THRÜNTAN 43:5 - AMÜSÜH HÜM CL Bible (BSI)

⁵ Tüshe nünü api isa lung marüshihsho, isa müyüki; tümüde mihtsürünü isa ki tha, ‘Nüsa lung nüsa niurü mübesho nüsanü I miro müngülo.’”

THRÜNTAN 43:5 Iomraidhean Croise

THRÜNTAN 42:15

Hanangde nüsa rükakheahbah: Pharao lale, nüsa niurü akheambuh ha ching marüyikia nüsa ha dangpung chingnü makhin.

THRÜNTAN 42:20

Tüsho nüsa niurü akheambuh I kilim bede arang; junangde nüsa yubo mütsanmükhibah, tüsho nüsa müshe.” Tüsho arünü jude thsü.

THRÜNTAN 42:38

Tüshe apinü tha, “I tsührü nü lung müyüki, tümüde akhiung sheabahdo, tüsho api lang aninga lah. Nüsa yükhi ching api kheak thsümütsü yükihsho, nünü I ku buyiukkhi mulong rozhakde shekhün ching yüzahshihbah.”

THRÜNTAN 43:3

Tüshe Judanü api ki tha, “Nüsa lung nüsa niurü mübesho nüsanü I miro müngülo de mihtsürünü isa ki müküpde thado.

THRÜNTAN 43:4

Nünü isa lung isa niurü arüshihsho, isanü ayükibah tüsho nü khilim tsühyungbe thulobah.

THRÜNTAN 43:6

Tüsho Israelnü tha, “Nüsanü mihtsürü ki ju nüsa niurü püpü she lah de athakhinü tümüde I küpkhukshihcho?”

THRÜNTAN 44:23

Tüshe nünü nü yamlarübo ki tha, ‘Nüsa lung nüsa niurü makisho, nüsanü I miro müngülo.’

THRÜNTAN 44:25

Tüsho isa abuhnü tha, ‘Yüloang tüsho isa thsungkheak tsühyungbe anükhüh thuloang.’

THRÜNTAN 44:26

Tüshe isanü alo, ‘Isa müyükikhuk; isa niurü akheambuh isa lung besho isa ayükibah; tümüde isa niurü akheambuh isa lung mübesho isanü mihtsürübuh miro müngüde alabah.’

ABEKHIT 20:12

“Nü buh tüsho nü be wüntreang, junangde Atungpuh nü Thrünpuhnü nü kilim jihkhi lo ching nü kutsüp ashang labah.