THRÜNTAN 46:32 - AMÜSÜH HÜM CL Bible (BSI)

³² Tüsho mihtsürübo ju namfimihnu neakrübo ah, tümüde arü rhimobo ju shiwüh kümpü lakheah; tüsho arünü arü mihnubo le moshibo tüsho arü lakhi alala lude arüa lah.’

THRÜNTAN 46:32 Iomraidhean Croise

THRÜNTAN 31:18

Tüsho apinü anihbuh shiwühbo le apinü alü thsükhi kukrukbo alala, Paddan-aram ching ngükhi shiwühbo lubah Kanan lomi ching abuh Isak kilim yü.

THRÜNTAN 37:2

Ha Jakob yamkhün yukhean. Josep kam 17 azorü lachoki abuh hanniuberü Bilha tüsho Zilpa tsührübo akhiung pürü lung namfimihnubo neakde alakheah. Apinü akhiung pürünü arhimokhi amütsü yusheak arü abuh kilim lude arü.

THRÜNTAN 4:2

Jushu she alibenü aniurü Abel zübejih. Abel ju namfimihnu neakrü lakheah, tüshe Kain a thulu wochakrü lakheah.

THRÜNTAN 45:10

Nü Goshen lomi ching labah, tüsho nü le nü tsührübo, nü mihnubo le nü moshibo, tüsho nü lakhi alala I phünide alabah.

THRÜNTAN 46:31

Judüki Josepnü akeoniorübo le abuh yamkhün ki tha, “I wutubah tüsho Pharao ki thabah, ‘Kanan lomi ching lakhi I keoniorübo tüsho I buh yamkhün I kilim arüdo.

THRÜNTAN 46:33

Jumonü küyimki Pharaonü nüsa jibah athaba, ‘Nüsa rhimo tümü a?’

THRÜNTAN 46:34

Nüsanü alobah, ‘Isa le isa abuh chido isa athunuchokinü isa rhimo ju shiwüh kümde arükheah,’ junangde nüsa Goshen lomi ching labah; tümüde namfimihnu neakrübo ju Ijiprü ki athraneanbe lah.”

THRÜNTAN 47:3

Judüki Pharaonü api keoniorübo ki tha, “Nüsa rhimo tümü a?” Tüsho arünü Pharao ki alo, “Nü yamlarübo isa jipü lungkinü namfimihnu neakrübo ah.”

THRÜNTAN 9:20

Noa thulu thsürü thsüpü tankih, tüsho apinü kurungasolu thsü.

1 KIULONG THSÜRÜ 9:27

Hiramnü api yamlarübo keto rükri mükheahrü, Solomon yamlarübo lung rhimoshihpü sangkungbo chingnü yüshih.

ABEKHIT 3:1

Kheakü Mosanü Midiarü amükeamrü akü Jethro yo namfimihnubo neakde alakheah. Apinü namfimihnubo ju loshelo hode bede yübah Thrünpuh wung Horeb ching arü.

ISAIA 40:11

Apinü api mihnubo ki mihnu neakrünü nangde yimkipbah; apinü namfimihnunubo api bin kheak bemukhungbah, tüsho arübo api khüh kheak hanbah, tüsho namfimihnu abebo mükhihde abebah.

ZEKARIA 13:5

tüshe arü abannü athabah, “ I wukihrü yung, I thulu thsürü khülang ah; tümüde I rhangdung amuyung thulu thsüde arükheah.”

1 SAMUEL 16:11

Samuelnü Jesse ki tha, “Nü tsührü alala ha ching la shi?” Tüsho apinü tha, “ Kheakü akheambuh aninga lah, tüshe api namfimihnu neakchoh.” Tüsho Samuelnü Jesse ki tha, “ Api ha ching arüshang; tümüde api ha ching marüyichokia isa mübin.”

1 SAMUEL 17:15

tüshe David a abuh yo namfimihnu yimkippü Bethlehem lim yüde alakheah.