THRÜNTAN 46:1 - AMÜSÜH HÜM CL Bible (BSI)

¹ Jumonü Israelnü api lakhi alala lubah hantsahmusu, tüsho Beersheba ching arü, tüsho abuh Isak Thrünpuh kilim shuhmülanga kingaünkhibo jih.

THRÜNTAN 46:1 Iomraidhean Croise

THRÜNTAN 12:8

Ju chingnü api aniyüzahlim Bethel tüsho aniakhiuklim Ai lakhi aniakhiuklim Bethel wungbo lim yü. Ju ching apinü Atungpuh kilim kingaün sadam khülang thsü tüsho Atungpuh mung ji.

THRÜNTAN 21:14

Jumonü Abrahamnü yapsu mükikde asürü, tüsho yikhap le shihküp-keluh lubah Hagar dubuh kheak yihkihjih tüsho azübuh ju bebah thiyia tsoshih. Alibenü chamachih tüsho Beersheba sunglo ching rümde tsah.

THRÜNTAN 21:31

Jumonü apinü ju dangpung ki Beersheba de ji, tümütüsho anenü ju ching thiyuchihchim thsü.

THRÜNTAN 21:33

Abrahamnü Beersheba ching tamarisk sang khülang khim tüsho ju ching apinü akheam müla Thrünpuh, Atungpuh mung ji.

THRÜNTAN 22:13

Judüki Abrahamnü zünga kheah, tüsho api dunglim namfimihnupung khülang sangrung ching ajuhbo kheaknü wukloa lakheah. Abrahamnü yü tüsho namfimihnupung ju lubah api tsührü müthri taka kingaünkhi jih.

THRÜNTAN 28:10

Jakobnü Beersheba chingnü chamachih tüsho Haran lim yü.

THRÜNTAN 28:13

Tüsho kheahang, ju kumung Atungpuh zhip tüsho tha: “I nü buh Abraham tüsho Isak Thrünpuh Atungpuh ah; nü yapkhi lo inü nü tüsho nü tsühsoniusobo kilim jihbah.

THRÜNTAN 31:42

I buh Thrünpuh, Abraham Thrünpuh tüsho Isak trekhi I lung mülakhülaa, tsükjide nünü I khahkeang tsoshih-a labah. Thrünpuhnü I thsünükhi tüsho I khah rhimobo ngü, tüsho yishih nü thürüh.”

THRÜNTAN 31:53

Abraham Thrünpuh, Nahor Thrünpuh, tüsho arü jipürü Thrünpuhnü ike dükeak mahkhapshang.” Tüsho Jakobnü abuh Isak trelimnü thiyuchihchim.

THRÜNTAN 33:20

Ju ching apinü kingaün sadam khülang thsü tüsho El Elohe Israel de ji.

THRÜNTAN 35:3

Jushu isanü tsahmusuanü tüsho Bethel lim wutuanü; tüsho inü ju ching I lümthsünü nimung I ki alojihbuh tüsho I yükhi limro ching I lung lakhi Thrünpuh kilim kingaün sadam khülang thsübah.”

THRÜNTAN 35:7

Apinü ju ching kingaün sadam khülang thsü tüsho ju dangpung ki El Bethel de ji, tümütüsho api akhiung kheaknü atsochoki ju ching Thrünpuh api ki akhiuk.

THRÜNTAN 4:4

Abelnü she api namfimihnu bolung adüji tüsho amüdang hande arü. Atungpuhnü Abel tüsho apinü kingaünkhi leangkhi,

THRÜNTAN 45:28

Judüki Israelnü tha, “Ha suhdo. I tsührü Josep kheakü khiungde lah. I ayübah tüsho I müsheyichokinü inü api kheahbah.”

THRÜNTAN 8:20

Judüki Noanü Atungpuh kilim kingaün sadam khülang thsü, tüsho amüsüh shiwüh le amüsüh wuhnu aban lubah kingaün sadam kheak taka kingaün jih.

JOB HU H T ANYU 1:5

Tüsho küyimki aniojikhi nimungbo tankihkhea, Jobnü arübo jibah müsühkhit, tüsho apinü yapsu mükikde asürübah arü khekhi yande taka kingaünkhi jih; tümüde Jobnü tha, “ Khükia I tsührübonü neak yihbeaka labah, tüsho arü mulong ching Thrünpuh athrua labah.” Hanangde Job nü kamruhroro rhimo.

JOB HU H T ANYU 42:8

Kheakü jumonü moshi 7 tüsho namfimihnupung 7 luang, tüsho I yamlarü Job kilim yüang, tüsho nüsa thsungkheak taka kingaünkhi jihang; tüsho I yamlarü Jobnü nüsa thsungkheak tamkhüntamnüjihbah, tümüde nüsanü amülim rhimokhi yande mürhimopü thsüde inü api tamkhüntamnü leangkhibah; tümütüsho I yamlarü Jobnü arhimokhi nangde nüsanü I dünkheak alungki masuk.”

AMOS 7:9

Isak achang dangpungbo zhikabahshihbah, tüsho Israel arüngakopungbo thsümünima yapshihbah, tüsho inü Jeroboam yamkhün azhihde nukshang shuhkihbah.”

YUNIRÜBO RHIMO 7:15

Junangde Jakobnü Ijip ching yüki; tüsho api le isa jipürübo sheabah.

JIHUSUA 24:4

tüsho Isak kilim Jakob tüsho Esau jih. Esau kilim inü Edom awung lomi api lapung lo thsüpü jih tüshe Jakob le atsührübo a Ijip ching yüki.

1 SAMUEL 3:20

Tüsho Dan chingnü Beersheba khiungde Samuel ju Atungpuh thiyuro wukihrü ah de Israel alalanü mükheah.

1 SAMUEL 8:2

Atsührü adüjibuh mung ju Joel, mahnepü mung Abija; ane ju Beersheba ching mahkhaprü lakheah.