THRÜNTAN 49:8 - AMÜSÜH HÜM CL Bible (BSI)

⁸ Juda, nü keoniorübonü nü shijihbah; nü khah ju nü riribo hung kheak labah; nü buh tsührübonü nü miki khukningbah.

THRÜNTAN 49:8 Iomraidhean Croise

THRÜNTAN 27:29

Mihtsürübonü nü tankihshang, tüsho trükshihbonü nü ki mükhümshang. Nü keoniorü alala kurungkheak aputungrü thsang, tüsho nü be tsührübonü nü ki mükhümshang. Nü athrurü muthrumüneanshang, tüsho nü müngühjihrü müngühshang!”

THRÜNTAN 29:35

Tüsho kheaküshe alibe mübünkeangde kambah tsührü khülang zübejih, tüsho tha, “Kheakü inü Atungpuh shibah.” Jumonü alibenü api mung Juda de ji. Jushu a anihbe tsührü dapabah.

THRÜNTAN 42:6

Kheakü Josep ju alomi kurungkheak kovünor lakheah; tüsho lomi mihtsürü alala kilim apinü yinjih. Tüsho Josep keoniorübonü arübah alo lim arü miro thsübah api miki khukning.

THRÜNTAN 46:12

Juda tsührübo Er, Onan, Shela, Perez, tüsho Zera (tüshe Er le Onan ane Kanan lomi ching sheabah). Perez tsührübo Hezron tüsho Hamul.

2 SAMUEL 22:41

Nünü I thraneankhi I riribo düthsün I kilim anguhshih, tüsho inü arü thsümünimjih.

2 SAMUEL 24:9

Joabnü wühkhe kheyukkhibo kiulongthsüpuh ki thiyusheak jih: Israel ching thsühnuk shuhsorü bonungrü 800,000 tüsho Juda ching 500,000 lakheah.

2 SAMUEL 5:3

Jumonü Israel azothsürü alala Hebron ching kiulongthsüpuh ki arü; tüsho kiulongthsüpuh Davidnü Hebron ching Atungpuh miki arü kheak tangzüng khülang thsü, tüsho arünü Israel kurungkheak kiulongthsüshihpü David mujude-mokhit.

1 KIUTHSÜYUKHEAN 28:4

Tütüshe Israel kurungkheak lünnü kiulongthsürü thsüpü Atungpuh Israel Thrünpuhnü isa jipürü yamkhün alala chingnü I mokhit; tümüde apinü Juda limberü mokhit, tüsho I buh Juda yamkhün ching, I buh tsührü bolung ching apinü I Israel alala kurungkheak kiulongthsürü thsüshihpü kün.

1 KIUTHSÜYUKHEAN 5:2

api keoniorü bolung Juda adungto kamkam she tüsho yakzanshuhrü api kheaknü arürü she, adüjibuh yamrüplurüp ju Josep yo.)

2 KIUTHSÜYUKHEAN 14:8

Asa lung atoto tsungbo tüsho thsühbo shuhrü bonungrü 300,000, tüsho tsungbo le sanglüh shuhrü Benjamin chingnü bonungrü 280,000 lakheah; harü alala athrungrü thirithsürübo lakheah.

2 KIUTHSÜYUKHEAN 15:9

Apinü Juda le Benjamin alala, tüsho arü lung hanrü thsüde alakhi Ephraim, Manase tüsho Simeon chingnü bemukhung, tümüde küyimki arünü api lung Atungpuh api Thrünpuh lah de angükhea, Israel ching ahihdonü api kilim arüabah.

2 KIUTHSÜYUKHEAN 17:2

Apinü Juda chipi ayünkhi kiutobo bonungrübo zojih, tüsho Juda lomi, tüsho abuh Asanü ayankhikhi Ephraim kiutobo ching aheangrü bonungrübo zojih.

2 KIUTHSÜYUKHEAN 30:11

Asher, Manase, tüsho Zebulun chingnü lang arü anükhüh azhihayihde kam tüsho Jirusalem lim arü.

MUNGSHIKHÜN 76:1

Juda ching Thrünpuh mükheahlah; Israel ching api mung ato lah.

ISAIA 9:7

Api kiulongthsü sühmüh mutuklode azokihbah, tüsho ju ching akheam mülakhi mungtsü David tüsho api kiulongthsü-binkiu thsungkheak labah. Thiyuro tüsho thiyuro-lungkinü ha kimnü ründe tüsho kamruhroro apinü arhimobah. Wuto Atungpuh mulungkhinü ha rhimobah.

EZEKIEL 21:29

Nüsanü angükhi michihbo tüsho müchitbo akeangyu, nüsa mihbukmuyuk tüsho amütsürü tüsho nüsa akheam thsümüchipü nimung arüchoh, nukshang ju nüsa hungbo kheak keampü lah.

WÜHKHE 1:27

Juda trük chingnü wühkhekhi 74,600.

WÜHKHE 10:14

Akhuhde Judarünü arü kim ching bonungrü ayannü tsahmusu; tüsho arü limbebuh ju Amminadab tsührü Nashon.

WÜHKHE 26:20

Tüsho Juda tsühsoniusobo arü guk ayannü: Shela kheaknü Shelarü guk kam; Perez kheaknü Perezrü guk kam; Zera kheaknü Zerarü guk kam.

WÜHKHE 26:22

Harübo ha Juda gukbo; arü wühkhe ju 76,500.

YUZÜNGTHALO 33:7

Tüsho apinü Juda thsungkheak ha tha: “O Atungpuh , Juda düsheak sojang, tüsho amihtsürü bolung api bebah arang; anihbuh khahnü azangrü tsunglochoh, tüsho api riri azhihde api rungang.” @SP ACE=

IBRI 10:13

Ju kimnü rünbah api riribo ajing jungpung thsüpü apinü aleanglah.

IBRI 7:14

Tümüde isa Atungpuh ju Juda chingnü atrükkhitkheah de mütsanlah, tüsho ju trük amükeamrübo dünkheaknü Mosanü tümü she mütha.

JIHUSUA 10:24

Küyimki arünü kiulongthsürü phüngü Jihusua kilim bedarükhea, Jihusuanü Israelrü athrünkhi jimukhung tüsho api lung yürü atorübo jia arü jingnü kiulongthsürübo hung ching thrümshih. Arünü jude rhimo.

JIHUSUA 15:20

Ha Juda trük kilim arü guk ayannü ajihkhi yamrüplurüp ah.

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”

AMIKHEAKAKHIUKKHI 5:5

Judüki azothsürü khülangnü I ki tha, “Dütrip; kheahang, Juda trük kekhüzü, David Sangyingnü kukdo, junangde apinü ayümdokhi thüne küpqiu khimshuhpü kuklah.”

MAHKHAPRÜ 20:18

Tüsho Israel mihtsürünü asürübah Thrünpuh lümkhi keopü Thrünpuh yam ching wutu. Arünü tha, “Benjamin mihtsürü bede keochihpü isa shepü akhuhde awutuba?” Atungpuhnü alo, “ Juda akhuhde awutubah.”