THRÜNTAN 49:31 - AMÜSÜH HÜM CL Bible (BSI)

³¹ Ju ching arünü Abraham tüsho aniube Sara kiuyukabah; ju ching arünü Isak tüsho aniube Rebeka kiuyukabah, tüsho ju ching inü Lea kiuyukabah.

THRÜNTAN 49:31 Iomraidhean Croise

THRÜNTAN 23:3

Judüki Abrahamnü aniube shea lakhi rheang kinü wusu tüsho Hitrü ki tha,

THRÜNTAN 25:10

Thulu ju Abrahamnü Hitrü ki thulokheah; ju ching Abraham tüsho aniube Sara kiuyukabah.

THRÜNTAN 25:9

Tüsho api tsührübo Isak tüsho Ishmael bünenü Hitrü Zohar tsührü Ephron lu ching Mamre müngüh Makpela lungkhün ching api kiuyukabah.

THRÜNTAN 29:16

Kheakü Laban tsührübe 2 lakheah: adüjibe mung Lea, tüsho akheambe mung Rachel.

THRÜNTAN 35:29

Junangde shinde tüsho nimung khiungde labah she tüsho api mihtsürü kilim yü; tüsho api tsührübo Esau le Jakob bünenü api kiuyukabah.

THRÜNTAN 47:30

tüshe küyimki I jipürü lung yapbanü, nünü Ijip chingnü I hankhitang, tüsho arü mibahpung kiuyuka bahang.” Tüsho Josepnü alo, “Nünü athakhi nangde isanü arhimobah.”

THRÜNTAN 49:32

Ju ching thulu tüsho lungkhün ju Hitrü ki thulokheah.”

THRÜNTAN 50:13

Tümüde atsührübonü api Kanan lomi ching hande yü, tüsho Abrahamnü mibahpung thsüpü Hitrü Ephron ki thulu bede athulokhi, Mamre müngüh Makpela ching thulu lungkhün ching kiuyukabah.

YUNIRÜBO RHIMO 7:16

Tüsho arübo Shekem lim hanlode arü tüsho Abrahamnü Shekem abuh Hamor ki shonü athulokhi kiuyuk ching bah.