THRÜNTAN 50:9 - AMÜSÜH HÜM CL Bible (BSI)

⁹ Tüsho ju ching api lung khoralolungbebo tüsho khoraberübo wutu, tüsho ju khide hihde mukhunga lakheah.

THRÜNTAN 50:9 Iomraidhean Croise

THRÜNTAN 41:43

Tüsho apinü api yo khora-lolungbe mahnepü kheak binshih; tüsho arünü api miki zhi, “Khukningang!” Junangde api Ijip lomi alala kurungkheak zojih.

THRÜNTAN 46:29

Jumonü Josepnü api khoralolungbe thsakham tüsho abuh Israel shorupü Goshen lim wutu; Josepnü api miki yü akede akhahnü abuh kap tüsho ruhde trip.

THRÜNTAN 50:10

Küyimki arübo Jordan hobah Atad rhimopung ching arükhea, arünü khide tode mulong rozhakde tüzho. Josepnü nimung thüne abuh tüzho.

THRÜNTAN 50:8

Josep yamkhün she alala, api keoniorübo, tüsho abuh yamkhün. Arü tsührü aninibo, arü mihnubo tüsho moshibo lang arünü Goshen lo ching zojih.

2 KIULONG THSÜRÜ 18:24

Nünü khora-lolungbe tüsho khoraberü thsungkheak Ijip kheak düthsün angüngü she küde thsah nünü I putungpuh torü bolung aninibe she amopü?

ABEKHIT 14:17

Tüsho inü Ijiprü mulong müküpshihbah, junangde arünü arü dunglim yüzahbah, tüsho Pharao le api bonungrü, api khora-lolungbebo, tüsho api khoraberü hode I müretahbah.

ABEKHIT 14:28

Judüki kebo alodarübah khora-lolungbebo, khoraberübo, tüsho arü dunglim keto ching arükhi Pharao bonungrü alala zündo.

ABEKHIT 14:7

tüsho amokhitkhi khora-lolungbe 600 tüsho arü alala kurungkheak atorübo bede püpü Ijip khora-lolungbebo alala lu.

KHÜNBOLUNGKHÜN 1:9

Inü muzhobe, Pharao khora-lolungbe bolung khora-dre khülang ki inü nü akeakheahchoh.

YUNIRÜBO RHIMO 8:2

Shuhmülanga jihkhi mihtsürübonü Stephen kiuyukabah, tüsho api dünkheak khide tüzho.