THRÜNTAN 45:15 - AMÜSÜH HÜM CL Bible (BSI)

¹⁵ Tüsho apinü akeoniorü alala müthsüp tüsho trip, tüsho ju dunglim akeoniorübonü api ki asukachih.

THRÜNTAN 45:15 Iomraidhean Croise

THRÜNTAN 29:11

Jushu Jakobnü Rachel müthsüp tüsho achangnü trip.

THRÜNTAN 29:13

Labannü aniurü tsührü Jakob dünkheak thiyusheak soakede apinü anihbuh shorupü niokheamde yü. Apinü api kap tüsho müthsüp tüsho api yam ching bede arü, tüsho alala dünjikhi Jakobnü api ki thaa huh.

THRÜNTAN 33:4

Tüshe Esaunü api shorupü alihde yübah kap, tüsho ahung kheak kapbah api müthsüp, tüsho arünü trip.

THRÜNTAN 42:24

Tüsho apinü arü kheaknü anguhde yübah trip. Jushu apinü arü kilim alode arü, tüsho arü kheak asukachih. Apinü arü bolungnü Simeon thokhita arü mük kinü api rhük.

THRÜNTAN 45:14

Jushu apinü aniurü Benjamin kheak kap tüsho trip, tüsho Benjaminnü tripde api kap.

THRÜNTAN 45:16

Kheakü ha yusheak Pharao yam chingnü so, “Josep keoniorübo arüa lah,” junangde hanü Pharao tüsho api yamlarübo tsüde asühshih.

THRÜNTAN 45:2

Apinü achangnü trip, tüsho Ijiprü le Pharao yamkhünnü ju so.

THRÜNTAN 46:29

Jumonü Josepnü api khoralolungbe thsakham tüsho abuh Israel shorupü Goshen lim wutu; Josepnü api miki yü akede akhahnü abuh kap tüsho ruhde trip.

2 SAMUEL 14:33

Judüki Joabnü yübah kiulongthsüpuh ki tha; tüsho apinü Absalom ji. Jumonü api kiulongthsüpuh ki arü tüsho kiulongthsüpuh miki alo ching khukningde akin jih; tüsho kiulongthsüpuhnü Absalom kheak müthsüp.

MUNGSHIKHÜN 77:4

Apinü I mük mütukshih; I khide küpkhukkhinü masukkhuk.

ABEKHIT 4:27

Atungpuhnü Aron ki tha, “ Mosa shorupü nü sunglo ching yüang.” Jumonü apinü yübah Thrünpuh wung kheak Mosa shoru tüsho api kheak müthsüp.

LUKNÜ ATHRÜTKHI THIYUSHEAK-ATSÜ HUHTANYU 15:20

Tüsho apinü tsahmusubah abuh kilim arü. Tüshe api limshu ching tsahchokinü, abuhnü api ngübah muzhode lüm, tüsho alihde yübah ahung kheak kap tüsho api müthsüp.

YUNIRÜBO RHIMO 20:37

Arü alalanü trip tüsho Paul kapde müthsüp.

RUTH 1:14

Kheaküshe anenü atrippü tankih. Junangde Orpanü ani kheak mün müthsüpde chode thabah wulunglo, tüshe, Ruth a Naomi kheak kapkih.

RUTH 1:9

Tüsho Atungpuhnü nüke chido yamkhünbuhrü atsü ngübah sühakhim ching lapü mülüshang.” Jumonü Naominü mün müthsüpde chode tha. Tüsho arünü düsheak akhiukde trip.

1 SAMUEL 10:1

Judüki Samuelnü oliv müdangke lubah aku kheak dungkihjih, tüsho api kheak müthsüpbah tha: “Atungpuhnü api yamrüplurüp Israel mihtsürü kurungkheak yakzan shuhpü nü mujude-mokhitdo yung de?

1 SAMUEL 20:41

Azübuh tsoabahshu, Davidnü lung-mutrung khüpnü asürü tüsho amiro alo lim mükhümbah Jonathan ki mahsam ki khukning. Anenü müthsüpachih, tüsho tripachih; Davidnü alübe trip.