THRÜNTAN 47:24 - AMÜSÜH HÜM CL Bible (BSI)

²⁴ Tüsho nüsanü yimluchoki phüngü ching shihchamkhüh Pharao kilim jihbah. Shihcham phüyi ju thulu ching müjih thsüpü tüsho nüsa le nüsa yamkhünbo tüsho nüsa tsührü aninibo thsungkheak tsühyungbe labah.”

THRÜNTAN 47:24 Iomraidhean Croise

THRÜNTAN 14:20

Tüsho nü riribo nü khah ching yukjihbuh Khide Achang Thrünpuh shiang.” Tüsho Abramnü alala yo thürü shihcham api kilim jih.

THRÜNTAN 14:21

Sodom kiulongthsüpuhnü Abram ki tha, “I kilim mihtsürübo jihang, tüsho kukrukbo a nü luang.”

THRÜNTAN 28:22

Tüsho inü ha mümih-lung khima zokhi ju Thrünpuh yam thsübah, tüsho nünü I kilim jihkhi alala chingnü inü nü kilim thürü shihcham jihbah.”

THRÜNTAN 41:34

Pharaonü ha rhimoang, tüsho muzhomopungkhi kam thüne ching Ijip lomi chingnü akhiukkhi phüngü shihcham thremukhungshihpü lomi kurungkheak atorübo zoang.

THRÜNTAN 47:23

Judüki Josepnü mihtsürübo ki tha, “Khihni inü nüsa le nüsa lo Pharao thsungkheak thulodo. Kheahang, ha ching nüsa thsungkheak müjih lah, tüsho alo ching yangzüyangdobah.

THRÜNTAN 47:25

Arünü alo, “Nünü isa rhangdungbo khümkhitdo; isa tungpuh miki isa amuzho ngüshang, tüsho isa Pharao yamlarübo thsübah.”

MUNGSHIKHÜN 112:5

Mihtsürü atsünü amüthsüm lade rhimochoh tüsho nipjihchoh; apinü anihbuh shothsümolo thiyuronü akhualochoh.

MUNGSHIKHÜN 41:1

Shepünü zhochihrü lümrhihde lachonü asühpü; Atungpuhnü küpkhuk kim ching api rungbah.

LEVI 27:30

Alo chingnü akhiukkhi thürü shihcham alala, hi yungsho sangaso thsüthsü, Atungpuh yo ah. Ha Atungpuh kilim amüsüh lah.

LEVI 27:32

Tüsho moshi boto le namfimihnu boto shihcham thsungkheaknü küpü namfimihnu neakbuh tso bukkhüp lanü, athürüpü ju Atungpuh miki amüsüh labah.

WÜHKHE 18:21

Kheahang, Levirünü arüngkhimyam ching rhimokhi dün Israel ching hanmukhungkhi thürü shihcham arü kilim yamrüplurüp nangde jihdo.

YUZÜNGTHALO 14:22

“Kam abande thulu chingnü akhiukkhi hi thürü shihcham nünü dükde jihang.

YUZÜNGTHALO 26:12

“Küyimki nünü thürü shihcham jihpü kam, kam asampü thürü shihchambo jihkhambanü, tüsho ju Levirü, mürerü, tüsho khimoberübo kilim jihbah arünü nüsa chipimurung khüp ching tsühbah bukthsübanü,