THRÜNTAN 46:2 - AMÜSÜH HÜM CL Bible (BSI)

² Judüki Thrünpuhnü azhing michih ching Israel ki tha, “Jakob, Jakob!” Tüsho apinü alo, “I ha ching lah.”

THRÜNTAN 46:2 Iomraidhean Croise

THRÜNTAN 15:1

Ha dunglim Atungpuh yu michih khülang ching Abram kilim arüde tha, “Dütre Abram. I nü tsung, khide ato nü thsambah ah.”

THRÜNTAN 15:13

Judüki Atungpuhnü api ki tha, “Nü tsühsoniusobo khiungke lomi ching hanrü thsüpü tüsho arü tankihpü lakhi tsükjide mükheahang, tüsho arünü arübo kam chi phüyi thsümüchibah.

THRÜNTAN 20:3

Tüshe azhing milim ching Thrünpuh Abimelek kilim arü, tüsho tha, “Nü ashebah, tümütüsho nünü ha liberü ludo; anihbe arhangkhi liberü ah.”

THRÜNTAN 22:1

Kim anükhüh dunglim Thrünpuhnü Abraham ki rükakide tha, “Abraham!” Apinü alo, “I ha ching lah.”

THRÜNTAN 22:11

Tüshe Atungpuh yunirünü yinmi chingnü api ji tüsho tha, “Abraham, Abraham!” Tüsho apinü alo, “I ha ching lah.”

THRÜNTAN 31:11

Judüki Thrünpuh yunirünü milim ching I ki tha, ‘Jakob.’ Tüsho inü alo, ‘I ha ching lah.’

2 KIUTHSÜYUKHEAN 26:5

Atungpuh trekhi ching api thsangdanbuh Zekaria nimungbo ching apinü Thrünpuh yimpü thsakham; tüsho apinü Atungpuh yimkhi amuyung, Thrünpuhnü api müngühjih.

JOB HU H T ANYU 4:13

Azhing ching milim mide mihtsürü yapshechoki,

DANIEL 2:19

Judüki amüthakhukkhi aramyu ju azhing michih ching Daniel ki akhiuka huh tüsho Danielnü yinmi Thrünpuh shijih.

ZEKARIA 1:8

Azhing ching inü mihtsürü khülang khora amürüm kheak binde ngüdo! Api ju jindükhün ching martel sangbo lung zhipde alakheah; tüsho api dunglim ju khorabo amürüm, mürümmuchu tüsho amüye zhipde alakheah.

WÜHKHE 12:6

Tüsho Atungpuhnü tha, “Kheakü I yu aniang! Küyimki nüsa bolung wukihrü labanü, inü arü michih ching I akhiuka huhchoh tüsho inü arü kheak milim ching asukachihchoh.

WÜHKHE 24:4

Thrünpuh yu sobuhnü müchitkhi, shepünü Wuto lümkhi ngücho, shepü mük rheakde akicho:

YUNIRÜBO RHIMO 10:13

Tüsho ju ching api kilim düsheak arü, “Asürang Peter; laksahang tüsho tsühang.”

YUNIRÜBO RHIMO 10:3

Anirelim 3 king ngüm Thrünpuh yunirü arübah api ki thakhi michih ching mütsande ngü, “Kornelia”.

YUNIRÜBO RHIMO 16:9

Tüsho azhing ching Paul ki michih khülang huh: Macedonia mihtsürü khülangnü zhipbah api ki mushude tha, “Macedonia lim arübah isa rungang.”

YUNIRÜBO RHIMO 9:10

Kheakü Damaska ching Khristanrü amung Anania lakheah. Atungpuhnü michih ching api ki tha, “Anania.” Apinü alo, “I ha ching lah, Atungpuh.”

YUNIRÜBO RHIMO 9:4

Judüki api alo kheak keam, tüsho api ki thakhi düsheak so, “Saul, Saul, tümüde nünü I thsümüchicho?”

MAHKHAPRÜ 7:2

Atungpuhnü Gideon ki tha, “I thsungkheaknü Midiarü arü khah ching jihpü thsüde nü mihtsürü khide hihlah. Junangde anihbe sühmühnü api khümkhitkheah de Israelnü I azhihde mükükheang,

MAHKHAPRÜ 7:9

Ju tsüngre Atungpuhnü api ki tha, “ Asürang, binkheampung azhihde yükiang; tümüde inü ju nü khah ching jihdo.

1 SAMUEL 3:10

Kheakü Atungpuh ju ching arü zhipbah, akhuhlim nangde ji, “Samuel! Samuel!” Tüsho Samuelnü alo, “ Asukang, tümüde nü yamlarünü anichoh.”

1 SAMUEL 3:4

Judüki Atungpuhnü ji, “Samuel! Samuel!” tüsho apinü alo, “I ha ching lah!”