THRÜNTAN 45:20 - AMÜSÜH HÜM CL Bible (BSI)

²⁰ Nüsa kukrukbo thsungkheak mulong ashide düla, tümüde Ijip lomi yo atsüdakbe alala nüsa yo ah.’ ”

THRÜNTAN 45:20 Iomraidhean Croise

THRÜNTAN 20:15

Tüsho Abimeleknü tha, “Kheahang, I lo nü müngüh lah; nünü akünkhi ching laang.”

THRÜNTAN 45:18

tüsho nüsa abuh le nüsa yamkhün bebah arang; inü nüsa kilim Ijip lomi yo atsübe jihbah, tüsho nüsanü lomi müdang tsühbah.

THRÜNTAN 45:19

Kheakü ha rhimopü arü ki thiyukhüm jihang: Nüsa tsührübo tüsho nüsa niuberübo thsungkheak Ijip lomi chingnü khora-lolungbebo luang; nüsa abuh bebah arang.

THRÜNTAN 45:21

Judüki Israel tsührübonü jude thsü; tüsho Pharao yukhüm yande Josepnü arü kilim khora-lolungbebo jih, tüsho apinü arü kilim hantsah thsungkheak tsühyungbebo jih.

THRÜNTAN 47:6

Ijip lomi nü müngüh lah. Nü buh le nü keoniorübo lomi atsübe ching lashang; arübo Goshen lomi ching lashang. Tüsho nünü mulonglamkhi mihtsürü arü bolung mükheahsho, I yo shiwüh kurungkheak aberü thsüshang.”

EZRA 9:12

Jumonü nüsa tsührübo arü ki dürhangshih yungsho arü tsührü nüsanü dulu, tüsho küyimkishe arü ki mungtsü tüsho lakhit düyim, junangde nüsa sühmüh lade alo chingnü akhiukkhi atsü tsühbah, tüsho ju nüsa tsührübo kilim lünnü yamrüplurüp labah.’

ABEKHIT 22:7

“ Mihtsürü khülangnü api yamhingrü khah ching sho yungsho kukruk zojihbah ayam chingnü ahühsho, tüsho ahührü ju ngükhitsho apinü mahne kinü alü shaklobah.

ISAIA 1:19

Nüsanü mulongsho tüsho mihyu anisho, nüsanü alo ching yo atsü tsühbah;

ISAIA 13:18

Arü sanglühbonü athunu mihtsürübo laksahbah; arünü nuyam sangaso kheak mihmüthsüm mülade alabah; arü müknü azürübo kheak kheah-a mümuzho.

EZEKIEL 20:17

Tütüshe inü arü ki muzhode kheah tüsho arü müdükheakshih yungsho sunglo ching arü mükheamshih.

EZEKIEL 7:4

Inü nü kheak mihmuzhode mükheah yungsho nü maningshih; inü tsükjide nü rhimorhiyi tüsho nüsa bolung nünü athraneanbe rhimokhi ayannü ajihlobah. Judüki I Atungpuh de nünü amükheahbah.

EZEKIEL 7:9

Inü nü kheak mihmuzhode mükheah yungsho nü maningshih; inü nü rhimorhiyi tüsho nüsa bolung athraneanbe rhimokhi ayannü ajihlobah; judüki adambuh ju I Atungpuh de nünü mükheahbah.

EZEKIEL 9:5

Inü anichoki, apinü püpürü ki tha, “ Kiuto hode api yande yüang tüsho mihmuzho yungsho lümrhihkhi mülade laksahang.

MATHI 24:17

Shepü thüyammün kheak lanü api yam chingnü tümükhüh lupü düyüki.

LUKNÜ ATHRÜTKHI THIYUSHEAK-ATSÜ HUHTANYU 17:31

Ju nimung shepü thüyam-mün kheak lanü api kukrukbo thüyam ching lakhi lupü dakishih, tüsho junangde shepü thulu ching lanü dalunglo.

YUZÜNGTHALO 19:13

Nünü dümuzho, tüshe nünü amülim mükihrü thiyih bukkhi neak Israel chingnü yihkhita bahang, junangde nüsa kheak tsüde alabah.

YUZÜNGTHALO 19:21

Nünü dümuzho; tüshe rhangdung müthri rhangdung, mük müthri mük, hü müthri hü, khah müthri khah, jing müthri jing labah.

YUZÜNGTHALO 7:16

Tüsho Atungpuh nüsa Thrünpuhnü nüsa kilim jihkhi mihtsürübo nüsanü adükheakshihbah, nüsa müknü arü kheak mümuzho; yungsho nüsanü arü thrünpuhbo mütankih, tümüde nüsa thsungkheaknü ju qimürip labah.

JIHUSUA 7:11

Israelnü neak yihbeakdo! Inü arü ki thiyuchihchimkhi arünü thsümünimdo; arünü muthrumüneankhi kukruk khürü lua lah, tüshe ju ahüh-a, müyimde nihbuh kukruk ching yukdo.

1 SAMUEL 10:22

Jumonü kheaküshe arünü Atungpuh ki keokhi, “ Mihtsürü ha ching marüyi de?” Tüsho Atungpuhnü alo, “ Kheahang, api hah thsükhi bolung jiklah.”

1 SAMUEL 25:13

Davidnü amihtsürübo ki tha, “ Mihtsürü abannü nihbuh nukshang noang!” Tüsho mihbüm abannü nukshang noa lu; David she api nukshang noa lu; tüsho mihtsürü 400 ngüm David dunglim yü, tüsho 200 hah ki bin.

1 SAMUEL 30:24

Hadürü ching shenü nüsa ki anipü? Tümüde qimürip ju keochih ching yükirü le hah ki binrü thsungkheak rukhüh lang ah; arü ki rukhühnü achambah.”