THRÜNTAN 5:2 - AMÜSÜH HÜM CL Bible (BSI)

² Apinü arü athrürü tüsho aliberü thrün, tüsho arü müngühjihde arü thrün nimung arü ki mihtsürü de ji.

THRÜNTAN 5:2 Iomraidhean Croise

THRÜNTAN 1:27

Jumonü Thrünpuhnü api kiphahkhi ching mihtsürü thrün; apinü athrürü tüsho aliberü thrün.

THRÜNTAN 1:28

Thrünpuhnü arü müngühjihde tha, “Aso asoang tüsho wüh buang; alomi mishang tüsho ju danyukang; keto ching thüngüh, thüning wuhnubo tüsho alo kheak abübe alala kurungkheak atungrü thsang.”

THRÜNTAN 2:15

Atungpuh Thrünpuhnü mihtsürü ju bedarübah Eden shahwün ching wochakshihpü tüsho aneakpü zojih.

THRÜNTAN 2:23

Judüki Adamnü tha, “Kheakü ha I ro chingnü ro, tüsho I shih chingnü shih; anihbe ki aliberü de ajibah, tümütüsho anihbe ju athrürü kheaknü yihkhit.”

THRÜNTAN 5:3

Adam kam 130 lachoki api kiphahde tsührü khülang lakheah; tüsho apinü amung Seth de ji.

MALAKI 2:15

Thrünpuh khülangnü anihbe thrünkhi yung de? Shih tüsho me chido api yo ah. Tüsho Thrünpuhnü tümü lunela? Apinü Thrünpuh mükheahkhi tsührü yimchoh. Jumonü nüsa me ching kümkangang, tüsho nü athunuchoki yamkhünbe kheak nünü alokhikhi düthsümünim.

MATHI 19:4

Apinü arü ki alo, “Atankih ching shepünü arü thrünkheanü, ‘athrürü tüsho aliberü thrünkheah,’ de nüsanü mükhe de?

MARK 10:6

Tüshe athrün atan chingnü Thrünpuhnü athrürü tüsho aliberü thrün.

YUNIRÜBO RHIMO 17:26

Apinü mihtsürü khülang kheaknü mihtsürü trükshih aban lomi alala ching lapü thsüde thrün; tüsho apinü arü kimbo tüsho lapungbo akhualojih,