THRÜNTAN 43:14 - AMÜSÜH HÜM CL Bible (BSI)

¹⁴ Tüsho Wuto Thrünpuhnü mihtsürübuh miki nüsa amüthsüm jihshang, junangde apinü nüsa niurü püpü le Benjamin büne dükhebah. I a tsührübo dükheakpü lasho, tümüyu lapü!”

THRÜNTAN 43:14 Iomraidhean Croise

THRÜNTAN 17:1

Küyimki Abram kam 99 azorü lakheanü, Atungpuh api ki akhiuk tüsho tha, “I Wuto Thrünpuh ah; I miki tsahang tüsho lungkide laang.

THRÜNTAN 22:14

Tüsho Abrahamnü ju dangpung ki, Atungpuhnü Ajihbah de ji; khihni khiungde ha thachoh, “Atungpuh wung chingnü ajihbah.”

THRÜNTAN 28:3

Wuto Thrünpuhnü nü müngühshang, tüsho nü aso asode bushang, junangde nü mihtsürü wüh tode akambah;

THRÜNTAN 35:11

Kheaküshe Thrünpuhnü api ki tha: “I Wuto Thrünpuh. Aso asoang tüsho wüh buang; trükshihbo nü kheaknü akhiukbah tüsho nü pang chingnü kiulongthsürübo arübah.

THRÜNTAN 39:21

Tüshe Josep lung Atungpuh lakheah tüsho api ki amüthsüm huh, tüsho rihyam aheangrü miki api amuzho ngüshih.

THRÜNTAN 42:24

Tüsho apinü arü kheaknü anguhde yübah trip. Jushu apinü arü kilim alode arü, tüsho arü kheak asukachih. Apinü arü bolungnü Simeon thokhita arü mük kinü api rhük.

THRÜNTAN 42:36

Arü abuh Jakobnü arü ki tha, “Nüsanü I tsührübo dükheakshihdo: Josep le Simeon müladebahdo, tüsho nüsanü Benjamin bede tsonelah. Harü alala I azhihkhi lah.”

THRÜNTAN 43:13

Nüsa niurü she beang, tüsho tsahmusubah mihtsürübuh kilim alode yüang.

THRÜNTAN 44:12

Jumonü apinü azopü kheaknü yimmusubah akheambuh kheaknü kheam; tüsho pung ju Benjamin shungliu-qiuqiu chingnü ngü.

EZRA 7:27

Ezranü tha, “Isa jipürü Thrünpuh! Atungpuh shiang, shepünü Jirusalem ching Atungpuh arüngyam akheahakhamde kamshihpü kiulongthsüpuh mulong ching asukachih.

NEHEMIA 1:11

O Atungpuh kheakü I tamkhüntamnü tüsho nü yamlarü püpürü sherünü nü ki wüntre jihnelanü arü tamkhüntamnü sojang. Khihni I kilim kukzam jihang, tüsho wuto kiulongthsüpuhnü I ki mihmüthsüm huhshang.” Tümüde I wuto kiulongthsüpuh pung adünararü lakheah.

ESTER 4:16

“Yüang tüsho Susa ching Jihudarü alala bemukhungang; khümkeak thsüde I thsungkheak tamkhüntamnüang. Nimung mahsam tsüngre mahsam dütsühyung. I tüsho I yamlaberünü she ju ruk thsübah. Jushu yakzannü mümülülü she I kiulongthsüpuh miki yübah; ha dünkheak I ashepü kamkam she I ashebah.”

MUNGSHIKHÜN 100:5

Tümüde Atungpuh tsülah; api amüthsüm akheam müla, tüsho api thiyuro lünbo alala ching rünkhiungde lah.

MUNGSHIKHÜN 106:46

Apinü arübo ramde ayürübonü she arü kheak muzhoshih.

MUNGSHIKHÜN 119:41

O Atungpuh , nü muzhodakkhi, nünü alokhikhi yande nü akhümkhit I kilim arüshang;

MUNGSHIKHÜN 85:7

Isa ki nü amüthsüm huhang, O Atungpuh , tüsho isa ki nü akhümkhit mülüjang.

MÜCHITMUDU 1:1

David tsührü, Israel kiulongthsüpuh Solomon müchitmudubo:

MÜCHITMUDU 16:7

Küyimki mihtsürü limrobonü Atungpuh asühshihbanü, apinü anihbuh riribo she api lung mungtsü lashichoh.

MÜCHITMUDU 21:1

Kiulongthsürü mulong ju Atungpuh khah ching lah; ke yungbo nangde apinü külimpeang lümlanü thsüphülapchoh.

ISAIA 49:13

Asühachihpü khün thsang, O thüningbo, tüsho khide asühang, O alomi; O awungbo, khün thsüde alankhitang! Tümüde Atungpuhnü api mihtsürü shukheamdo, tüsho api mihtsürü thsünürü kheak mihmüthsüm labah.

LUKNÜ ATHRÜTKHI THIYUSHEAK-ATSÜ HUHTANYU 1:50

Tüsho api amüthsüm lün chingnü lün api trerü kheak lah.

JOHAN 19:22

Pilatnü alo, “Inü tümü thrütdünü, inü thrütdo.”

YUNIRÜBO RHIMO 21:14

Küyimki isanü api yu mukukkheanü isanü tuklo tüsho tha, “Atungpuh lümkhi thsüshang.”

YUNIRÜBO RHIMO 7:10

api thsümütsü alala chingnü api bekhit tüsho Ijip kiulongthsüpuh Pharao miki amuzho tüsho lümlung jihbah apinü anihbuh Ijip tüsho api yamkhün alala kurungkheak kovünor kamshih.

1 TIMOTHI 1:16

tüshe I aneakrü bolung amütsübe kheaknü, api kheak lün rhangdung thsungkheak kinpü larü ki amütsan thsungkheak Jisu Khrista azhihayihkhi huhpü thsüde inü ha mihmüthsüm leangkhi.

1 TIMOTHI 1:2

Akin ching thiyuro I tsührü Timothi kilim: Abuh Thrünpuh tüsho isa khümkhitbuh Jisu Khristanü mihmuzho, mihmüthsüm tüsho mungtsü jihshang.

TITA 1:4

Rukhüh akin ching thiyuro I tsührü, Tita kilim: Abuh Thrünpuh tüsho isa khümkhitrü Jisu Khrista kilimnü amüthsüm tüsho mungtsü laang.

2 JOHAN 1:3

Abuh Thrünpuh tüsho Abuh tsührü Jisu Khrista kilimnü, thiyuro tüsho amuzho ching, mihmuzho, mihmüthsüm, tüsho mungtsü isa lung labah.