THRÜNTAN 46:7 - AMÜSÜH HÜM CL Bible (BSI)

⁷ Api tsührübo tüsho api tsührü tsührübo, api tsührübebo tüsho api tsührü tsührübebo, tüsho api tsühsoniusobo alala anihbuh lung apinü Ijip lim bede yü.

THRÜNTAN 46:7 Iomraidhean Croise

THRÜNTAN 34:7

Tüsho Jakob tsührübonü ju sobah thulu chingnü alung; tüsho mihtsürübo khide mulong mütsüde la tüsho khide bukakhiuk, tümütüsho apinü Israel ching amürhimobe Jakob tsührübe thsümünimkhi hode mungchih rhimo.

THRÜNTAN 46:6

Jumonü arünü Kanan lomi chingnü angükhi arü shiwühbo tüsho kukrukbo lubah, Jakob tüsho api lung anihbuh tsühsoniusobo alala Ijip lim yü.

THRÜNTAN 46:8

Kheakü Jakob tüsho api tsührübo Ijip lim yürü mung harü lakheah: Jakob tsührü adüjibuh Reuben lakheah.

MUNGSHIKHÜN 105:23

Israel she Ijip ching arü, tüsho Jakob Ham lomi ching tsoyuka la.

ISAIA 52:4

Tümüde Atungpuh Thrünpuhnü ha thachoh: Adüso, I mihtsürü khiungkerü thsüde Ijip ching lapü yüzah; Asiriarünü she amütsan mülade arü junokheah.

WÜHKHE 20:15

künangde isa jipürü Ijip ching yükikhea, tüsho isa kim ashang Ijip ching lakhea, tüsho Ijiprünü isa le nüsa jipürü kheak thsümüchikhea.

YUZÜNGTHALO 23:7

“Nünü Edomrü düthranean tümüde api nü keoniorü ah. Nünü Ijiprü düthranean, tümütüsho khülang ki nü arü lo ching khiungkerü lakheah.

YUZÜNGTHALO 26:5

Tüsho nünü Atungpuh nü Thrünpuh miki thabah: ‘Rümde atsahrü Aramrü ju I buh lakheah; tüsho api wühkhe nükde Ijip ching tsode yünü la; tüsho ju ching api trük ato, sühmüh lakhi tüsho wüh hihde kam.

JIHUSUA 24:4

tüsho Isak kilim Jakob tüsho Esau jih. Esau kilim inü Edom awung lomi api lapung lo thsüpü jih tüshe Jakob le atsührübo a Ijip ching yüki.