THRÜNTAN 49:29 - AMÜSÜH HÜM CL Bible (BSI)

²⁹ Judüki apinü arü ki thsangdande tha: “I a I mihtsürü lung yüpü lah; Hitrü Ephron lu ching lakhi lungkhün ching I buh pürü lung I mi bahang,

THRÜNTAN 49:29 Iomraidhean Croise

THRÜNTAN 15:15

Kheakü nü a sühakhim ching nüsa jipürü lung yübah; nü a shinde labah kiuyuka bahbah.

THRÜNTAN 23:16

Abrahamnü Ephron ki ani; tüsho Hitrünü sode anihbuhnü athakhi nangde Abrahamnü shothsümolorü amünchi adünbe ayannü shotoyinchi nak 400 adüna Ephron kilim jih.

THRÜNTAN 23:17

Jumonü Mamre phüni Makpela ching Ephron lu, thulu tüsho lungkhün chido, tüsho thulu ching sangdung alala alungkinü adüngakhi thsüa,

THRÜNTAN 23:20

Junangde thulu tüsho ju ching lungkhün ju Hitrünü adüngakhi thsüa mibahpung thsüpü Abraham kilim jih.

THRÜNTAN 23:9

junangde apinü anihbuh lu akheam kheak lakhi Makpela lungkhün I ki yinjihbah. Nüsa bolung mibahpung thsüpü thsüde I ki adün khiukde ayinjihpü keojang.”

THRÜNTAN 35:27

Judüki Jakob ju Abram tüsho Isak lacholapung Mamre yungsho Kiriath-arba (ju Hebron) ching abuh Isak kilim arü.

THRÜNTAN 35:29

Junangde shinde tüsho nimung khiungde labah she tüsho api mihtsürü kilim yü; tüsho api tsührübo Esau le Jakob bünenü api kiuyukabah.

THRÜNTAN 47:30

tüshe küyimki I jipürü lung yapbanü, nünü Ijip chingnü I hankhitang, tüsho arü mibahpung kiuyuka bahang.” Tüsho Josepnü alo, “Nünü athakhi nangde isanü arhimobah.”

THRÜNTAN 49:28

Harü ha Israel trük 12 ah, tüsho hanangde nihbuh aban ayekhi müngühmühi apinü arü kilim müngühjihchoki arü abuhnü arü ki thakheah.

THRÜNTAN 49:33

Küyimki Jakobnü api tsührübo thsangdankhi bankhea, api jingbo yapkiu kheak chunga yüshih tüsho sheak kheamabah, tüsho anihbuh mihtsürü lung yü.

THRÜNTAN 50:12

Jumonü apinü arü ki thiyukhüm jihkhi nangde atsührübonü rhimo.

THRÜNTAN 50:13

Tümüde atsührübonü api Kanan lomi ching hande yü, tüsho Abrahamnü mibahpung thsüpü Hitrü Ephron ki thulu bede athulokhi, Mamre müngüh Makpela ching thulu lungkhün ching kiuyukabah.

2 SAMUEL 19:37

Muzhobah nü yamlarü alode yüshang, junangde I nihbuh kiuto, I buh tüsho I be mibahpung phünide ashebah. Tüshe ha ching nü yamlarü Kimham lah; api I tungpuh kiulongthsüpuh lung yüshang; tüsho nü tsükhi tümüpürüanü apinü rhimoshang.”

IBRI 12:23

tüsho yinmi ching adüjirü mung thrüta lakhi mukhungpung, tüsho alala Thrünpuh mahkhaprü tüsho thiyurolungkirü khiukdahde akamshihkhi mebo kilim,