THRÜNTAN 43:9 - AMÜSÜH HÜM CL Bible (BSI)

⁹ Inü api thsungkheak thiyuchihchim thsübah; nünü api dünkheak I hahmülang thsüshang. Inü nü miki belode marüsho, lünnü ju mah inü hananü.

THRÜNTAN 43:9 Iomraidhean Croise

THRÜNTAN 31:39

Ari-shiwühnü anguhsahkhi inü nü kilim lude marü; adükheakkhi inü I küdah thsüde khaabah. Tüsho animung yungsho azhing ching ahüh-a lukhi dün ashaklo nünü I kilimnü kheang.

THRÜNTAN 42:37

Judüki Reubennü abuh ki tha, “Inü api nü kilim belode marüsho I tsührü 2 ju laksahang; api I khah ching yukjang, tüsho inü api nü kilim belode arübah.”

THRÜNTAN 43:10

Isanü mülakmakhülaa, dükde isa ha mahne kipü alode arüa labah.”

THRÜNTAN 9:5

Tüsho nüsa rhangdung-thiyih thsungkheaknü tsükjide inü ju dün kheangbah. Shiwüh tüsho mihtsürü aban kheaknü akheangbah. Mihtsürü aban kheaknü nihbuh keoniorü rhangdung dün kheangbah.

2 SAMUEL 14:9

Tekoa liberünü kiulongthsüpuh ki tha, “Mülimkhi I tüsho I buh yamkhün kheak lashang; I tungpuh kiulongthsüpuh. Kiulongthsüpuh tüsho api kiulongthsü-binkiu amülim mülakhi thsüang.”

1 KIULONG THSÜRÜ 1:21

Judüalalashe I tungpuh kiulongthsüpuh nihbuh jipürü lung sheabahshu I tsührü Solomon tüsho I ju mahmünitrü khejihbah.”

JOB HU H T ANYU 17:3

I thsungkheaknü nü kheak thiyuchihchim khülang zojang; I thsungkheaknü tsungdojihrü shepü la?

MUNGSHIKHÜN 119:122

Nü yamlarü tsüpü thsungkheak mütsanjungang; akükheangrünü I düjunoshih.

EZEKIEL 3:18

Küyimki inü mihbukmuyuk mihtsürü ki, Nü tsükjide ashebah de athaba, tüsho nünü api ki düh de müthasho yungsho anihbuh rhangdung khümkhitpü thsüde amütsü limrobo chingnü rholoshihpü masuksho, ju mihbukmuyuk mihtsürü ju anihbuh neak dün shebah, tüsho inü api thiyih nü khah chingnü akheangbah.

EZEKIEL 3:20

Kheaküshe, küyimki thiyuro mihtsürü nihbuh thiyuro-lungki chingnü rholoba tüsho amütsü rhimoba, tüsho inü api müngüh jing mükhe zojihbanü api ashebah. Tümütüsho nünü api ki düh de mütha, nihbuh neak dün api shebah. Api thiyuro-lungki rhimokhi rhimo mülümkhit tüsho api thiyih inü nü khah chingnü akheangbah.

EZEKIEL 33:6

Tüshe aheangrünü thiriri arükhi ngübah hulipungpung mümütsho, junangde mihtsürübo mukurhangsho, tüsho thiriri arübah arü khürü lude tsosho, arü mülimkhi ching arübo lude tsodo, tüshe arü thiyih ju inü aheangbuh khah chingnü akheangbah.

EZEKIEL 33:8

Inü mihbukmuyuk ki, “ O mihbukmuyukbo nüsa tsükjide ashebah” de thasho, tüsho mihbukmuyukbo arü limrobo chingnü rholopü nünü kurhangyu masuksho, mihbukmuyuk ju arü mülimkhi ching shebah, tüshe arü thiyih inü nü khah chingnü akheangbah.

LUKNÜ ATHRÜTKHI THIYUSHEAK-ATSÜ HUHTANYU 11:50

Junangde alomiküp khimtanchokinü wukihrü alala thiyihbo bukkhi dünkheak ha lün thsümüchibah,

IBRI 7:22

Hanü Jisu ju atsübe tangzüng mütsande kamshihchoh.