THRÜNTAN 46:3 - AMÜSÜH HÜM CL Bible (BSI)

³ Tüsho apinü tha, “I a Thrünpuh, nü buh Thrünpuh ah; Ijip lim yükipü dütre, tümüde inü nü ju ching trükshih ato khülang kamshihbah.

THRÜNTAN 46:3 Iomraidhean Croise

THRÜNTAN 12:2

Inü nü trükshih ato kamshihbah; inü nü müngühjihbah tüsho nü mung ato kamshihbah; tüsho nü müngühmühi labah.

THRÜNTAN 15:1

Ha dunglim Atungpuh yu michih khülang ching Abram kilim arüde tha, “Dütre Abram. I nü tsung, khide ato nü thsambah ah.”

THRÜNTAN 15:13

Judüki Atungpuhnü api ki tha, “Nü tsühsoniusobo khiungke lomi ching hanrü thsüpü tüsho arü tankihpü lakhi tsükjide mükheahang, tüsho arünü arübo kam chi phüyi thsümüchibah.

THRÜNTAN 17:1

Küyimki Abram kam 99 azorü lakheanü, Atungpuh api ki akhiuk tüsho tha, “I Wuto Thrünpuh ah; I miki tsahang tüsho lungkide laang.

THRÜNTAN 18:18

Tümütüsho tsükjide Abraham ato tüsho sühmüh lakhi trükshih khülang kambah, tüsho lomi trükshih alala api kheaknü müngühmühibah.

THRÜNTAN 22:17

müngühmühi ching inü nü müngühjihbah, tüsho wühjabuja ching thüning ching chiningbo tüsho keyean loyibo nangde nü tsühsoniusobo bushihbah; tüsho nü tsühsoniusobonü arü riri kiutobo müküh-a lubah.

THRÜNTAN 35:11

Kheaküshe Thrünpuhnü api ki tha: “I Wuto Thrünpuh. Aso asoang tüsho wüh buang; trükshihbo nü kheaknü akhiukbah tüsho nü pang chingnü kiulongthsürübo arübah.

THRÜNTAN 47:27

Jumonü Israelrü Ijip lomi, Goshen lo ching la; tüsho ju ching yamalobo lakheah tüsho khide wüh bu.

THRÜNTAN 48:16

Yunirü shepünü amütsü alala chingnü I rhokhitkhea, azürübo müngühjang; tüsho arü kheak I mung tüsho I buh pürü Abraham tüsho Isak mung lashang; tüsho arübo alomi ching mihhihde kamshang.”

THRÜNTAN 48:19

Tüshe abuhnü reanglo tüsho tha, “Inü mükheahlah, I tsah-a, inü mükheahlah. Api she mihtsürü khülang kambah, tüsho api ato kambah; tüshe tsükjide akheambuh ha api kheaknü atobe labah, tüsho api tsühsoniusobo ju ahihdakkhi trükshihbo kambah.”

ABEKHIT 1:12

Tüshe arü küdükhüh thsümüchikhea judükhüh alü wüh bude kam, jumonü Ijiprübonü Israelrübo ju trede kam.

ABEKHIT 14:13

Tüsho Mosanü mihtsürübo ki tha, “Dütre. Düngde zhipang, tüsho Atungpuhnü nüsa khümkhitpü khihni rhimopü lakhi kheahang. Tümüde nüsanü khihni ngükhi Ijiprübo lünnü müngülo.

ISAIA 41:10

dütre, tümüde I nü lung lah, dütre, tümüde I nü Thrünpuh ah; inü nü reangzahshihbah, inü nü rungbah, inü nü I thiyuro khah tsülimnü tholobah.

JEREMIA 40:9

Shaphan tsührü Ahikam tsührü Gedalianü arübo le bonungrü ki thiyuchihchimde tha, “ Kaldearü tankihpü dütre. Ha lomi ching laang tüsho Babilon kiulongthsüpuh tankihang tüsho nüsa tsüde alabah.

YUNIRÜBO RHIMO 27:24

tüsho tha, ‘Dütre, Paul; nü Kaesar miki zhippü lah; tüsho Thrünpuhnü nü lung bekhi rhangdungbo alala nü kilim jihdo.’

YUNIRÜBO RHIMO 7:17

“Tüshe Thrünpuhnü Abraham ki mülüjihkhi kim thüninchoki, mihtsürübo Ijip ching wüh bu.

YUZÜNGTHALO 1:10

Atungpuh nüsa Thrünpuhnü nüsa wüh bushihdo, tüsho thüning ching lakhi amükhebin chiningbo nangde, khihni nüsa ha ching lah.

YUZÜNGTHALO 10:22

Nüsa jipürü mihtsürü 70 Ijip lim yüki, tüsho kheakü Atungpuh nüsa Thrünpuhnü nüsa thüning ching chiningbo nangde hihde kamshih.

YUZÜNGTHALO 26:5

Tüsho nünü Atungpuh nü Thrünpuh miki thabah: ‘Rümde atsahrü Aramrü ju I buh lakheah; tüsho api wühkhe nükde Ijip ching tsode yünü la; tüsho ju ching api trük ato, sühmüh lakhi tüsho wüh hihde kam.