THRÜNTAN 48:14 - AMÜSÜH HÜM CL Bible (BSI)

¹⁴ Judüki Jakobnü akhah thrütchahchihbah akheambuh thsüa lalashe akhah tsülimnü Ephraim ku kheak nimkih tüsho akhah huzulimnü adüjibuh Manase ku kheak nimkih.

THRÜNTAN 48:14 Iomraidhean Croise

THRÜNTAN 41:51

Josepnü adüjibuh mung Manase de ji tüsho tha, “Thrünpuhnü I küpkhukbo tüsho I buh yamkhün alala mihshih.”

THRÜNTAN 41:52

Mahnepü mung apinü Ephraim de ji, “Tümüde Thrünpuhnü I küpkhukkhi lomi ching I aso asoshih.”

THRÜNTAN 46:20

Tüsho Ijip lomi ching On amükeamrü Potiphera tsührübe Asenathnü Jakob kilim Manase tüsho Ephraim zübejih.

THRÜNTAN 48:13

Tüsho Josepnü ane chido, akhah tsülimnü Israel khah huzulimpeang Ephraim tho, tüsho akhah huzulimnü Israel khah tsülimpeang Manase thobah api thüninde bedarü.

THRÜNTAN 48:17

Küyimki abuhnü akhah tsülim Ephraim ku kheak yihkihkhi Josepnü angükhea, junü api masühde kam; jumonü apinü Ephraim ku kheaknü Manase ku kheak yihkihpü abuh khah kheak zhim.

THRÜNTAN 48:18

Tüsho Josepnü abuh ki tha, “Jude yung, abuh, ha adüjibuh ah; nü khah tsülim api ku kheak yihkihang.”

MUNGSHIKHÜN 110:1

Atungpuhnü I tungpuh ki tha, “Inü nü riribo nü jing-dubopung müthsüshihyi khiungde, I khah tsülim binang.”

MUNGSHIKHÜN 118:16

Atungpuh khah tsülim shuhkih-a lah; Atungpuh khah tsülimnü müzhakde rhimochoh.

ABEKHIT 15:6

O Atungpuh , wu ching müretahkhi nü khah tsülimnü, O Atungpuh , nü khah tsülimnü thiriri adütre kamde yihthünak.

WÜHKHE 2:18

Aniyüzahlim peang Ephraimrü arü bonungrü ayannü arü tsükhi ching binbah, tüsho Ephraimrü limbebuh ju Ammihud tsührü Elishama.

WÜHKHE 8:10

Junangde nünü Levirübo Atungpuh miki bedarang, tüsho Israelrü tsührü athrünkhinü arü khah Levirü kheak nimbah;

WÜHKHE 8:18

tüsho inü Israelrü mihtsürü akhuh zübekhi lupü dün Levirübo ludo.

MATHI 16:18

Tüsho nü Peter ah de inü nü ki thachoh, ha lung kheak inü I borü thrünkihbah, tüsho thsümüchipung chipiripitbonü ju mazhihkhuk.

MATHI 19:13

Judüki arü kheak api khah nimbah tamkhüntamnüshihpü azürü aninibo api ki bedarü, tüshe jingyanrübonü arü thürüh.

MATHI 19:15

Apinü akhahnü arü kheak nim tüsho ju chingnü chamachih.

MATHI 6:5

“Küyimki nüsanü tamkhüntamnübanü yiuhkhaprübo nangde düthsü, tümüde arünü mihtsürübonü angüshihpü sinagogbo ching le kiudunglimrobo kheak zhipbah tamkhüntamnüpü mürühchoh. Inü nüsa ki thiyuro thachoh, arü thsambah ngüabahdo.

LUKNÜ ATHRÜTKHI THIYUSHEAK-ATSÜ HUHTANYU 13:13

Apinü anihbe kheak akhah nimkih tüsho judüchokinü alibe ju langakindo kam, tüsho Thrünpuh müretah.

LUKNÜ ATHRÜTKHI THIYUSHEAK-ATSÜ HUHTANYU 4:40

Küyimki ani yüzahde alakhea, tukthsü aphuaphu larü api kilim bedarü; tüsho apinü arü aban kheak akhah nimkih tüsho arübo thsüngu.

YUNIRÜBO RHIMO 13:3

Judüki khümkeak thsüde ane kheak arü khahbo nimbah tamkhüntamnü dunglim ane thiyia yüshih.

YUNIRÜBO RHIMO 6:6

Arünü harü amüsüh-thsangyurübo miki zhipshih, tüsho arünü arü kheak khah nimde tamkhüntamnüjih.

YUZÜNGTHALO 34:9

Kheakü Nun tsührü Jihusua lümlung menü mithülamde lakheah, tümüde Mosanü akhah api kheak nimkih; jumonü Israel tsührübonü api yu ani, tüsho Atungpuhnü Mosa ki thiyukhüm jihkhi nangde rhimo.

1 TIMOTHI 4:14

Azothsürübonü nü kheak arü khah nimde müchityu thachoki nü kilim jihkhi thsambah dübahyuk.

1 TIMOTHI 5:22

Khah nimkihpü ching düniokheam, yungsho püpürü neak ching düberung; nü tsangkhitde zoang.