THRÜNTAN 47:6 - AMÜSÜH HÜM CL Bible (BSI)

⁶ Ijip lomi nü müngüh lah. Nü buh le nü keoniorübo lomi atsübe ching lashang; arübo Goshen lomi ching lashang. Tüsho nünü mulonglamkhi mihtsürü arü bolung mükheahsho, I yo shiwüh kurungkheak aberü thsüshang.”

THRÜNTAN 47:6 Iomraidhean Croise

THRÜNTAN 13:10

Lotnü zünga kheah tüsho Zoar thrippeang Jordan dükhün ju ke tsüde aduhkhi Atungpuh shahwün nangde, Ijip lomi nangde alakheah. (Ha akhuhlim Sodom tüsho Gomorra thsümünimkhi lakheah).

THRÜNTAN 13:9

Nü mikhuh alo abümnü müla düpü? Muzhobah I kheaknü atrütang. Nü huzulim yüsho, I tsülim yübah; yungsho nü tsülim yüsho, I huzulim yübah.”

THRÜNTAN 20:15

Tüsho Abimeleknü tha, “Kheahang, I lo nü müngüh lah; nünü akünkhi ching laang.”

THRÜNTAN 34:10

Junangde nüsa ju isa lung labah, tüsho alo ju nüsa müngüh labah. Laang tüsho ju ching shothsümoloang, tüsho ju ching nüsa lakhit ngüa luang.”

THRÜNTAN 45:10

Nü Goshen lomi ching labah, tüsho nü le nü tsührübo, nü mihnubo le nü moshibo, tüsho nü lakhi alala I phünide alabah.

THRÜNTAN 46:34

Nüsanü alobah, ‘Isa le isa abuh chido isa athunuchokinü isa rhimo ju shiwüh kümde arükheah,’ junangde nüsa Goshen lomi ching labah; tümüde namfimihnu neakrübo ju Ijiprü ki athraneanbe lah.”

THRÜNTAN 47:11

Tüsho Pharaonü thiyukhüm jihkhi nangde Josepnü abuh le akeoniorübo lashih, tüsho Ijip lomi ching, Rameses lomi atsüdakbe yamalobo arü kilim jih.

THRÜNTAN 47:16

Josepnü alo, “Sho bahkhama lasho, nüsa shiwühbo lubah arang, tüsho nüsa shiwühbo dün inü nüsa kilim tsühyungbe jihbah.”

THRÜNTAN 47:4

Arünü Pharao ki tha, “Isabo lomi ching lacholapü arükheah, tümütüsho nü yamlarübo mihnu boto thsungkheak rimlopung müla, tümüde khümzung ju Kanan lomi ching muthsukde lah. Kheakü jumonü, muzhobah nü yamlarübo Goshen lomi ching lashang.”

THRÜNTAN 47:5

Judüki Pharaonü Josep ki tha, “Nü buh le nü keoniorübo nü kilim arüdo.

1 KIULONG THSÜRÜ 11:28

Jeroboam ju khide amüzhak mihtsürü lakheah, tüsho küyimki athrününgtsüngbuh ju rhimo mükheahrü ah de Solomonnü angükhea, apinü anihbuh ju Josep yamkhün ching rhimo amüküp alala kurungkheak hahmülang jih.

2 KIUTHSÜYUKHEAN 26:10

Apinü sunglo ching aheangsadam thsü tüsho kekungbo ahihdo kiu, tümüde Shephela tüsho adükhün ane chido ching moshibo hihde alakheah, tüsho api yo thulu-thsürü le kurungasolu wochakrü awungbo ching tüsho atsü lobo ching lakheah, tümütüsho apinü alo muzhode alakheah.

ABEKHIT 18:21

Kheaküshe nünü mihtsürü alala lungnü athsükhuk mihtsürü–Thrünpüh trerü, thiyuro mihtsürü, yihnelune mülarü mokhitang; tüsho arübo ju chithürübo, chibo, thünimbo tüsho thürübo kurungkheak yakzanshuhrübo thsüshang.

ABEKHIT 18:25

Mosanü Israel alala lungnü athsükhuk mihtsürü mokhit tüsho mihtsürü chithürübo, chibo, thünimbo tüsho thürü kurung yakzanshuhrübo thsüshih.

ABEKHIT 9:10

Jumonü anenü mokin chingnü awah lubah Pharao miki zhip, tüsho Mosanü thüning lim suka bah. Tüsho jurünü mihtsürü le shiwüh kheak phanjakkhuhbo akhiukbah mübo kam.

ABEKHIT 9:21

Tüshe shepünü Atungpuh yu akin mülakheanü api yamlarübo tüsho akam-shiwühbo aleangkheak zojih.

MÜCHITMUDU 21:1

Kiulongthsürü mulong ju Atungpuh khah ching lah; ke yungbo nangde apinü külimpeang lümlanü thsüphülapchoh.

MÜCHITMUDU 22:29

Mihtsürü khülang api rhimo ching yeanzamkhi nünü ngüchonah? Api kiulongthsürübo miki zhipbah; api a mümükheahkhi mihtsürübo miki müzhip.

JEREMIA 40:4

Kheakü kheahang, khihni inü nü khahbo ching yinchiliu chingnü nü dükhedo. Nünü I lung Babilon lim arünesho arang, tüsho inü nü düshihde akümbah; tüshe nünü I lung Babilon lim marünesho, nü darü. Kheahang, alomi abümnü nü miki lah; nünü kürü ching tsüde lümla tüsho alungki yüpü lanü yüang.

JOHAN 17:2

nünü api kilim jihkhi alala kilim lünnü rhangdung jihpü thsüde mihtsürü alala kurungkheak nünü api ki thiyukhüm-sühmüh jih.

1 SAMUEL 21:7

Kheakü Saul yamlarü khürü ju nimung Atungpuh miki tukloa bin; api mung Doeg, Edomrü, Saul mihnu neakrü atobuh lakheah.