THRÜNTAN 50:21 - AMÜSÜH HÜM CL Bible (BSI)

²¹ Jumonü kheakü, dütre; inü nüsa le nüsa tsührübo thsungkheak jihchungbah.” Apinü arü mulong shukheam tüsho arü ki muzhode asuk.

THRÜNTAN 50:21 Iomraidhean Croise

THRÜNTAN 34:3

Api menü Jakob tsührübe Dina khide mürüh, apinü anünübe muzho tüsho anihbe ki muzhode asuk.

THRÜNTAN 45:5

Tüshe kheakü, nüsanü I ha ching yinkhi dünkheaknü nüsa mulong dütukthsü yungsho nüsa nihbuh kheak bukdakhiuk; tümüde Thrünpuhnü rhangdung küma lashihpü nüsa müngühnü I thiyido.

THRÜNTAN 47:12

Judüki Josepnü abuh, akeoniorübo tüsho abuh yamkhün alala kilim arü wühkhe ayannü tsühyungbe jih.

THRÜNTAN 50:22

Junangde Josep tüsho abuh yamkhün Ijip ching la. Tüsho Josep kam 110 lakheah.

2 KIUTHSÜYUKHEAN 30:22

Hezekianü Atungpuh tankihkhi ju anikhitkhi atsü huhrü Levirü alala ki mulong toshihde asuk. Jumonü mihtsürübonü Atungpuh arü jipürü Thrünpuh kilim mungtsü kingaün tüsho makshe jihde nimung thüne thünio jimpung tsüh.

ISAIA 40:2

Jirusalem ki shukheamde asukang tüsho anihbe ki zhiang, junangde anihbe thirithsü kheamdo, anihbe mülimkhi shakdo, anihbe neak dünkheak mahne kinü Atungpuh khah chingnü leangkhido.

MATHI 5:44

Tüshe inü nüsa ki thachoh: Nü riribo muzhoang tüsho nü thsümüchirü thsungkheak tamkhüntamnüjang,

MATHI 6:14

“Tümüde nüsanü mihtsürübo neak bahjihsho, yinmi ching nüsa Abuhnü nüsa neak bahjihbah.

1 TESALONIKA 5:15

Nüsa shenü she amütsü müthri amütsü müjihlopü mütsanang, tüshe kamruhroro khülangnü khülang tüsho alala ki atsü rhimopü yimang.

1 PETER 3:9

Amütsü müthri amütsü düjihlo yungsho luhsho düluhlo; tüshe judübüdün a müngühjang, tümüde nüsanü müngühmühi ngüpü thsüde nüsa ha ching jikheah.

MAHKHAPRÜ 19:3

Judüki aniubuhnü asürü tüsho anihbe ki mushude thabah belodarüpü api lung yamlarü khülang tüsho donki mahne bebah yü. Junangde alibenü api abuh yam ching bede yüzah; tüsho küyimki alibe abuhnü api ngükheanü asühde beyuk.