THRÜNTAN 44:8 - AMÜSÜH HÜM CL Bible (BSI)

⁸ Kheahang, isa shungliu-qiuqiubo mün ching yo isanü angükhi sho Kanan lomi chingnü nü kilim hanlode arüdo. Dale küde thsah isanü nü tungpuh yam chingnü shotoyinchi yungsho suna ahühpü?

THRÜNTAN 44:8 Iomraidhean Croise

THRÜNTAN 42:21

Judüki arü khülangnü khülang ki thaachih, “Tsükjide isa niurü dünkheaknü isa mülimkhi lah, tümüde apinü isa ki mushuchoki anihbuh me thsünükhi isanü ngüdo, tüshe isanü manijih; jumonü ha küpkhuk isa kheak arüdo.”

THRÜNTAN 42:27

Tüshe arü bolung khülangnü binkheampung ching anihbuh donki yimkippü shungliuqiuqiu khimshuhchoki hi mi kheak anihbuh sho ngü;

THRÜNTAN 42:35

Arü shungliu-qiuqiubo yeahkeang she arü nihbuh shungliuqiuqiu aban ching sho düm ngü; tüsho arü le arü abuhnü sho dümbo ngüchoki arü trede kam.

THRÜNTAN 43:12

Nüsa khah ching sho ju mahne kinü alü luang, tüsho nüsa shungliu-qiuqiu münbo ching jihlokhi sho nüsanü lulode yüang; khükia ju lakmih-a lapü kuklah.

THRÜNTAN 43:18

Kheakü mihtsürübo trede alakheah, tümütüsho arübo Josep yam ching bede yüzah; tüsho arünü tha, “Ha atan isa shungliu-qiuqiubo ching sho yuklojihkhi dünkheaknü isa ha ching beyuka lah, junangde apinü adükeak kheahbah isa yandobah isa yo donkibo lubah tüsho isa azhorü kamshihpü thsüchoh.”

THRÜNTAN 44:7

Tüsho arünü api ki alo, “Tümüde isa tungpuhnü hadürü yubo thacho? Nü yamlarübonü hadürü rhimopü isa kheaknü limshuabahang.

ABEKHIT 20:15

“Nünü dahüh.

MATHI 19:18

Apinü anihbuh ki tha, “Küpü a?” Tüsho Jisunü alo, “Nünü dülaksah, nünü müzammüram düthsü, nünü dahüh, nünü arükchih thiyumütsan düthsü,

ROMRÜ KILIM PAULNÜ ATHRÜTKHI KIHÜM HUHTANYU 13:9

Thiyuzüngbo, “Nünü müzammüram düthsü, nünü dülaksah, nünü dahüh, nünü yihnelune düla,” tüsho thiyuzüng püpü tharüpkhi ju, “Nünü nihbuh nangde nü yamhingrü muzhoang.”

YUZÜNGTHALO 5:19

“Nünü dahüh.