THRÜNTAN 43:23 - AMÜSÜH HÜM CL Bible (BSI)

²³ Tüshe apinü tha, “Nüsa tümü müthsü, dütre. Nüsa le nüsa abuh Thrünpuhnü nüsa shungliu-qiuqiubo ching nüsa kilim rahpung yukjihdo; nüsa sho a le inü ludo.” Jushu apinü arü kilim Simeon bede akhiuk.

THRÜNTAN 43:23 Iomraidhean Croise

THRÜNTAN 42:24

Tüsho apinü arü kheaknü anguhde yübah trip. Jushu apinü arü kilim alode arü, tüsho arü kheak asukachih. Apinü arü bolungnü Simeon thokhita arü mük kinü api rhük.

THRÜNTAN 42:28

jumonü apinü akeoniorübo ki tha, “I sho jihloa lah tüsho ju I shungliu-qiuqiu ching zah-a lah!” Judüki arü mulong müyinkhi tüsho trede kam, tüsho khülangnü khülang ki thaachih, “Thrünpuhnü isa ki ha rhimokhi tümü a?”

THRÜNTAN 42:36

Arü abuh Jakobnü arü ki tha, “Nüsanü I tsührübo dükheakshihdo: Josep le Simeon müladebahdo, tüsho nüsanü Benjamin bede tsonelah. Harü alala I azhihkhi lah.”

THRÜNTAN 43:14

Tüsho Wuto Thrünpuhnü mihtsürübuh miki nüsa amüthsüm jihshang, junangde apinü nüsa niurü püpü le Benjamin büne dükhebah. I a tsührübo dükheakpü lasho, tümüyu lapü!”

THRÜNTAN 43:22

Tüsho isanü tsühyungbe thulopü sho püpü lubah akikheah. Isa shungliu-qiuqiubo ching shenü isa sho yukjihkheanü isanü mümükheah.”

1 KIUTHSÜYUKHEAN 12:18

Judüki samrü yo akubeatobuh Amasai kheak me arü, tüsho apinü tha, “Isa nü yo, O David; tüsho nü lung lah, O Jesse tsührü! Mungtsü, nü kilim mungtsü, tüsho nü rungrü kilim mungtsü! Tümüde nü Thrünpuh ju nü rungbuh.” Judüki Davidnü arübo leangkhi, tüsho api bonungrü torübo kamshih.

1 KIUTHSÜYUKHEAN 12:19

Davidnü Saul bede keochihpü Filistiarü bebah ayüchoki Manaserü khürü api kilim arü. (Tütüshe apinü Filistiarü murung, tümüde arü yakzanshuhrübonü keokhikeora tüsho api thiyia tsoshihde tha, “Isa ku kheamshihpü apinü api putungrü Saul kilim tsoabahbah.”)

EZRA 4:17

Kiulongthsüpuhnü ha thaloa yüshih: “Limthobuh Rehum, athrütbuh Shimshai tüsho rukhüh larübo Samaria tüsho aningkhi aniyüzahlim Euphra ching larü kilim, salüm.

LUKNÜ ATHRÜTKHI THIYUSHEAK-ATSÜ HUHTANYU 10:5

Tüshe nüsa thüyam kürü ching yüzahbanü, akhuhde thaang, ‘Ha yam ching mungtsü lashang.’

LUKNÜ ATHRÜTKHI THIYUSHEAK-ATSÜ HUHTANYU 24:36

Kheakü arübo harü thade alachoki, Jisunü arü bolung zhipbah tha, “Nüsa lung mungtsü laang.”

JOHAN 14:27

Inü nüsa lung mungtsü zojihchoh, I yo mungtsü inü nüsa kilim jihchoh; alominü ajihkhi yung nangde inü nüsa kilim jihchoh. Nüsa mulong düthsümünim, yungsho dütre.

JOHAN 20:19

Ju nimung arelim, amu-khip akhuhbe nimung Jihudarübo trekhinü jingyanrübonü ripit rihbah alachoki, Jisu arübah arü bolung zhipbah tha, “Nüsa lung mungtsü laang!”

JOHAN 20:21

Judüki Jisunü arü ki thalo, “Nüsa lung mungtsü laang! I Buhnü I thiyikhi nangde, inü nüsa thiyichoh.”

JOHAN 20:26

Tüsho nimung tizheah dunglim jingyanrübo kheaküshe alunglim lakheah; tüsho arü lung Thoma lakheah. Khimdopü rih-a lalashe arübah arü bolung zhip, tüsho tha, “Nüsa lung mungtsü lang!”

MAHKHAPRÜ 19:20

Tüsho ashinbuhnü tha, “Nü lung mungtsü lashang; nü yihnüpü alala I hahmülang thsübah; wungdo phulung ching lang azhing ching düyap.”

MAHKHAPRÜ 6:23

Judüki Atungpuhnü api ki tha, “Nü lung mungtsü laang; dütre, nü müshe.”

1 SAMUEL 25:6

Nüsanü api ki ha ruk akin jihang: ‘Nü mungtsü laang, tüsho nü yamkhün ching mungtsü laang, tüsho nü lakhi alala ching mungtsü laang.