THRÜNTAN 48:17 - AMÜSÜH HÜM CL Bible (BSI)

¹⁷ Küyimki abuhnü akhah tsülim Ephraim ku kheak yihkihkhi Josepnü angükhea, junü api masühde kam; jumonü apinü Ephraim ku kheaknü Manase ku kheak yihkihpü abuh khah kheak zhim.

THRÜNTAN 48:17 Iomraidhean Croise

THRÜNTAN 28:8

Kanan liberünü abuh Isak kheak masühkhi she Esaunü ngü.

THRÜNTAN 38:10

Tüsho apinü arhimokhi ju Atungpuh miki mihbukmuyuk lakheah; jumonü apinü anihbuh she sheshih.

THRÜNTAN 48:14

Judüki Jakobnü akhah thrütchahchihbah akheambuh thsüa lalashe akhah tsülimnü Ephraim ku kheak nimkih tüsho akhah huzulimnü adüjibuh Manase ku kheak nimkih.

THRÜNTAN 48:18

Tüsho Josepnü abuh ki tha, “Jude yung, abuh, ha adüjibuh ah; nü khah tsülim api ku kheak yihkihang.”

1 KIULONG THSÜRÜ 16:25

Omrinü Atungpuh miki amütsü rhimo; apinü api müngüh larü alala kheaknü alübe thsüde amütsü rhimo.

1 KIUTHSÜYUKHEAN 21:7

Tüshe hadürü ching Thrünpuhnü masühde alakheah, tüsho apinü Israel shik.

MÜCHITMUDU 24:18

jude yungsho Atungpuhnü ju ngübah api masühde akambah, tüsho anihbuh kheaknü api mulong zhipzhip lude atsobah.

WÜHKHE 11:1

Tüsho mihtsürübonü arü küpkhukkhi dünkheak Atungpuhnü sode dapdapneangneang; tüsho küyimki Atungpuhnü asokhea, api bukakhiuk tüsho arü bolung Atungpuh mo takshih, tüsho binkheampung mühi mühit khürü takabah.

WÜHKHE 22:34

Tüsho Balaamnü Atungpuh yunirü ki tha, “ Inü neak yihbeakdo, tümüde I azhihde nü limro ching zhipkhi inü mümükheah. Jumonü nü miki amülim thsüa lasho, I alode ayübah.”

ROMRÜ KILIM PAULNÜ ATHRÜTKHI KIHÜM HUHTANYU 9:11

Thrünpuhnü amokhitkhi lümkhi mutukzhakde ayüpü thsüde arü müzübeyia lalashe tüsho atsü yungsho amütsü tümü mürhimoyia lalashe, rhimobo hode yung tüshe apinü ajikhinü,

JIHUSUA 17:1

Akhukhi lo ju Manase trük kilim jih tümüde api Josep tsührü adüjibuh lakheah. Gilead abuh Makir ju Manase tsührü adüjibuh tüsho bonungrü bolung athrungrü, jumonü Gilead tüsho Bashan api kilim jih.

1 SAMUEL 16:7

Tüshe Atungpuhnü Samuel ki tha, “ Api jak-ku yungsho trungdung dükheah, tümütüsho inü api bahyukdo, tümüde mihtsürünü akheahkhi nangde Atungpuhnü mükheah; mihtsürünü aleanglim kheahchoh, tüshe Atungpuhnü mulong kheahchoh.”