THRÜNTAN 50:18 - AMÜSÜH HÜM CL Bible (BSI)

¹⁸ Judüki api keoniorübonü she yü tüsho api miro ki mükhüm tüsho tha, “Kheahang, isa nü yamlarübo ah.”

THRÜNTAN 50:18 Iomraidhean Croise

THRÜNTAN 27:29

Mihtsürübonü nü tankihshang, tüsho trükshihbonü nü ki mükhümshang. Nü keoniorü alala kurungkheak aputungrü thsang, tüsho nü be tsührübonü nü ki mükhümshang. Nü athrurü muthrumüneanshang, tüsho nü müngühjihrü müngühshang!”

THRÜNTAN 41:43

Tüsho apinü api yo khora-lolungbe mahnepü kheak binshih; tüsho arünü api miki zhi, “Khukningang!” Junangde api Ijip lomi alala kurungkheak zojih.

THRÜNTAN 42:6

Kheakü Josep ju alomi kurungkheak kovünor lakheah; tüsho lomi mihtsürü alala kilim apinü yinjih. Tüsho Josep keoniorübonü arübah alo lim arü miro thsübah api miki khukning.

THRÜNTAN 44:14

Jumonü Juda tüsho api keoniorübo Josep yam ching arü, tüsho api ju ching lakheah; tüsho arünü api miki alo kheak khukning.

THRÜNTAN 45:3

Judüki Josepnü api keoniorübo ki tha, “I Josep ah; I buh kheakü khiungde la shi?” Tüshe api keoniorübonü api ki malokhuk, tümüde Josep miki arübo müyinnim.

THRÜNTAN 50:17

‘Nüsanü Josep ki ha thaang: “Inü nü ki mushuchoh, muzhobah nü keoniorübonü alakmihkhi tüsho arü neak bahjang; tümüde arünü nü ki amütsü rhimodo.” ’ Kheakü muzhobah nü buh Thrünpuh yamlarübonü alakmihkhibo neak bahjang.” Küyimki arü yusheak api ki arükheanü, Josepnü trip.

THRÜNTAN 50:19

Josepnü arü ki tha, “Dütre, I a Thrünpuh ah düpü?