THRÜNTAN 6:13 - AMÜSÜH HÜM CL Bible (BSI)

¹³ Thrünpuhnü Noa ki tha, “Mihtsürü alala kheampü I miki arüdo, tümüde alomi ju arü hode athsümünimnü mia lah; tüsho kheahang, inü arübo alomi chingnü adükheakshihbah.

THRÜNTAN 6:13 Iomraidhean Croise

THRÜNTAN 49:5

Simeon tüsho Levi keonione ah; athsümünimpü thsühnukbo ju ane nukshangbo ah.

THRÜNTAN 6:14

Nü thsungkheak gofer sangnü sangkung khülang thsang; sangkung ching akhiungshakbo thsang, tüsho alunglim le aleanglim dükhühnü müjimdoang.

THRÜNTAN 6:4

Judüki alomi ching Nephilimrübo lakheah, tüsho ju dunglim Thrünpuh tsührübonü mihtsürü tsührübebo kheak müyam tüsho arü kilim tsührübo zübejih. Jurübo adüsonü athrungrü tüsho mungkhung mihtsürübo lakheah.

THRÜNTAN 7:21

Alomi ching rhangdung lakhi alala–wuhnubo, akam-shiwühbo, mütüm shiwühbo, alo kheak abübe loriloko alala sheabah.

THRÜNTAN 7:23

Junangde apinü alomi kheak rhangdung lakhi alala: mihtsürü tüsho shiwühbo, abüde atsahbe tüsho thüning wuhnu dükheakshih. Noa tüsho api lung sangkung ching larü lang aninga lakheah.

THRÜNTAN 7:4

Nimung thüne dunglim inü thrüna rhangdung lashihkhi alala alomi chingnü dükheakshihpü alomi kheak nimung yirü tüsho tsüngre yirü tsüng arüshihbah.”

THRÜNTAN 8:21

Atungpuhnü arhümthüneakhi münim tüsho api mulong chingnü tha: “Mihtsürü dünkheaknü, api azükinü mulong amütsü laa lalashe, kheaküa inü alo muthrumünean müthsü. Tüsho inü arhimokhi nangde rhangdung lakhi lorilokobo küyimkishe müdükheakshih.

ISAIA 34:1

Phünide arang, O trükshihbo, tüsho aniang; O mihtsürübo, nükhün muphoang! Alomi tüsho ju ching lakhi alalanü soshang; alomiküp tüsho ju chingnü arükhi alala.

JEREMIA 51:13

Nüsa sherü ke ahihdo yean lacho, rahpungbo ching lakhit la, nüsa yo akheam arüdo, nü rhangdung liu yihshakdo.

AMOS 3:7

Tsükjide Atungpuh Thrünpuhnü api yamlarü wukihrübo ki rama lakhi alümkhi muhuhdüa tümü she müthsü.

AMOS 8:2

Apinü tha, “Amos, nünü tümü ngücho?” Tüsho inü alo, “Muzhu sangaso zahkhi muluk khülang.” Jushu Atungpuhnü I ki tha, “ I mihtsürü Israel kheak akheam arüdo; inü arü thsümüchipü I lümkhi mümüthrilo.

IBRI 11:7

Akin hode Noanü adünjipü lakhi müngüyia lalashe Thrünpuhnü athakhi yande api yamkhün khümkhitpü sangkung khülang thsü; ha hode apinü alomiküp bahyuk tüsho akin hode arükhi thiyuro-lungki yamrüplurüp lurü kam.

1 PETER 4:7

Alala akheam thüninde lah; jumonü nüsanü tamkhüntamnüpü kukpü thsüde lümkhi amüsüh tüsho zangrü danyukde laang.