THRÜNTAN 48:19 - AMÜSÜH HÜM CL Bible (BSI)

¹⁹ Tüshe abuhnü reanglo tüsho tha, “Inü mükheahlah, I tsah-a, inü mükheahlah. Api she mihtsürü khülang kambah, tüsho api ato kambah; tüshe tsükjide akheambuh ha api kheaknü atobe labah, tüsho api tsühsoniusobo ju ahihdakkhi trükshihbo kambah.”

THRÜNTAN 48:19 Iomraidhean Croise

THRÜNTAN 17:4

“I thsungkheaknü a, ha nü kheak I tangzüng ah, tüsho nü trükshih ahihdo abuh thsübah.

THRÜNTAN 25:23

Atungpuhnü alibe ki tha, “Nü nuyam ching trükshih mahne lah, tüsho nünü azübekhi mihtsürü mahne müzütbah; khülang ju püpü kheaknü amürangbe labah, azopünü akheambuh tankihbah.”

THRÜNTAN 25:28

Tüsho Isaknü Esau muzho tümütüsho apinü alaksahkhi anihbuhnü asühde tsüh, tüshe Rebekanü Jakob muzho.

THRÜNTAN 28:14

Nü tsühsoniusobo alo asungthulung nangde alabah; nü aniyüzahlim tüsho aniakhiuklim, dukulim tüsho düjinglim bude ayübah; tüsho nü le nü müjih ching alomi yamkhün alala müngühmühibah.

THRÜNTAN 46:3

Tüsho apinü tha, “I a Thrünpuh, nü buh Thrünpuh ah; Ijip lim yükipü dütre, tümüde inü nü ju ching trükshih ato khülang kamshihbah.

THRÜNTAN 48:14

Judüki Jakobnü akhah thrütchahchihbah akheambuh thsüa lalashe akhah tsülimnü Ephraim ku kheak nimkih tüsho akhah huzulimnü adüjibuh Manase ku kheak nimkih.

THRÜNTAN 48:18

Tüsho Josepnü abuh ki tha, “Jude yung, abuh, ha adüjibuh ah; nü khah tsülim api ku kheak yihkihang.”

ISAIA 7:17

Asiria kiulongthsüpuh Ephraim, Juda chingnü chamachihkhi nimungnü ründe marükhi hadürü nimungbo nü tüsho nü mihtsürü tüsho nüsa jipürü yamkhün kheak Atungpuhnü handarübah.”

EZEKIEL 27:10

Persia, Lydia tüsho Libya amüzhak thirithsürübo nü bonungrü lakheah; arünü tsung tüsho yinchikuthran nü kheak wuh-a zo; arünü nü kilim mungthu jih.

YUZÜNGTHALO 1:10

Atungpuh nüsa Thrünpuhnü nüsa wüh bushihdo, tüsho thüning ching lakhi amükhebin chiningbo nangde, khihni nüsa ha ching lah.

YUZÜNGTHALO 33:17

Api müretahkhi ju akhuh adrekhi moshipung kiphahlah, api juh ju mütüm moshipung kiphahlah; jurünü alomi akheam alala khiungde apinü trükshihbo khubah; Ephraimrü chithürü thürübo tüsho Manaserü chithürübo.” @SP ACE=

AMIKHEAKAKHIUKKHI 7:6

Asher trük chingnü 12,000, Naphtali trük chingnü 12,000, Manase trük chingnü 12,000,

AMIKHEAKAKHIUKKHI 7:8

Zebulun trük chingnü 12,000, Josep trük chingnü 12,000, Benjamin trük chingnü 12,000.