo tüsho awungbo, alokhün asük tüsho jindükhünbo ki ha thachoh. Inü nukshang khülang nü azhihde handarüpü lah, tüsho nü yo achang dangpungbo inü thsümünimbah.

HOSEA 5:14

Tümüde I ju Ephraim ki kekhüzü nangde, tüsho Juda yamkhün ki kekhüzü nunu nangde alabah. Inü achakthünakbah tüsho tsoabahbah; inü arü hande atsobah, tüsho shenü she arü mükhümkhit.

LEVI 26:28

inü she I bukakhiukde nüsa kheak mükthsübah; tüsho nüsa neak dünkheaknü thüne ki thsümüchibah.

AMOS 9:6

shepünü yinmi ching nihbuh akube khiungshakbo thsücho, tüsho alomi kheak khimtanbo thsücho; shepünü keto kebo jicho tüsho alomi kheak dungkhitcho– Atungpuh ju api mung lah.

MATHI 24:39

tüsho keking arübah arü alala hande mutsoyi khiungde mümükheah, junangde Mihtsürü Tsührü arükhi labah.

LUKNÜ ATHRÜTKHI THIYUSHEAK-ATSÜ HUHTANYU 17:27

Arünü Noanü sangkung ching yüzahkhi, tüsho keking arübah arü alala müdükheakyi khiungde tsühyung, niuberübo lu, arübo rhangshih.

ROMRÜ KILIM PAULNÜ ATHRÜTKHI KIHÜM HUHTANYU 5:21

junangde neaknü ashekhi ching yakzan shuhkhi ruk, isa Atungpuh Jisu Khrista hode mihmüthsümnü lün rhangdung lim thiyuro-lungki yande yakzan shuhbah.

ROMRÜ KILIM PAULNÜ ATHRÜTKHI KIHÜM HUHTANYU 6:23

Tümüde neak mihkhah ju ashekhi, tüshe Thrünpuh akeang thsambah ju Atungpuh Jisu Khrista ching lün rhangdung lah.

YUZÜNGTHALO 32:39

Kheakü kheahang I, I lang, Thrünpuh ah, tüsho I hobah tümü thrünpuh müla; inü laksahchoh tüsho inü rhangdung lashihchoh; inü yurijihchoh tüsho inü ngushihchoh; tüsho I khah chingnü abekhitkhukpü thsüde sheshe müla.

IBRI 11:7

Akin hode Noanü adünjipü lakhi müngüyia lalashe Thrünpuhnü athakhi yande api yamkhün khümkhitpü sangkung khülang thsü; ha hode apinü alomiküp bahyuk tüsho akin hode arükhi thiyuro-lungki yamrüplurüp lurü kam.

1 PETER 3:20

harünü Noanü sangkung thsüde alachoki adüso nimungbo ching Thrünpuhnü arümkheamde aleangchoki mihyumanikheah. Ju ching anükbe, mihtsürü 8 lang ke chingnü khümkhit,

2 PETER 2:5

Thrünpuhnü jipü lomi maningshih, tüshe amükinrü mihtsürü lomi kheak keking hande arü; apinü akhümkhitkhi ju thiyuro-lungki thsangyuthsangrabuh Noa, tüsho püpürü mihtsürü 7 lang alakheah;