THRÜNTAN 48:4 - AMÜSÜH HÜM CL Bible (BSI)

⁴ tüsho I ki tha, ‘Kheahang, inü nü aso asoshihbah tüsho wüh bushihbah, tüsho inü nü yimto mihtsürü kamshihbah, tüsho nü dunglim ha lomi akheam müla yamalo thsüde nü tsühsoniusobo kilim jihbah.’

THRÜNTAN 48:4 Iomraidhean Croise

THRÜNTAN 12:2

Inü nü trükshih ato kamshihbah; inü nü müngühjihbah tüsho nü mung ato kamshihbah; tüsho nü müngühmühi labah.

THRÜNTAN 17:13

Nü yam chingnü azübekhi tüsho nü shonü thulode arükhi tsütabahbeah, tüsho I tangzüng ju nü shih ching akheam müla tangzüng labah.

THRÜNTAN 17:6

Inü nü hodakde aso asoshihbah; tüsho inü nü trükshihbo kamshihbah. Tüsho nü kheaknü kiulongthsürübo arübah.

THRÜNTAN 17:8

Kheakü nüsa hanrü thsüde alakhi Kanan lo alala nü tüsho nü dunglim nü tsühsoniusobo kilim akheam müla yamalo thsüpü jihbah; tüsho I ju arü Thrünpuh thsübah.”

THRÜNTAN 22:17

müngühmühi ching inü nü müngühjihbah, tüsho wühjabuja ching thüning ching chiningbo tüsho keyean loyibo nangde nü tsühsoniusobo bushihbah; tüsho nü tsühsoniusobonü arü riri kiutobo müküh-a lubah.

THRÜNTAN 26:4

Tüsho inü nü tsühsoniusobo ju thüning ching chiningbo nangde abushihbah; inü nü tsühsoniusobo kilim harü lobo alala jihbah; tüsho nü müjih ching alomi trükshih alala müngühmühibah;

THRÜNTAN 28:3

Wuto Thrünpuhnü nü müngühshang, tüsho nü aso asode bushang, junangde nü mihtsürü wüh tode akambah;

THRÜNTAN 32:12

Tümüde nünü tha, ‘Tsükjide inü nü tsüde akümbah, tüsho nü tsühsoniusobo mükhekhambe keto loyi nangde hihde akamshihbah.’ ”

THRÜNTAN 35:11

Kheaküshe Thrünpuhnü api ki tha: “I Wuto Thrünpuh. Aso asoang tüsho wüh buang; trükshihbo nü kheaknü akhiukbah tüsho nü pang chingnü kiulongthsürübo arübah.

THRÜNTAN 46:3

Tüsho apinü tha, “I a Thrünpuh, nü buh Thrünpuh ah; Ijip lim yükipü dütre, tümüde inü nü ju ching trükshih ato khülang kamshihbah.

THRÜNTAN 47:27

Jumonü Israelrü Ijip lomi, Goshen lo ching la; tüsho ju ching yamalobo lakheah tüsho khide wüh bu.

MUNGSHIKHÜN 127:3

Kheahang, tsührübo ju Atungpuh kilimnü yamrüplurüp lah, nuyam sangaso ju api thsambah.

ABEKHIT 1:11

Jumonü Ijiprübonü Israelrü kurungkheak aputungrü zojihbah thsümüchide rhimo rhimoshih. Tüsho Israelrübonü kiulongthsüpuh yo ahiuharapung kiutobo Pithom tüsho Rameses thsüjih.

ABEKHIT 1:7

Tüshe Israelrü wüh bude hihdakde khide sühmüh lade arünü alomi mide kam.

EZEKIEL 37:25

Inü I yamlarü Jakob kilim jihkhi nüsa jipürü lakhi lo ching arübo labah; arü le arü tsührü tüsho arü tsührü tsührübo lünnü ju ching labah; tüsho I yamlarü David lünnü arü yakzanshuhrü thsübah.

LEVI 26:9

Inü nüsa kheak künde akheahbah tüsho nüsa aso asode wüh bushihbah, tüsho inü tangzüngkhi nüsa kheak zobah.

YUZÜNGTHALO 32:8

Küyimki khide Achangbuhnü trükbo kilim yamrüplurüp jihkhea, küyimki apinü mihtsürübo chammüzütkhea, apinü mihtsürü aredungbo ju Israel mihtsürü wühkhe yande khim.