THRÜNTAN 48:18 - AMÜSÜH HÜM CL Bible (BSI)

¹⁸ Tüsho Josepnü abuh ki tha, “Jude yung, abuh, ha adüjibuh ah; nü khah tsülim api ku kheak yihkihang.”

THRÜNTAN 48:18 Iomraidhean Croise

THRÜNTAN 19:18

Lotnü ane ki tha, “Muzhobah düh, I tungrübo!

THRÜNTAN 27:15

Jushu Rebekanü atsührü azopü Esau khimmih amokhitkhi thüyam ching anihbe ki lakhi lu, tüsho jurü atsührü akheambuh Jakob kheak khümjih.

THRÜNTAN 29:26

Labannü alo, “Isa lomi ching adüjirü müngühnü akheamrü rhangshihpü yakzan müla.

THRÜNTAN 43:33

Tüsho arünü adüjibuhnü akheambuh khiungde zübekhi ayannü akhinashu thsüde api miki bin; tüsho arübonü arü akhinashunü abinkhi ngüchoki müyinsahde khülangnü khülang kheahachih.

THRÜNTAN 48:17

Küyimki abuhnü akhah tsülim Ephraim ku kheak yihkihkhi Josepnü angükhea, junü api masühde kam; jumonü apinü Ephraim ku kheaknü Manase ku kheak yihkihpü abuh khah kheak zhim.

THRÜNTAN 48:19

Tüshe abuhnü reanglo tüsho tha, “Inü mükheahlah, I tsah-a, inü mükheahlah. Api she mihtsürü khülang kambah, tüsho api ato kambah; tüshe tsükjide akheambuh ha api kheaknü atobe labah, tüsho api tsühsoniusobo ju ahihdakkhi trükshihbo kambah.”

THRÜNTAN 49:3

Reuben, nü I tsührü adüjibuh, I sühmüh, tüsho I sühmüh akhuh sangaso, wüntre ching hodaklah, wu ching hodaklah.

ABEKHIT 10:11

Jude yung! Kheakü nüsa athrürübo lang yüang tüsho Atungpuh tankihang, tümüde ha nüsanü akünkhi ah.” Tüsho ane ju Pharao mikinü yankhitabah.

MATHI 25:9

Tüshe lümlung larübonü alo, ‘Muh, isa le nüsa chido thsungkheak musuhdah; judüpü dün a ayinrü kilim yübah nüsa thsungkheak thuloang.’

YUNIRÜBO RHIMO 10:14

Tüshe Peternü tha, “Yung, Atungpuh; tümüde tümükhüh amünean yungsho amümüsüh inü küyimkishe mütsühakheah.”

YUNIRÜBO RHIMO 11:8

Tüshe inü tha, ‘Yung, Atungpuh; tümü she amünean yungsho amümüsüh küyimkishe I mün ching müyüzahakheah.’