THRÜNTAN 46:34 - AMÜSÜH HÜM CL Bible (BSI)

³⁴ Nüsanü alobah, ‘Isa le isa abuh chido isa athunuchokinü isa rhimo ju shiwüh kümde arükheah,’ junangde nüsa Goshen lomi ching labah; tümüde namfimihnu neakrübo ju Ijiprü ki athraneanbe lah.”

THRÜNTAN 46:34 Iomraidhean Croise

THRÜNTAN 13:7

Tüsho Abram shiwüh le Lot shiwüh kheahrü dükeak alanaji akhiuk. Ju kim ching Kananrü le Perizrü she lomi ching lakheah.

THRÜNTAN 13:8

Jumonü Abramnü Lot ki tha, “Muzhobah I tüsho I shiwüh kheahrü le nü shiwüh kheahrü dükeak alanaji mülashihnü; tümüde isa keoniorü ah.

THRÜNTAN 26:20

Tüshe Gerar moshi neakrünü Isak moshi neakrü kheak rukachihde tha, “Ke ha isa yo ah.” Jumonü apinü kekhip mung ju Esek de ji, tümütüsho arünü api kheak rukachih.

THRÜNTAN 30:35

Jumonü ju nimung apinü mihnu pungbo le drebo amütri tüsho aneakjik kihkhibo, amüye kihkhi aban, tüsho namfimihnunu bolung amüwabo alala mokhita api tsührübo khah ching jih.

THRÜNTAN 34:5

Tüsho apinü atsührü Dina thsümünimkhi Jakobnü mükheah. Kheakü api tsührübo akam-shiwühbo lung thulu ching lakheah; jumonü arü malungyikia Jakobnü tümü müthsü.

THRÜNTAN 37:12

Judüki akhiung pürübo arü abuh namfimihnubo kümpü Shekem ching yü.

THRÜNTAN 37:2

Ha Jakob yamkhün yukhean. Josep kam 17 azorü lachoki abuh hanniuberü Bilha tüsho Zilpa tsührübo akhiung pürü lung namfimihnubo neakde alakheah. Apinü akhiung pürünü arhimokhi amütsü yusheak arü abuh kilim lude arü.

THRÜNTAN 43:32

Arünü Josep dükhüm khülang kheak tüsho api keoniorübo püpü kheak shua zojih. Arü lung tsühyungkhi Ijiprübo büthsüde ahiuhakhip, tümütüsho Ijiprünü Ibrirü kinü müyimtsühkhuk, tümüde ju Ijiprü ki athraneanbe lakheah.

THRÜNTAN 45:10

Nü Goshen lomi ching labah, tüsho nü le nü tsührübo, nü mihnubo le nü moshibo, tüsho nü lakhi alala I phünide alabah.

THRÜNTAN 45:18

tüsho nüsa abuh le nüsa yamkhün bebah arang; inü nüsa kilim Ijip lomi yo atsübe jihbah, tüsho nüsanü lomi müdang tsühbah.

THRÜNTAN 46:32

Tüsho mihtsürübo ju namfimihnu neakrübo ah, tümüde arü rhimobo ju shiwüh kümpü lakheah; tüsho arünü arü mihnubo le moshibo tüsho arü lakhi alala lude arüa lah.’

THRÜNTAN 47:11

Tüsho Pharaonü thiyukhüm jihkhi nangde Josepnü abuh le akeoniorübo lashih, tüsho Ijip lomi ching, Rameses lomi atsüdakbe yamalobo arü kilim jih.

THRÜNTAN 47:3

Judüki Pharaonü api keoniorübo ki tha, “Nüsa rhimo tümü a?” Tüsho arünü Pharao ki alo, “Nü yamlarübo isa jipü lungkinü namfimihnu neakrübo ah.”

THRÜNTAN 47:4

Arünü Pharao ki tha, “Isabo lomi ching lacholapü arükheah, tümütüsho nü yamlarübo mihnu boto thsungkheak rimlopung müla, tümüde khümzung ju Kanan lomi ching muthsukde lah. Kheakü jumonü, muzhobah nü yamlarübo Goshen lomi ching lashang.”

THRÜNTAN 47:6

Ijip lomi nü müngüh lah. Nü buh le nü keoniorübo lomi atsübe ching lashang; arübo Goshen lomi ching lashang. Tüsho nünü mulonglamkhi mihtsürü arü bolung mükheahsho, I yo shiwüh kurungkheak aberü thsüshang.”

ABEKHIT 8:22

Tüsho ju nimung ching inü I mihtsürü lapung Goshen lomi somünak boto mülapü thsüde aningshihbah, junangde ha lo ching I Atungpuh de nüsanü amükheahbah.

ABEKHIT 8:26

Tüsho Mosanü tha, “Ha rhimopü alungki yung, tümüde isanü Atungpuh isa Thrünpuh kilim laksah-a kingaünkhi ju Ijiprü ki athraneanbe ah. Tüsho arü miki athraneanbe lakhi isanü laksah-a kingaün jihsho, arünü isa murusahba de?