THRÜNTAN 48:21 - AMÜSÜH HÜM CL Bible (BSI)

²¹ Judüki Israelnü Josep ki tha, “Kheahang, I shechoh, tüshe Thrünpuh nü lung labah; tüsho nü pü pürü lomi ching nü belode ayübah.

THRÜNTAN 48:21 Iomraidhean Croise

THRÜNTAN 12:5

Judüki Abramnü aniube Sarai le aniurü tsührü Lot, arünü ahanmukhungkhi lakhit-kukruk tüsho Haran ching arübo azhorübo alala bea lu tüsho Kanan lomi ching yüpü tsahmusu. Junangde arü Kanan lomi ching arü.

THRÜNTAN 15:14

Tüsho arünü atankihpü lakhi trükshih she inü mahkhapbah; ju dunglim arübo lakhit ato lubah akhiukbah.

THRÜNTAN 15:16

Nü tsühsoniuso ha ching alode marüchoki lün phüyi labah, tümütüsho inü Amorrü yankhitpü thsüde arü mülimkhi musuhdahyi.”

THRÜNTAN 26:3

Ha lomi ching lacholang, tüsho I nü lung labah tüsho nü müngühjihbah; tümüde inü nü le nü tsühsoniusobo kilim harü lobo alala jihbah, tüsho nü buh Abraham ki thiyuchihchimkhi dünjishihbah.

THRÜNTAN 28:15

Kheahang, I nü lung lah tüsho nü kürü ching yübanü nü aheangbah, tüsho ha lo ching nü belode arübah, tümüde inü nü ki asukkhi mürhimoyi khiungde inü nü müdükhe.”

THRÜNTAN 37:1

Jakob ju abuh lacholakhi lomi, Kanan lomi ching lakheah.

THRÜNTAN 46:4

I nü lung Ijip lim yükibah, tüsho inü tsükjide nü belode atubah; tüsho Josep khahnü nü mük müyitdojihbah.”

THRÜNTAN 47:29

Küyimki Israel ashepü kim khiungkheanü, apinü atsührü Josep ji tüsho api ki tha, “Kheakü I nü miki amuzho ngüa lasho, muzhobah I pho dükeak nü khah yukang, tüsho I ki muzhode thiyuronü rhimoang. Muzhobah Ijip ching I mi dübah,

THRÜNTAN 50:24

Tüsho Josepnü api keoniorübo ki tha, “I shechoh; tüshe Thrünpuhnü tsükjide nüsa rhua kheahbah, tüsho ha lomi chingnü bekhitde apinü Abraham, Isak tüsho Jakob ki thiyuchihchimkhi lomi ching yübah.”

THRÜNTAN 50:6

Tüsho Pharaonü alo, “Wutuang tüsho apinü nü ki thiyuchihchimshihkhi nangde nü buh mi bahang.”

MUNGSHIKHÜN 18:46

Atungpuh lah! I tsungdobuh shiang! I akhümkhit Thrünpuh shuhkihshang.

LUKNÜ ATHRÜTKHI THIYUSHEAK-ATSÜ HUHTANYU 2:29

“Atungpuh, kheakü nü yu yande nü yamlarü mungtsü chingnü chamachihshang;

YUNIRÜBO RHIMO 13:36

Tümütüsho küyimki Davidnü api lün ching Thrünpuh mulongkhi tankihkhea, api sheabah; api jipürübo lung kiuyukabah tüsho aro abühabah;

YUZÜNGTHALO 30:3

Atungpuh nüsa Thrünpuhnü nüsa aramkhi chingnü belode arübah, tüsho nüsa kheak muzhode, Atungpuh nüsa Thrünpuhnü trük alala ching müzütshihkhi chingnü bemukhungbah.

YUZÜNGTHALO 31:8

Atungpuhnü nü bebah tüsho nü lung labah. Apinü nü müdükhe yungsho mübahyuk; dütre yungsho mulong dünini.”

2 TIMOTHI 4:6

Tümüde I a shuhmülanga kingaünkhi ching lah; I chamachihpü kim arüdo.

IBRI 7:3

Abe yungsho abuh, trükji, atankih nimungbo yungsho akheam rhangdung mülade Thrünpuh tsührü kiphahde api lünnü amükeamrü ah.

IBRI 7:8

Ha ching a thürü shihcham ju ashepü lakhi mihtsürübonü luchoh; tüshe Melkizedek thsungkheak a thürü shihcham ju arhang larünü alukheah de amüsühyunü thachoh.

JIHUSUA 1:5

Jihusua, nü rhangdung la khiungde shenü nü mazhihkhuk. Mosa lung lakhi nangde I nü lung labah, I lünnü nü lung labah; inü küyimkishe nü mübahyuk.

JIHUSUA 1:9

Reangzahpü tüsho mulonglampü inü nü ki thiyukhüm jihdo de lümkhitang! Dütre tüsho mulong dünini, tümüde Atungpuh nü Thrünpuh, nü küching küching yüyü she nü lung lah.”

JIHUSUA 23:14

“Kheakü I ashepü kim khiungdo, tüsho Atungpuh nüsa Thrünpuhnü thiyuchihchimde nüsa thsungkheak atsü lümjihkhi khülang she mülakphahde nüsa mulong tüsho me chingnü mükheahlah. Khülang she mülakphahde dünjido.

JIHUSUA 3:7

Atungpuhnü Jihusua ki tha, “Inü tümü khihre rhimobanü junü Israelrü athrünkhinü nü atorü ah de wüntreshihbah, tüsho inü künangde Mosa lung lakheanü junangde nü lung she lah de arünü amükheahbah.

2 PETER 1:14

tümütüsho isa Atungpuh Jisu Khristanü I ki huhkhi yande I pang nahde luakhinbah de inü mükheahlah.